flugfréttir

Boeing birtir fyrstu myndina af Boeing 737 MAX 10

- Randy Tinseth og John Leahy tókust á um 737 MAX og A321neo

7. mars 2017

|

Frétt skrifuð kl. 13:32

Tölvugerð mynd af Boeing 737 MAX 10 sem yrði lengsta MAX þotan

Boeing birti í gær fyrstu myndirnar sem sýna hvernig Boeing 737 MAX 10 mun koma til með að líta út ef sú vél fer í framleiðslu.

Ekki er enn búið að staðfesta hvort Boeing 737 MAX 10 verði hrynt í framkvæmd en ef af verður þá yrði vélin lengsta útgáfa af Boeing 737 sem smíðuð hefur verið frá upphafi framleiðslu.

Í dag er Boeing 737-900ER lengsta Boeing 737 vélin á markaðnum en hún er 42.1 meter á lengd en 737 MAX 9 er 10 sentimetrum lengri, eða 42.2 metrar.

Boeing 737 MAX 10 yrði 43.8 metrar á lengd eða 1.68 metrum lengri en 737 MAX 9 en Boeing byrjaði að kynna þessa vél fyrir flugfélögum í desember 2016 og segir Randy Tinseth, markaðsstjóri yfir farþegaþotudeild Boeing, að nú þegar hafi mörg flugfélög sýnt þessari vél áhuga.

Randy Tinseth hjá Boeing (til vinstri) og John Leahy hjá Airbus (til hægri)

Randy Tinseth hélt ræðu um Boeing 737 MAX 10 á ISTAT Americas (International Society of Transport Aircraft Trading) ráðstefnunni í San Diego en skömmu áður steig John Leahy, sölustjóri Airbus, í pontu og nýtti sér tækifærið til að fara yfir kosti Airbus A321neo þotunnar í samanburði við Boeing 737 MAX.

Airbus óttast ekki Boeing 737 MAX 10

John Leahy benti á að Boeing 737 MAX 10 myndi aldrei komast með tærnar þar sem Airbus A321neo hefði hælana og þá benti hann á að Airbus hafi fengið þrisvar sinnum fleiri pantanir í Airbus A321neo sem hefur verið pöntuð í 1,384 eintökum á meðan Boeing hefur fengið pantanir í 418 eintök af Boeing 737 MAX 9.

„Við erum alls ekki með neinar áhyggjur yfir því að þessi flugvél [Boeing 737 MAX 10] sé að fara ná eitthvað langt“, sagði Leahy.

Boeing mun mögulega kynna 737 MAX 10 formlega til leiks á þessu ári

Tinseth svaraði fyrir Boeing eftir ræðu Leahy þar sem hann sagði að A321neo tæki tíu fleiri farþega en 737 MAX 10 og yrði 38 sentimetrum lengri sem dugar varla fyrir tíu sætum til viðbótar.

Þá benti Tinseth einnig á að 737 MAX 10 yrði hagstæðari fyrir flugfélögin þar sem vélin mun koma til með að verða allt að 3 tonnum léttari en Airbus A321neo.

Svo gæti farið að Boeing muni formlega kynna Boeing 737 MAX 10 til leiks á þessu ári og hefja framleiðslu á vélinni sem yrði því fjórða Boeing 737 MAX vélin.

Tinseth segir að Boeing 737 MAX 10 yrði sparneytnasta og hagstæðasta farþegaþota heims í flokki þeirra sem koma með einum gangi (single-aisle) og þá yrði vélin allt að 5% hagstæðari í rekstri á hvert sæti samanborið við Airbus A321neo.

Tinseth segir að Boeing 737 MAX 10 getur tekið 230 farþega á einu farrými eða 189 á tveimur farrýmum á meðan Airbus A321neo mun koma með sæti fyrir 193 farþega.







  fréttir af handahófi

Flaug Diamond DA20 án leyfis og missti mótor um miðja nótt

12. október 2017

|

Slæm ákvörðunartaka og eldsneytisskortur er talin vera orsök flugslyss sem átti sér stað í Texas árið 2015 er einkaflugvél af gerðinni Diamond Da20-C1 hlekktist á í nauðlendingu á akri að nóttu til.

