flugfréttir

Mögulegur kaupandi fundinn að Fokker-vélum Flugfélags Íslands

- Gætu farið af landi brott á næstu vikum eftir tæpt ár í geymslu

7. mars 2017

|

Frétt skrifuð kl. 17:31

TF-JMN í skýli 885 á Keflavíkurflugvelli / Ljósmynd: Friðrik Friðriksson

Fjórar Fokker 50 vélar, sem áður flugu fyrir Flugfélag Íslands, eru komnar í söluferli en vélarnar hafa verið í geymslu hér á landi frá því þær voru teknar úr umferð sl. vor.

Fokker 50 vélarnar voru teknar úr umferð í kjölfar endurnýjun á flugflota félagsins sem leysti þær af hólmi með Bombardier Dash-8 Q400 vélunum nýju sem sinna í dag innanlandsflugi auk tveggja Dash-8 Q200 véla.

Flugfélag Íslands hafði sex Fokker 50 vélar í flota sínum en sú fyrsta kom hingað til lands árið 1992 og höfðu þær verið stoð og stytta innanlandsflugsins í 26 ár en saga Fokker-vélanna í íslenskri flugsögu nær aftur til ársins 1965.

Tvær af þessum vélum (TF-JMO og TF-JMM) eignuðust fyrir tveimur árum síðan nýtt líf í Kongó og voru þær ferjaðar þangað í ársbyrjun 2014.

TF-JMR í geymslu í skýli 885 á Keflavíkurflugvelli

Hinar fjórar hafa verið í geymslu hér á landi, þrjár á Keflavíkurflugvelli og ein á Reykjavíkurflugvelli en framtíð þeirra hefur verið spurningamerki í augum sumra sem hafa velt því fyrir sér hver örlög vélanna verður.

Að sögn Árna Gunnarssonar, framkvæmdarstjóra Flugfélags Íslands, þá standa yfir viðræður við ákveðin aðila um sölu á vélunum.

Ekki vitað hvert vélarnar munu fara á endanum eftir kaupin

„Það er ekki búið að ganga frá neinu. Það er ákveðið ferli í gangi og erum við í viðræðum við einn aðila“, segir Árni sem tekur fram að unnið er að því að viðkomandi viðskiptavinur muni taka allar vélarnar.

TF-JMT er þriðja vélin sem hefur verið í geymslu

Ekki er óalgengt að í flugvélakaupum hvíli leynd yfir viðskiptavinum varðandi sölu á nýjum og notuðum vélum og er ekki gefið upp hvaða aðili ætlar sér að kaupa vélarnar á þessum tímapuntki en viðskiptavinurinn er flugvélaleiga.

„Þetta er aðili sem er eignaraðili að vélum þannig við vitum ekki hvert vélarnar fara þegar upp er staðið“, segir Árni.

Að sögn Árna eru vélarnar í flughæfu ástandi og eru þær í svokölluðu „geymsluprógrammi“ (storage program) sem tryggir að án mikillar fyrirhafnar verður hægt að gera þær flughæfar samkvæmt reglugerðum með litlum fyrirvara.

Gert er ráð fyrir því að ferlinu varðandi sölu á vélunum ljúki á næstu vikum eða mánuðum og munu þær þá yfirgefa landið.







  fréttir af handahófi

Ryanair leggur til Boeing 737 þotur til Laudamotion

3. apríl 2018

|

Ryanair og nýja austurríska flugfélagið, Laudamotion, hafa tilkynnt um samstarf félaganna tveggja en Ryanair mun til að mynda láta Laudamotion fá fjórar Boeing 737-800 þotur í júní sem félagið mun no

Lufthansa lýsir bláa litinn

10. maí 2018

|

Lufthansa gerir nú tilraunir með breytingar á nýja útlitinu á flugflotanum sem felur í sér bjartari liti en skömmu eftir að flugfélagið þýska kynnti nýtt útlit á flugvélunum í febrúar kom í ljós að b

Breiðþota hjá Lufthansa ónýt eftir að dráttarbíll varð alelda

12. júní 2018

|

Ein af Airbus A340-300 breiðþotum Lufthansa er ónýt eftir að hún eyðilagðist í eldi er dráttarbíll, sem dró hana á flugvellinum í Frankfurt í gær, varð alelda.

  Nýjustu flugfréttirnar

Níu bæir í Ástralíu slást um að hýsa nýjan flugskóla Qantas

22. júní 2018

|

Qantas leitar nú að staðsetningu fyrir nýjan flugskóla á vegum flugfélagsins en alls eru níu bæir og borgir í Ástralíu sem koma til greina sem keppast um að fá að hýsa nýjan flugskóla.

300 þotur í flota easyJet

22. júní 2018

|

Flugfloti easyJet telur nú 300 flugvélar en félagið fékk þrjúhundruðustu Airbus-þotuna í flotann í gær sem er af gerðinni Airbus A320 og verður hún staðsett á Tegel-flugvellinum í Berlín.

Ríkisstjórn Indlands hættir við að selja Air India í bili

22. júní 2018

|

Ríkisstjórn Indlands hefur hætt við áform sín um að selja ríkisflugfélagið Air India þar sem ekki hefur tekist að finna áhugasama fjárfesta til að kaupa 76 prósent í félaginu.

Ráðherra segir af sér rétt fyrir kosningu um stækkun Heathrow

21. júní 2018

|

Greg Hands, viðskiptaráðherra Bretlands, hefur sagt af sér vegna óánægju sinnar vegna ákvörðunar breska þingsins um að taka upp atkvæðagreiðslu eftir helgi um stækkun Heathrow-flugvallar.

Aldrei eins mörg verkföll hjá flugumferðarstjórum í Evrópu

21. júní 2018

|

Árið 2018 stefnir í að verða það versta er kemur að fjölda verkfalla meðal flugumferðarstjóra í Evrópu.

LaudaMotion í viðræðum við Airbus og flugvélaleigur

20. júní 2018

|

Austurríska flugfélagið LaudaMotion á nú í viðræðum við Airbus vegna fyrirhugaðrar pöntunar í nýjar farþegaþotur en þá er félagið einnig að ræða við flugvélaleigur sem gætu orðið félaginu út um flugv

FedEx pantar 25 fraktþotur frá Boeing

20. júní 2018

|

Vöruflutningarisinn FedEx Express hefur pantað 24 fraktþotur frá Boeing af gerðinni Boeing 767-300ERF og Boeing 777F.

Stöðva allt fraktflug tímabundið vegna viðhaldsmála

19. júní 2018

|

Japanska fraktflugfélagið Nippon Cargo Airlines (NCA) ætlar að hætta öllu fraktflugi tímabundið af öryggisástæðum en flugfélagið telur að óviðeigandi smurolía hafi verið notuð við viðhald á einni af

Risaþota flaug inn í kviku af annarri risaþotu

19. júní 2018

|

Airbus A380 risaþota frá Qantas lenti í því á dögunum að taka snögga dýfu eftir að hafa flogið inn í vængendakviku af annarri risaþotu frá sama flugfélagi með tilheyrandi ókyrrð.

Fyrsta A350 með „wing-twist“ fer til Iberia

18. júní 2018

|

Spænska flugfélagið Iberia verður í næsta mánuði fyrsta flugfélagið til að fá Airbus A350 þotu afhenta með nýja „wing-twist“ vængnum.