flugfréttir

Flugstjóri útskýrir af hverju Boeing 737 mun aldrei koma í stað Boeing 757

14. desember 2016

|

Frétt skrifuð kl. 07:15

Boeing 757 þota United Airlines í aðflugi að London Heathrow

Það hafa margir undrast það hvers vegna Boeing 757 sé ekki framleidd lengur þótt ástæðuna vita margir en 12 ár eru frá því að framleiðslu vélarinnar var hætt.

Boeing hefur ítrekað lýst því yfir að Boeing 737 MAX sé sú vél sem mun koma til með að leysa Boeing 757 af hólmi og þrátt fyrir að framleiðandinn viti að sú þota bjóði ekki upp á sömu eiginleika og Boeing 757 þá hefur Boeing 737 MAX verið markaðssett sem sú þota sem geti fyllt í skarðið á flestum flugleiðum meðal flugfélaga sem vilja skipta út eldri Boeing 757 þotum.

Það er þó vitað að svo er þó ekki en Boeing 757 skar sig fljótt úr meðal þeirra þotna sem framleiddar voru á sínum tíma þar sem hún var stærri og öflugri en aðrar mjóar þotur en samt sparneytnari en breiðþota.

Segja má að Boeing hafi ekki gert sér grein yfir því hversu mikilvæg þessi vél átti eftir að vera fyrir þau flugfélög sem pöntuðu hana en það kom þó í ljós ekki alveg strax fyrstu árin.

Segja má að Boeing 757 uppfylli margar mismunandi þarfir meðal flugfélaganna þar sem hún hentar í mjög breiðan hóp af flugleiðum en flugfélög hafa notað vélina í langar flugleiðir milli áfangastaða þar sem mikil eftirspurn er eftir flugsætum auk þess sem hún hentar mjög vel á styttri leiðum og í innanlandsflugi í mörgum löndum.

Flugstjórinn Patrick Smith hefur m.a. flogið hjá Delta Air Lines

Boeing hefur sl. ár gefið því gaum að Boeing 737 MAX sé ekki nógu góður arftaki og hafa verið uppi vangaveltur um að koma með enn lengri Boeing 737 MAX þotu á markaðinn, sem myndi sennnilega koma til með að kallast Boeing 737 MAX 10, en á sama tíma er verið að skoða möguleika á nýrri hönnun á þotu í stað Boeing 757.

Flugfélög ríghalda í sínar Boeing 757 þotur

Til að endurspegla þá yfirburði sem Boeing 757 hefur þá eru mörg flugfélög sem ríghalda í sínar vélar og láta þær ekki af hendi og eyða frekar fjármunum í að endurinnrétta farþegarými á 25 ára gömlum Boeing 757 þotum í stað þess að panta nýjar þotur.

Ástæðan er sú að mörg flugfélög telja að ekki sé til sú vél sem kemur í stað Boeing 757 og sé því ekkert annað í boði og þá er ekki til eitt eintak af lengri gerðinni, Boeing 757-300, sem er á notuðum markaði þar sem allar þær tegundir sem framleiddar voru eru í umferð.

Bandarískur flugstjóri, Patrick Smith, er þekktur atvinnuflugmaður í Bandaríkjunum en hann hefur m.a. skrifað nokkrar bækur um flug en í nýlegu viðtali útskýrði hann hversvegna Boeing 737 mun aldrei koma í staðinn fyrir Boeing 757.

Boeing 757 kom fyrst á markaðinn árið 1982

„Það er ekki hægt að neita því að Boeing 757 er að verða gömul flugvél sem var hönnuð á áttunda áratugnum en fjölhæfni og eiginleikar þessarar vélar eru ótrúlegir og engin vél nær henni hvað það varðar“, segir Smith.

