flugfréttir

Indverskir flugmenn beðnir um að leggja sig ekki yfir Evrópu

- Of flókin flugumferðarssvæði í Evrópu kalla á fulla athygli beggja flugmanna

20. mars 2017

|

Frétt skrifuð kl. 08:14

Um borð í stjórnklefa á Boeing 777 þotu í næturflugi

Stjórn Air India hefur beðið þá flugmenn, sem fljúga til evrópskra áfangastaða, að taka sér ekki hvíld á meðan þeir fljúga yfir Evrópu að beiðni flugmálayfirvalda á Indlandi.

Flugmenn hafa rétt á því að skiptast á að hvíla sig í stjórnklefanum á flugi og eru flestir flugmenn sem leggja sig í smástund á löngum flugleiðum til fjarlægra áfangastaða.

Síðastliðin misseri hefur nokkrum sinnum komið upp sú staða að evrópskir flugumferðarstjórar hafa ekki náð sambandi við farþegaþotu í nokkrar mínútur yfir Evrópu og átti það sér seinast stað þann 10. mars sl.

„Í Evrópu er mikið af litlum löndum sem við fljúgum yfir sem þýðir að flugmenn þurfa að skipta um tíðni í fjarskiptum við flugumferðarstjórnir mjög ört. Vandamálið kemur yfirleitt upp þegar þeir gera mistök við að skipta um tíðni meðan þeir fljúga frá einni lofthelgi inn í aðra“, segir aðili sem er kunnugur málinu innan Air India.

„Í þessum aðstæðum er best að báðir flugmennirnir séu vakandi og þessi tilmæli hafa verið borin undir flugrekstrardeildina sem heldur utan um vaktir flugmanna“.

Indverskar flugvélar koma oftast að Evrópu eftir að hafa flogið yfir Svartahaf og þá hafa vélarnar lokið við 2/3 af flugleiðinni til Evrópu.

Stjórn Air India hefur komið málinu áleiðis til flugmanna sinna

„Flugmenn eiga helst að leggja sig áður en þeir koma inn í evrópska lofthelgi eða eftir að þeir hafa yfirgefið hana á leiðinni til baka“.

Þann 10. mars voru ungverskar orrustuþotur ræstar út og sendar til móts við farþegaþotu frá Air India sem ekki náðist til á leið sinni frá Ahmedabad til London Heathrow og þann 16. febrúar sendi þýski flugherinn herþotur til móts við farþegaþotu frá indverska flugfélaginu Jet Airways sem var á leið frá Bombay til London.

„Ógjörningur að verða ekki þreyttir milli klukkan 2 og 6 á nóttunni“

Yfirflugstjóri hjá Air India segir að í flugi, sem er lengra en 8 tímar, þá sé krafist þess að þrír flugmenn séu um borð en flestar þessara flugferða fljúga gegnum tímabelti frá klukkan 2 til 6 á morgnanna sem er sá tími þar sem athygli og skörp hugsun flugmanna er ekki í hámarki þar sem þessi tími sólarhringsins hefur áhrif á líkamsklukkuna.

„Það er ógjörningur fyrir hvern sem er að vera ekki þreyttur milli klukkan 2 og 6 á nóttunni. En þegar það eru þrír flugmenn um borð þá þróa þeir með sér starfshætti þar sem a.m.k. einn þeirra leggur sig á meðan“, segir yfirflugstjóri hjá Air India.

„Þegar flugmaðurinn hefur lokið við að hvíla sig kemur hann aftur í stjórnklefann og leysir af hólmi næsta flugmann og þannig er hægt að viðhalda hæsta flugöryggi í stjórnklefanum allan tímann“.

Vegna skorts á flugmönnum þá hafa ekki öll flugfélög á Indlandi náð að framfylgja því að hafa þrjá flugmenn í stjórnklefanum á löngum flugleiðum og segir viðkomandi yfirflugstjóri að flugmálayfirvöld á Indlandi verði að bregðast við þeim vanda.







  fréttir af handahófi

Eric Schulz hjá Rolls-Royce verður sölustjóri Airbus

30. nóvember 2017

|

Eric Schulz, forstjóri yfir hreyfladeild Rolls-Royce, mun taka við af John Leahy sem sölustjóri yfir farþegaþotudeild Airbus.