Emirates komið með 100 Airbus A380 risaþotur

3. nóvember 2017

|

Emirates hefur tekið við sinni hundruðustu Airbus A380 risaþotu sem félagið fékk afhenta við hátíðlega athöfn í Hamborg í gær.

Kalla Ryanair „Norður-Kóreu“ flugsins

5. október 2017

|

Flugfreyjur og flugþjónar hjá Ryanair ætla að skipuleggja verkfall á næstunni til að mótmæla vinnuumhverfi sínu auk þess sem margir ætla sér að taka þátt í hópuppsögnum og fara yfir til easyJet.

  Nýjustu flugfréttirnar

Flugmenn Ryanair boða til verkfalls fyrir jólin

12. desember 2017

|

Flugmenn hjá Ryanair hafa boðað til verkfallsaðgerða fyrir jólin en nokkur starfsmannafélög meðal flugmanna félagsins, bæði á Írlandi og á meginlandi Evrópu hafa boðað til verkfalla.

Rannsókn lokið á þotu sem fór í loftið með mikla ísingu

12. desember 2017

|

Flugmálayfirvöld í Svíþjóð hafa lokið við rannsókn á atviki er fjögurra hreyfla farþegaþota af gerðinni Avro RJ-100 fór í loftið með ísingu á vængjum en vélin gekkst ekki undir afísingarferli fyrir b

Malaysian ætlar að hafa risaþoturnar áfram

12. desember 2017

|

Malaysia Airlines hefur tilkynnt að félagið sé hætt við að taka Airbus A380 risaþoturnar úr notkun og ætlar félagið að halda þeim áfram í flotanum í reglubundnu áætlunarflugi.

50 ár frá frumsýningu Concorde

11. desember 2017

|

Í dag eru 50 ár síðan að almenningur fékk í fyrsta sinn að berja augum Concorde-þotuna sem leit dagsins ljós þann 11. deseember árið 1967.

Ísing á Heathrow setti allt flug úr skorðum í gær

11. desember 2017

|

Um 50.000 farþegar á vegum British Airways eru nú strandaglópar víðvegar um Evrópu eftir að snjókoma og ísingaraðstæður setti allt flug félagsins úr skorðum á Heathrow-flugvellinum.

SpiceJet stefnir á farþegaflug með sjóflugvélum

11. desember 2017

|

SpiceJet, þriðja stærsta flugfélag Indlands, hefur lokið tilraunum með sjóflugvélum sem mögulega verða notaðar í áætlunarflugi ef allt gengur eftir.

Risaþota frá Emirates of lágt í Canarsie-aðfluginu á JFK

11. desember 2017

|

Airbus A380 risaþota frá Emirates þurfti að fara í fráhvarfsflug á Kennedy-flugvellinum í New York sl. þriðjudag þar sem vélin var komin of lágt inn til lendingar í aðflugi.

Líftími hreyflablaða í Boeing 787 styttri en talið var

11. desember 2017

|

Nokkur flugfélög í heiminum, sem hafa Dreamliner-þoturnar í flota sínum sem koma með Trent 1000 hreyflum frá Rolls-Royce, standa frammi fyrir mögulegum seinkunum á flugi yfir jólin og áramót vegna va

„Það mun koma önnur niðursveifla í fraktfluginu“

11. desember 2017

|

Talið er að frakflug í heiminum eigi eftir að halda áfram að aukast jafnt og þétt á næsta ári og er talið að árið 2018 verði mjög gott almennt séð í flugfraktinni.

249.000 farþegar með Icelandair í nóvember

10. desember 2017

|

Alls voru 249.000 farþegar sem flugu með Icelandair í nóvembermánuði sem leið sem er 8 prósenta aukning samanborðið við nóvember í fyrra.

 síðustu atvik

  2017-12-04 17:20:00