flugfréttir

Tvö bandarísk flugfélög hætta að fljúga til Kúbu

- Of mikið framboð af flugi milli Kúbu og Flórída

16. mars 2017

|

Frétt skrifuð kl. 13:22

Hálft ár er síðan að fyrstu bandarísku flugfélögin byrjuðu að fljúga til Kúbu

Að minnsta kosti tvö bandarísk flugfélög hafa ákveðið að hætta að fljúga til Kúbu aðeins sex mánuðum eftir að þau fengu leyfi til að byrja að fljúga til eyjunnar eftir 50 ára hlé.

Silver Airways hefur ákveðið að hætta að fljúga til þeirra níu áfangastaða sem félagið hóf að fljúga til í fyrra á Kúbu en þeir eru Camaguey, Cayo Coco, Cienfuegos, Holgúin, Manzanillo, Santa Clara, Santiago og Varadero.

Þá hefur Frontier einnig ákveðið að hætta að fljúga milli Miami og Havana en félagið segir að allt of mikið framboð sé á flugsætum milli Flórída-skagans og Kúbu og sé flugið þar af leiðandi ekki arðbært þar sem sætanýtingin dreifist á of mörg flugfélög.

Southwest Airlines og JetBlue fljúga einnig til Kúbu frá Flórída en JetBlue og American Airlines hafa meðal annars dregið úr framboði sínu til Kúbu án þess að hafa skorið niður áfangastaði sína.

Gary Kelly, framkvæmdarstjóri Southwest Airlines, segir að hann sé endalaust spurður út í hvernig félaginu gengur að fljúga til Kúbu.

„Það eru aðeins tvö og hálft ár síðan að við fórum að fljúga millilandaflug yfir höfuð. Við höfum engar væntingar ennþá og það er erfitt að segja til um með Kúbu þar sem það hefur enginn flogið til Kúbu í hálfa öld“, segir Kelly.







  fréttir af handahófi

Guðrún Tinna ráðin rekstarstjóri Fríhafnarinnar

27. mars 2018

|

Guðrún Tinna Ólafsdóttir hefur verið ráðin til Fríhafnarinnar sem rekstarstjóri verslunarsviðs sem er nýtt starf og hluti af skipulagsbreytingum hjá fyrirtækinu.

Fyrsta Boeing 777-9 þotan komin í samsetningu í Everett

25. mars 2018

|

Boeing er byrjað að smíða fyrsta eintakið af Boeing 777X þotunni sem er arftaki Boeing 777 sem kom á markaðinn árið 1995.

Íhuga að framleiða herútgáfu af Airbus A320neo

7. febrúar 2018

|

Airbus hefur lýst því yfir að framleiðandinn sé að skoða möguleika á að framleiða herflugvél sem byggir á Airbus A320neo og A321neo farþegaþotunum.

  Nýjustu flugfréttirnar

Tuttugu börn og fjölskyldur þeirra fá ferðastyrk Vildarbarna

19. apríl 2018

|

20 börn og fjölskyldum þeirra, samtals um eitt hundrað manns, var afhentur ferðastyrkur úr sjóðnum Vildarbörn Icelandair í dag. Alls hafa 625 fjölskyldur notið stuðnings frá sjóðnum frá stofnun hans f

Málmþreyta talin orsök sprengingar í hreyfli

18. apríl 2018

|

Talið er að málmþreyta í hreyflablaði hafi orsakað sprengingu í CFM56 hreyfli á Boeing 737-700 þotu Southwest Airlines í gær er þotan var í 32.500 fetum yfir Pennsylvaníu á leið frá New York til Dal

Widerøe íhugar að panta minni Embraer-þotu

18. apríl 2018

|

Norska flugfélagið Widerøe segir að verið sé að skoða möguleika á að panta minni útgáfur af E2-þotunni frá Embraer.

Avinor vill ekki malbika alla flugbrautina í Røros

17. apríl 2018

|

Flugrekstaraðilar í miðhluta Noregs hafa áhyggjur af sparnaðaraðgerðum norska flugumferðarþjónustufyrirtækisins Avinor sem ætlar sér ekki að endurnýja alla flugbrautina á flugvellinum í bænum Røros.

Takmarkanir á Trent 1000 mun gera flugfélögum erfitt fyrir

17. apríl 2018

|

Takmarkanir hafa verið settar á notkun Trent 1000 hreyfilsins frá Rolls-Royce og hafa flugmálayfirvöld farið fram á tíðari skoðanir á hreyflinum.

Hreyfill sprakk á þotu frá Southwest í 31.000 fetum

17. apríl 2018

|

Að minnsta kosti einn farþegi er slasaður eftir að sprenging kom upp í hreyfli á farþegaþotu frá Southwest Airlines af gerðinni Boeing 737-700 sem var í innanlandsflugi í dag í Bandaríkjunum.

Flugbúðir fyrir ungt fólk í sumar

17. apríl 2018

|

Flugakademía Keilis mun aftur í sumar bjóða upp á sérstakar flugbúðir fyrir ungt fólk og aðra áhugasama sem fá einstakt tækifæri á því að kynnast öllum krókum og kimum flugsins og þeim flugtengdum fög

Primera Air tekur við fyrstu Airbus A321neo þotunni

17. apríl 2018

|

Primera Air hefur fengið sína fyrstu A321neo þotu afhenta frá Airbus við hátíðlega athöfn sem fram fór við verksmiðjurnar í Hamborg.

Furstadæmin og Bandaríkin tilbúin að ná sáttum í deilum

16. apríl 2018

|

Stjórnvöld í Bandaríkjunum og Sameinuðu arabísku furstadæmunum eru sögð vera að leggja lokahönd á samkomulag sem myndi binda endi á deilur og ásakanir milli flugfélaga landanna tveggja sem staðið ha

Tveir nýir forstöðumenn ráðnir til Icelandair

16. apríl 2018

|

Tveir nýir forstöðumenn hafa verið ráðnir til starfa hjá Icelandair sem taka við sitthvorri deildinni.