flugfréttir
Icelandair mun hefja flug til Belfast
- Bombardier Q400 vélar Flugfélags Íslands munu annast flugið
Bombardier Dash-8 Q400 flugvélar Flugfélags Íslands munu annast flugið fyrir hönd Icelandair
Icelandair hefur tilkynnt um nýjan áfangastað sem er Belfast á Norður-Írlandi sem verður 44. áfangastaðurinn í leiðarkerfi Icelandair en flugið verður flogið með Bombardier vélum Flugfélags Íslands.
Icelandair mun hefja flugið þann 1. júní 2017 og verður flogið til Belfast þrisvar sinnum í viku, á þriðjudögum, fimmtudögum og
sunnudögum, allt árið.
Flogið verður á George Best Belfast City Airport (BHD) sem hét áður Belfast City Airport en árið 2006 var flugvöllurinn
nefndur í höfuðið á fótboltaleikmanninum George Best. Flugtíminn til Belfast verður 2 klukkustundir og 55 mínútur.
„Belfast er ört vaxandi borg á heimsmælikvarða og býður upp á marga áhugaverða viðskiptakosti fyrir fyrirtæki ásamt iðandi mannlífi og afþreyingu fyrir farþega. Við erum mjög ánægð með að geta boðið viðskiptavinum upp á þennan spennandi kost í leiðarkerfinu okkar,“ sagði Birkir Hólm Guðnason, framkvæmdastjóri Icelandair.
Flugfélag Íslands mun annast flugið til Belfast á Bombardier Q400 flugvél félagsins sem tekur 72 farþega í sæti í samstarfi við Icelandair. Flogið verður til og frá Keflavíkurflugvelli með sömu tengimöguleikum fyrir farþega yfir
Norður-Atlantshafið og í öðru flugi í leiðarkerfi Icelandair á morgnana og síðdegis.
Royal Avenue gatan í Belfast
Belfast er höfuðborg Norður-Írlands og langstærsta borg landsins með um 600 þúsund íbúa. Borgin er miðstöð stjórnsýslu og iðnaðar Norður-Íra og forn mennta- og menningarborg. Mikil saga er í borginni ásamt spennandi viðburðum, mörgum veitingastöðum og verslunum.
„Þessi nýja flugleið til Íslands mun sannarlega opna fyrir samgöngur okkar við Norður-Ameríku og er mikilvægur áfangi í þvi að auðvelda fólki um allan heim að komast til Norður-Írlands hvort sem það er í viðskiptaerindum
eða til skemmtunar“, segir Simon Hamilton, efnahagsmálaráðherra Norður-Írlands.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.