Yfirburðir Boeing 757 komu ekki strax í ljós

„Hún er hagkvæm bæði á stuttum flugleiðum og löngum leiðum yfir Atlantshafið. Boeing og mörg flugfélög vissu fyrst ekki upphaflega ekki hvernig best væri að skilgreina vélina og nýta þá hæfni sem hún býr yfir - en fljótlega, þegar það kom í ljós, þá varð hún ein mikilvægasta vélin í flota hjá hverju flugfélagi“, segir Smith.

Smith segir að Boeing sé að reyna að styrkja eiginleika Boeing 737 MAX eins mikið og hægt er svo hún nái sömu yfirburðum og Boeing 757 og sé einnig verið að spá í að gera Boeing 737 ennþá lengri.

„Í fyrsta lagi kemur hefur Boeing 737 ekki sömu hreyfla og Boeing 757 og þá skorar Boeing 737 ekki nærri því eins hátt þegar kemur að þeirri brautarlengd sem hún þarf í flugtaki. Boeing 737 þarf meiri flugtakshraða til að koma sér á loft m.a.v. Boeing 757 og lengri flugbraut“.

Boeing 737 þota United í flugtaki í Los Angeles

Smith nefnir að Boeing 757 geti hafið sig á loft á brautarlengd sem samsvarar 4.000 fetum og það á 140 hnúta hraða en hann segir frá því í eitt skipti er hann sat fram í í stjórnklefa á Boeing 737 og tók eftir að vélin þurfti miklu meiri braut og fór ekki á loft fyrr en að nálgast 170 hnúta hraða.

„Þá stendur Boeing 737 sig ekki eins vel þegar kemur að því að fljúga langar flugleiðir eða milli austur- og vesturstrandarinnar. Hún getur það en ekki eins vel“.

„Boeing 737 var hönnuð fyrir hálfri öld síðan sem flugvél til að sinna flugi á styttri flugleiðum. Hún er gríðarlega vinsæl en það er verið að reyna að endurhanna vélina til að geta flogið flugleiðir sem hún var ekki hönnuð fyrir“.

Smith segir að Boeing sé ekki að fara að festa öflugri hreyfla á Boeing 737 en þrátt fyrir að hreyflarnir hafa stækkað gegnum árin þá er vandamálið að Boeing 737 stendur mjög lagt frá jörðu og er mjög takmarkað pláss frá hreyflunum frá jörðunni og þarf því að endurhanna hjólastellið, miðjubúkinn og vængi til að hægt sé að auka bilið.

Hefðu frekar átt að endurhanna Boeing 757 í stað 737

Smith telur að Boeing hefði frekar átt að endurhanna Boeing 757 á sínum tíma í stað þess þess að lengja Boeing 737 þotuna.

„Boeing hefði átt að endurhanna Boeing 757 með nýjum stjórnklefa og nýjum kerfum. Það hefði orðið vinsæl vél“, segir Smith sem nefnir að Boeing 757 sé þrátt fyrir það alls ekki hinn fullkomna flugvél þrátt fyrir frammúrskarandi eiginleika.

Icelandair er eitt þeirra flugfélaga sem hafa Boeing 757-300 í flota sínum

„Boeing 757 er mjög löng og mjó og það tekur tíma að koma farþegunum fyrir og þá skilur hún einnig eftir sig mikla ólgu í loftstreymi fyrir aftan sig sem þýðir að flugumferðarstjórar þurfa að halda öðrum vélum lengra frá henni.

„Eiginlega þá veit engin af hverju það er en 757 skilur mikla flugröst sem var meira að segja enn öflugri á fyrstu árunum en sú sem júmbó-þotan skildi eftir sig“.

Að lokum segir Smith að Boeing 757 sé eins og aðrar vélar. Hún kom og mun fara með árunum og mun þjóna sínu hlutverki með sóma en nú sé komið að Boeing að bjóða upp á eitthvað sem komist með tærnar þar sem þessi flugvél hefur hælanna.







  fréttir af handahófi

Ryanair mun hefja flug til Tyrklands

16. mars 2018

|

Ryanair hefur ákveðið að hefja flug til Tyrklands en þetta er í fyrsta sinn sem lágfargjaldafélagið írska mun fljúga til landsins.

