flugfréttir

Boeing og Embraer frumsýndu tvær nýjar þotur í gær

- Boeing 737 MAX 9 og Embraer E195-E2 ýtt út úr samsetningu

8. mars 2017

|

Frétt skrifuð kl. 13:15

Fyrsta Embraer E195-E2 þotan fyrir framan verksmiðjur Embraer í Sao Jose dos Campos í Brasilíu í gær

Það er ekki á hverjum degi sem að ný farþegaflugvél er kynnt og ýtt út úr samsetningarsal þótt það eigi sér stað nokkrum sinnum á ári en því síður að tvær nýjar þotur eru kynntar sama daginn hjá sitthvorum framleiðandanum.

Í gær voru þó tveir flugvélaframleiðendur sem sýndu fyrsta eintakið af nýjum þotum og í báðum tilvikum var verið verið að sýna fyrsta eintakið af öðrum fjölskyldumeðlimnum af þremur.

Boeing ýtti út úr samsetningarsal í Renton í Washington fyrstu Boeing 737 MAX 9 þotunni en á sama tíma í 10,929 kílómetra fjarlægð var Embraer í Brasilíu að ýta út úr samsentingu fyrsta eintakinu af Embraer E195-E2 þotunni.

Fyrsta Boeing 737 MAX 9 tilraunavélin ber skráninguna N7379E og var henni út úr úr samsetningarsal Boeing í Renton klukkan 17:00 að íslenskum tíma í gær.

Tilraunir með rafkerfi munu hefjast á næstunni og verða öll kerfi um borð athuguð fyrir jómfrúarflugið en stefnt er á að vélin muni fljúga sitt fyrsta tilraunaflug í apríl.

Boeing 737 MAX 9 mun fljúga sitt fyrsta flug í apríl

Boeing 737 MAX 9 er arftaki Boeing 737-900 og 737-900ER vélanna sem komu á markaðinn árið 1997. Sú vél var pöntuð í 547 eintökum en í dag hafa 11 flugfélög pantað 418 eintök af Boeing 737 MAX 9.

Lágfargjaldafélagið Lion Air í Indónesíu hefur flestar pantanirnar í 737 MAX 9 en félagið á von á 200 þotum af þessari gerð og verður félagið einnig það fyrsta til að fá hana afhenta árið 2018.

Önnur flugfélög sem hafa lagt inn pöntun í Boeing 737 MAX 9 er United Airlines, Alaska Airlines, Icelandair, Turkish Airlines, TUI Travel, WestJet og Air Canada.



Stærsta E2 þotan ýtt út samsetningu

Embraer E195-E2 er stærsti meðlimurinn af E2 vélunum sem er næsta kynslóð af farþegaþotum Embraer en ár er síðan að fyrstu E2-þotunni var ýtt út úr samsetningarsal þann 26. febrúar 2016 sem var E190-E2 vélin.

Embraer E195-E2 mun geta tekið allt að 146 farþega eða 120 farþega á tveimur farrýmum en vélin mun leysa af hólmi Embraer 195 þotuna sem er að finna í flota fjölda flugfélaga um allan heim sem fljúga styttri flugleiðir.

Embraer segir að E195-E2 þotan sé allt að 20% sparneytnari samanborið við stærri þotur og þá kemur vélin með nýrri kynslóð af „fly-by-wire“ tækninni sem lágmarkar drag og þyngdaráhrif vélarinnar sem gerir hana sparneytnari á flugi.

Embraer E195-E2 þotan við athöfnina í gær

Þá segir Embraer að E195-E2 eyði allt að 24% minna eldsneyti en Embraer 195 þotan sem kom á markaðinn árið 2006 og þá er viðhaldskostnaðurinn allt að 20 prósentum lægri.

Tvær tilraunaþotur af þessari gerð munu sinna tilraunaflugi og munu þær fljúga báðar sitt fyrsta flug síðar á þessu ári en afhendingar munu hefjast árið 2019.

Alls hafa 4 flugfélög lagt inn pöntun í 90 eintök af Embraer E195-E2 en þau félög eru Air Costa á Indlandi, Azul Brazilian Airlines og flugvélaleigurnar Aircastle og ILFC.

