flugfréttir
Svona leit einkaþotan út eftir að hafa mætt A380 frá Emirates
- Snérist í allt að 5 hringi og steyptist niður um 10.000 fet
Mynd sem birt var í dag sem sýnir farþegarýmið í Challenger einkaþotunni eftir atvikið sem átti sér stað þann 7. janúar á þessu ári
Svona var umhorfs í einkaþotu eftir að hún flaug inn í slóða frá Airbus A380 risaþotu með þeim afleiðingum að hún snérist þrjár hringi í háloftunum og steyptist niður um 10.000 fet áður en flugmennirnir náðu aftur stjórninni.
Einkaþotan, sem var af gerðinni Challenger 604, var í 34.000 fetum yfir Indlandshafi
á leið frá Malé á Maldívíeyjum á leið til Abu Dhabi þann 7. janúar sl. þegar hún mætti
Airbus A380 risaþotu frá Emirates sem fór framhjá fyrir ofan hana í 35.000 fetum með 1.000 feta lóðréttum
aðskilnaði á leið sinni frá Dubai til Sydney.
Um 2 mínútum eftir að vélarnar höfðu mæst misstu flugmennirnir á Challenger-einkaþotunni
stjórn á vélinni tímabundið eftir að hún kastaðist til og snérist í a.m.k. þrjá hringi er hún flaug
inn í flugröst („wake turbulance“) frá risaþotunni.
Einkaþotan snérist í 3-5 hringi skömmu eftir að hún mætti Airbus A380
risaþotu frá Emirates
Flugmennirnir náðu aftur stjórn á einkaþotunni eftir að hún hafði misst hæð
og fallið niður um 10.000 fet.
Níu farþegar voru um borð auk flugmannanna og slösuðust nokkrir um borð í atvikinu
en flugmennirnir ákváðu að lenda í Muscat í Oman þar sem vélin lenti 3:30 klukkustund
eftir að hún mætti Airbus A380 þotunni.
Flugmennirnir slökktu á öðrum hreyfli þotunnar þar sem hann var við það að brenna yfir
en hann var endurræstur síðar. Þá varð burðarvirki einkaþotunnar fyrir miklu álagi sökum
þeirrar þyngdarhröðunnar sem átti sér stað er hún missti hæð sem var mun meiri höðun en vélin þolir samkvæmt framleiðanda.
Einkaþotan ónýt og verður afskráð
Í tilkynningu frá samgönguöryggisnefnd Evrópu (EASA) vegna málsins kemur
fram að hvirflar frá hreyflum frá þotu á borð við Airbus A380 geta varað í allt að 3 mínútur
og falla þeir niður um 2 til 3 metra á sekúndu í háloftunum þar til þeir eyðast upp.
Í flestum tilvikum er hægt að varast flugröst þar sem hún er sýnileg ef flugvél skilur
eftir sig slóða („contrail“) en það fer þó eftir hitastigi, daggarmarki og raka í þeirri flughæð
sem hún flýgur í hverju sinni.
Challenger-einkaþotan hlaut alvarlegar skemmdir í kjölfar atviksins og hefur vélin verið
afskrifuð vegna þess álags sem búkur vélarinnar varð fyrir.
Með tilkomu Airbus A380 risaþotunnar varð til ný skilgreining í þyngdarflokki þar sem
„Heavy“ var stærsti flokkurinn sem flugumferðarstjórar nota til að skilgreina aðskilnað
flugvéla í flugtaki og aðflugi þar sem nauðsynlegt er að taka í reikninginn þá ólgu
í loftstreymi sem skapast frá hreyflum flugvéla.
Eftir að Airbus A380 risaþotan kom á markaðinn árið 2006 varð til „Super Heavy“ skilgreiningin
(í sumum tilfellum „Super“) sem var skráð af Alþjóðaflugmálastofnuninni (ICAO).
Airbus A380 frá Emirates
Mynd af einkaþotunni sem um ræðir (D-AMSC)
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.