Fjárfestingarbanki Evrópu lánar Isavia til uppbyggingar á KEF

1. mars 2018

|

Isavia hefur tryggt sér 12,5 milljarða króna (100 milljóna evra) lán frá Fjárfestingarbanka Evrópu (EIB) en fjármagnið verður nýtt til endurnýjunar á núverandi mannvirkjum og til afkastaaukningar á Ke

Flugslys í Nepal: Bombardier-flugvél brotlenti í Kathmandu

12. mars 2018

|

Farþegaflugvél af gerðinni Bombardier Dash Q400 brotlenti í morgun í aðflugi að flugvellinum í Kathmandu í Nepal.

  Nýjustu flugfréttirnar

Boeing 777X og 787-10 ekki í myndinni fyrir American

26. maí 2018

|

Hvorki Boeing 777X né Boeing 787-10 eru í myndinni fyrir American Airlines en Vasu Raja, varaformaður yfir leiðakerfis- og áætluanardeild félagsins, segir að ekki sé verið að skoða nýjustu breiðþotur

Fyrsta flugi Icelandair til Kansas City fagnað

25. maí 2018

|

Fyrsta flugi Icelandair til Kansas City frá var fagnað við brottför á Keflavíkurflugvelli nú síðdegis en Kansas City er ein fimm nýrra borga í Norður-Ameríku sem Icelandair bætir við leiðakerfi sitt n

Biluð sogdæla í blindflugi talin orsök flugslyss

25. maí 2018

|

Samgönguöryggisnefnd Bandaríkjanna (NTSB) hefur gefið út lokaskýrslu vegna flugslyss sem átti sér stað í New York fylki í Bandaríkjunum í maí árið 2016 er lítil flugvél fórst með þeim afleiðingum að

Rakst með vængendann í steinvegg

25. maí 2018

|

Breiðþota af gerðinni Airbus A330 frá Aer Lingus rakst með vængenda utan í steinvegg á flugvellinum í San Francisco sl. miðvikudag.

Hefja sjóflug milli Seattle og Vancouver

25. maí 2018

|

Kenmore Air hefur hafið áætlunarflug með sjóflugvélum milli Seattle og Vancouver sem býður upp á beinar tengingar milli miðbæjarkjarna borganna tveggja.

United flýgur fyrsta flugið til Íslands

24. maí 2018

|

Bandaríska flugfélagið United Airlines hefur flogið sitt fyrsta flug til Íslands sem lenti á Keflavíkurflugvelli sl. miðvikudag.

Aer Lingus byrjar að fljúga til Seattle

23. maí 2018

|

Aer Lingus hefur hafið áætlunarflug til Seattle í Bandaríkjunum en Dublin hefur verið vinsælasti áfangastaðurinn á vegum þeirra farþega sem fljúga frá Seattle með tengiflugi.

Flugmaðurinn fastur í umferð í leigubíl í fjóra tíma

23. maí 2018

|

Farþegar með einu flugi á vegum easyJet þurftu að bíða í fjórar klukkustundir inni í vélinni á Gatwick-flugvellinum í gær þar sem annar flugmaðurinn var fastur í umferð í leigubíl.

Þrjú flugfélög hefja flug til Dallas

23. maí 2018

|

Dallas í Texas er áfangastaður sem aldrei áður hefur verið flogið til frá Íslandi í beinu flugi en á næstu tveimur vikum munu hvorki meira né minna en þrjú flugfélög hefja flug milli Dallas og Keflav

Svipt leyfinu vegna flugslyssins á Kúbu

23. maí 2018

|

Flugmálayfirvöld í Mexíkó hafa svipt flugfélaginu Damojh Airlines flugrekstrarleyfinu í kjölfar flugslyssins þann 18. maí sl. er þota í eigu félagsins af gerðinni Boeing 737-200 fórst skömmu eftir fl

 síðustu atvik

  2018-01-01 19:24:00