Fleiri myndir:

















  fréttir af handahófi

Gjaldþrot blasir við Niki

13. desember 2017

|

Gjaldþrot blasir við austurríska flugfélaginu Niki eftir að Lufthansa lýsti því yfir í dag að félagið væri hætt við yfirtöku á Niki þar sem allt stefnir í að Evrópusambandið sé að fara hafna yfirtöku

Þriggja ára stúlka sú eina sem lifði af flugslys í Rússlandi

16. nóvember 2017

|

Sex manns létu lífið er lítil farþegaflugvél af gerðinni Let L-410 brotlenti í lendingu í Rússlandi í gær.

Kona með barn í fanginu féll fram af Airbus A321 þotu

2. október 2017

|

Kona, með ungabarn í fanginu, féll úr flugvél niður á flughlað er hún gekk frá borði eftir flug með Airbus A321 þotu frá rússneska flugfélaginu Ural Airlines á Pulkovo-flugvellinum í Pétursborg sl. f

  Nýjustu flugfréttirnar

Norwegian Air Argentina fær fyrstu þotuna í janúar

16. desember 2017

|

Norwegian Air Argentina, nýstofnað dótturfélag Norwegian í Argentínu, mun fá sína fyrstu farþegaþotu afhenta í janúar eftir áramót.

Keflavíkurflugvöllur í 8. sæti í ánægjumælingu

15. desember 2017

|

Keflavíkurflugvöllur er með áttundu ánægðustu farþega heims samkvæmt mælingum með Happy or Not stöndum svonefndum, sem eru ánægjumælingartól.

Lufthansa þokast nær yfirtöku á Alitalia

14. desember 2017

|

Lufthansa er skrefi nær því að taka yfir rekstri ítalska ríkisflugfélagsins Alitalia en forsvarsmenn Lufthansa munu um helgina halda til fundar í Róm þar sem staðan vegna yfirtökunnar verður tekin fy

Norwegian kaupir 28 pláss á Gatwick-flugvelli

14. desember 2017

|

Norska flugfélagið Norwegian hefur náð að styrkja stöðu sína á Gatwick-flugvelli með kaupum á 28 vikulegum afgreiðsluplássum af litháenska flugfélaginu Small Planet Airlines.

Orðrómur: Delta mun panta 100 Airbus A321neo þotur

14. desember 2017

|

Sagt er að Delta Air Lines muni síðar í dag tilkynna um risapöntun í allt að 100 farþegaþotur frá Airbus.

Blackbird Air í Danmörku stefnir á einkaþotuflug til Ameríku

14. desember 2017

|

Danska leiguflugfélagið Blackbird Air ætlar sér að hefja reglubundið flug til Bandaríkjanna með einkaþotum.

Gjaldþrot blasir við Niki

13. desember 2017

|

Gjaldþrot blasir við austurríska flugfélaginu Niki eftir að Lufthansa lýsti því yfir í dag að félagið væri hætt við yfirtöku á Niki þar sem allt stefnir í að Evrópusambandið sé að fara hafna yfirtöku

Lufthansa fær ekki að kaupa Niki

13. desember 2017

|

Lufthansa hefur hætt við áform sín um að taka yfir rekstur flugfélagsins Niki eftir að Framkvæmdarstjórn Evrópusambandsins hafnaði viðskiptunum á grundvelli samkeppnislaga.

Primera Air pantar tvær Boeing 737 MAX til viðbótar

13. desember 2017

|

Primera Air hefur staðfest pöntun á tveimur Boeing 737 MAX 9 þotum til viðbótar sem bætist við þær átta þotur sem félagið pantaði í vor.

Flugmenn Ryanair boða til verkfalls fyrir jólin

12. desember 2017

|

Flugmenn hjá Ryanair hafa boðað til verkfallsaðgerða fyrir jólin en nokkur starfsmannafélög meðal flugmanna félagsins, bæði á Írlandi og á meginlandi Evrópu hafa boðað til verkfalla.

 síðustu atvik

  2017-12-04 17:20:00