Fyrsta Airbus-þotan komin í búning Alaska Airlines

5. janúar 2018

|

Búið er að mála fyrstu Airbus-þotuna í litum Alaska Airlines en um er að ræða Airbus A321neo þotu sem Virgin America pantaði en Alaska Airlines tók yfir rekstur félagsins í kjölfar yfirtöku sem fram

Norðmenn fá afhenta eina dýrustu orrustuþotu heims

7. nóvember 2017

|

Nýtt upphaf hófst í varnarmálum í Noregi sl. föstudag er norski flugherinn fékk fyrstu þrjár F-35A Lightning II orrustuþoturnar afhentar á einu bretti frá Lockheed Martin í Bandaríkjunum.

  Nýjustu flugfréttirnar

Air France-KLM undirbýr risastóra pöntun í nýjar flugvélar

22. janúar 2018

|

Air France-KLM er sagt vera að undirbúa risastóra pöntun í nýjar farþegaþotur sem verður lögð inn fyrir lok þessa árs.

Léttara flugtímarit sparar United 29 milljónir króna í eldsneyti

22. janúar 2018

|

United Airlines segir að félagið hafi náð að spara sér um 170.000 gallon af eldsneyti eftir að byrjað var að prenta flugtímaritið um borð í vélum félagsins með léttari pappír.

Etihad Cargo leggur öllum Airbus A330-200F fraktþotunum

22. janúar 2018

|

Etihad Airways hefur lagt öllum fimm Airbus A330-200F fraktþotunum sínum og hafa þær verið settar í geymslu.

Noregur stefnir á rafknúið innanlandsflug fyrir árið 2040

22. janúar 2018

|

Noregur stefnir að því að verða fyrsta landið í heimi til að hafa eingöngu rafknúnar farþegaflugvélar á stuttum flugleiðum í innanlandsflugi fyrir árið 2040.

Von á nýju útliti fyrir Lufthansa

22. janúar 2018

|

Lufthansa ætlar sér að breyta litum félagsins og kynna nýjan búning á flugflota félagsins en núverandi litir Lufthansa hafa verið í óbreyttri mynd í marga áratugi.

British Airways sagt í viðræðum um kaup á nýju A380 risaþotum

21. janúar 2018

|

Svo virðist sem að British Airways hafi áhuga á að fá fleiri Airbus 380 risaþotur í flotann en sagt er að Airbus eigi í viðræðum við flugfélagið breska um fleiri risaþotur.

Flugmenn Ryanair samþykkja 20 prósenta launahækkun

21. janúar 2018

|

Ryanair hefur tilkynnt að allir flugmenn félagsins, á öllum þeim 15 starfsstöðvum í Bretlandi, ásamt þeim sem starfa á London Stansted, hafa samþykkt tilboð félagsins um 20 prósenta launahækkun í ley

Leggja til að þriðja flugbrautin verði 300 metrum styttri

19. janúar 2018

|

Lögð hefur verið fram tillaga sem miðar af því að stytta þriðju flugbrautina á Heathrow-flugvellinum í London en tillagan hefur verið kynnt með nokkrum breytingum varðandi framkvæmdir á þriðju brautin

Íslendingur sigrar á heimsbikarmóti í svifvængjaflugi

18. janúar 2018

|

Hans Kristján Guðmundsson, svifvængjaflugmaður, náði þeim einstaka árangri að sigra keppnisdag á heimsbikarmótinu í Svifvængjaflugi sem fram fer í Kólumbíu.

Í beinni: Pegasus-þotan fjarlægð af vettvangi

18. janúar 2018

|

Á þessu augnabliki er verið að vinna að því að fjarlægja Boeing 737 þotuna frá tyrkneska flugfélaginu Pegasus Airlines sem fór út af braut eftir lendingu á flugvellinum í borginni Trabzon í Tyrklandi.

 síðustu atvik

  2018-01-01 19:24:00