flugfréttir
SAS flaug jómfrúarflugið til Færeyja um helgina
- 12 ára einokun á enda á fluginu milli Þórshafnar og Köben
27. mars 2017
|
Frétt skrifuð kl. 08:12
Airbus A320 þota SAS á flugvellinum í Vágar í Færeyjum sl. laugardag
SAS (Scandinavian Airlines) flaug sl. laugardag (25. mars) sitt fyrsta flug í sögu félagsins til Færeyja og lauk þar með 12 ára einokun á flugleiðinni milli Vágar og Kaupmannahafnar en Atlantic Airways hefur hingað til verið eina flugfélagið sem hefur flogið milli Færeyja og Danmörku.
Um hundrað Færeyingar voru samankomnir á hinni 340 ára gömlu Fútastova þar sem heljarinnar veisla fór
fram í tilefni jómfrúarflugsins og létu fáir rigninguna á sig fá.
SAS sendi markaðsstjóra félagsins á staðinn til að sjá um kynningu fyrir viðstadda á flugi félagsins til
Færeyja en um 200 manns voru viðstaddir athöfnina.
„Mjög margir voru spenntir fyrir flugi SAS hingað og margir voru með ýmsar spurningar og þar á meðal
voru margir sem vildu forvitnast um flugið sjálft og hvernig sé að lenda flugvélinni hér í Færeyjum“, sagði
Mariam Skovfoged, upplýsingafulltrúi SAS.
Airbus A320 þota SAS í Færeyjum eftir jómfrúarflugið
„Það er enginn vafi á því að Færeyja-markaðurinn er alveg nógu stór fyrir tvö flugfélög og auðvitað
verður mikil samkeppni sem fer núna í gang sem er eitthvað sem við höfum ekki kynnst í meira en 10 ár“, sagði
Jákup Sverri Kass, framkvæmdarstjóri flugvallarins í Vágar.
Fyrsta flugið var flogið með „Amled Viking“ sem er Airbus A320 þota en vélin fór í loftið
frá flugvellinum í Kaupmannahöfn kl. 9:39 og lenti klukkan 10:27 að staðartíma í Færeyjum en flugtíminn er um 2 klukkustundir.
Danir geta bókað flug til Færeyja frá 599 dönskum krónum aðra leiðina sem samsvarar 9.575 krónum
en hefðbundið fargjald er um 23.000 krónur fyrir báðar leiðir.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
