flugfréttir

Icelandair gengur í samtökin Airlines for Europe (A4E)

26. október 2016

|

Frétt skrifuð kl. 19:48

Icelandair er núna meðlimur í samtökunum A4E (Airlines for Europe)

Icelandair og A4E (Airlines for Europe) tilkynntu í dag að Icelandair er þrettánda flugfélagið til þess að ganga í hin nýstofnuðu en um leið stærstu samtök evrópskra flugfélaga.

Samtökin voru stofnuð í janúar á þessu ári en þau hafa höfuðstöðvar í Brussel og hafa að markmiði að vinna að hagsmunum flugfélaga á evrópskum vettvangi.

Flugfélögin sem nú þegar hafa gengið til liðs við A4E eru Aegean, airBaltic, Air France KLM, easyJet, Finnair, Icelandair, International Airlines Group (IAG), Jet2.com, Lufthansa Group, Norwegian, Ryanair, TAP Portugal og Volotea.

Með þessum flugfélögum fljúga um 550 milljónir farþega árlega í um 2.700 flugvélum sem samsvarar um 70% farþegaflugi álfunnar en heildarvelta þessara flugfélaga er yfir 100 milljarðar evra á ári.

“Við hlökkum til að vinna með A4E að helstu hagsmunamálum evrópskra flugfélaga og evrópskra flugfarþega svo sem að draga úr kostnaði við evrópska flugvelli. Helstu stefnumál A4E hafa áhrif á daglegan rekstur okkar hjá Icelandair og við viljum að rödd okkar heyrist í Evrópu”, segir Birkir Hólm Guðnason, framkvæmdastjóri Icelandair.

“A4E býður nýja þátttakendur velkomna til starfa og þar sem helstu stefnumál okkar þurfa meiri athygli í Brussel og einstökum löndum Evrópu, sjá sífellt fleiri forsvarsmenn flugfélaga ástæðu til þess að sameinast í einum sterkum samtökum í Brussel. Flugfélög Evrópu bjóða íbúum og fyrirtækjum álfunnar upp á frábæra ferðamöguleika og starfsemi þeirra stuðlar að hagvexti og fjölgun starfa”, segir Thomas Reyneart, forstjóri A4E. Nánari upplýsingar um samtökin eru á a4e.eu







  fréttir af handahófi

Boeing á von á mörgum pöntunum í nýjar fraktþotur

7. júlí 2018

|

Boeing á von á því að landa nokkrum pöntunum í nýjar fraktþotur á næstunni sem sennilega verður tilkynnt um á Farnborough-flugsýningunni sem hefst síðar í júlí.

Biluð sogdæla í blindflugi talin orsök flugslyss

25. maí 2018

|

Samgönguöryggisnefnd Bandaríkjanna (NTSB) hefur gefið út lokaskýrslu vegna flugslyss sem átti sér stað í New York fylki í Bandaríkjunum í maí árið 2016 er lítil flugvél fórst með þeim afleiðingum að

Etihad sækir um lán vegna kaupa á yfir 50 Dreamliner-þotum

5. júní 2018

|

Etihad Airways hefur sótt um fjárhagsaðstoð í formi láns til að fjármagna afhendingar á nýjum farþegaþotum frá Boeing að andvirði 104 milljarða króna.

  Nýjustu flugfréttirnar

Air Force Two á leið í andlitslyftingu

17. ágúst 2018

|

Boeing hefur fengið 16 milljónir bandaríkjadali, eða 1.7 milljarð króna, frá ríkistjórn Bandaríkjanna til þess að gera endurbætur á forsetaflugvélinni, „Air Force Two“, en Donald Trump, Bandaríkjafo

Stofnandi easyJet í mál við tvö flugfélög með svipuð nöfn

17. ágúst 2018

|

Stofnandi easyJet, Sir Stelios Haji-loannou, sakar nú flugfélag eitt í Hondúras um stuld á höfundarétti með því að nota nafn sem svipar of mikið til lágfargjaldafélagsins breska.

Ölvaður flugstjóri hjá Finnair stöðvaður fyrir brottför

17. ágúst 2018

|

Áfengi mældist í blóði hjá finnskum flugmanni sem mætti til starfa sl. miðvikudag á flugvellinum í Helsinki.

Flugmenn KLM hóta verkfalli

17. ágúst 2018

|

Flugmenn hjá hollenska flugfélaginu KLM Royal Dutch Airlines hóta því nú að leggja niður störf sín og hefja verkfallsaðgerðir líkt og hollenskir starfsbræður þeirra hjá Ryanair.

Komnar til Íslands eftir langt ferjuflug frá Flórída

16. ágúst 2018

|

Það ríkti mikil gleði í hádeginu í dag er Flugskóli Íslands fékk í hendurnar tvær splunkunýjar kennsluvélar sem lentu á Reykjavíkurflugvelli eftir langt ferðalag frá verksmiðjum Piper í Bandaríkjunum

Flugumferðarstjóra sagt upp störfum vegna atviks

16. ágúst 2018

|

Flugumferðarþjónustan í Serbíu og Svartfjallalandi (SMATSA) hefur vikið flugumferðarstjóra úr starfi sem starfaði í flugturninum á flugvellinum í Belgrade vegna atviks þar sem tvær flugvélar flugu of

Laumufarþegi féll til jarðar í flugtaki í Venezúela

16. ágúst 2018

|

Laumufarþegi lét lífið í gær í Venezúela er hann féll til jarðar úr hjólarými á farþegaþotu sem var í flugtaki á Simón Bolívar flugvellinum í höfuðborginni Caracas.

Í mál við Ryanair vegna raskana á flugi í kjölfar verkfalla

15. ágúst 2018

|

Ryanair hefur fengið á sig lögsóknir vegna fjölda flugferða sem félagið hefur þurft að fella niður vegna verkfallsaðgerða flugmanna.

FBI ræðir við flugvallarstarfsfólk

15. ágúst 2018

|

Bandaríska alríkislögreglan (FBI) ræður nú við starfsfólk á Seattle-Tacoma flugvellinum auk starfsfólks hjá Alaskan Airlines og Horizon Air í tengslum við atvikið sem átti sér stað þann 10. ágúst er

Primera Air semur við danskan flugskóla um flugnámsleið

15. ágúst 2018

|

Primera Air hefur gert samning við danska flugskólann Center Air Pilot Academy (CAPA) í Roskilde um svokallað cadet-flugnám sem miðar af því að útskrifaðir atvinnuflugmannsnemar fái starf hjá flugfél