flugfréttir

50 ár frá því Boeing 737 þotan flaug í fyrsta sinn

- Varð mun vinsælli flugvél en menn þorðu að vona á sínum tíma

9. apríl 2017

|

Frétt skrifuð kl. 19:32

Fyrsta Boeing 737 þotan sem smíðuð var í sínu fyrsta flugi þann 9. apríl árið 1967

Boeing 737 þotan fagnar í dag hálfrar aldar flugafmælis en í dag eru 50 ár frá því vélin flaug í fyrsta sinn þann 9. apríl árið 1967.

Það má svo sannarlega segja að Boeing 737 hafi brotið blað í flugsögunni en hún er vinsælasta farþegaþota allra tíma og hefur verið smíðuð í yfir 9.400 eintökum og verður Boeing 737 fyrsta farþegaþotan til að rjúfa 10.000 flugvélamúrinn á næstu árum.

„Við höfum enga hugmynd um þetta þá“, sagði Brien Wygle, flugstjórinn sem flaug fyrstu Boeing 737 þotunni á þessum degi fyrir 50 árum síðan. - „Eina vonin var að ná að smíða nægilega margar vélar til að koma út á sléttu“.

Það átti svo heldur betur eftir að ganga upp og gott betur því vinsældir Boeing 737 áttu eftir að verða meiri en nokkurn skildi gruna en í seinasta mánuði hafði Boeing afhent 9.448 þotur af þessari gerð og enn á eftir að smíða um helminginn af þeim fjölda véla sem hafa verið afhentar frá upphafi þar sem ósmíðaðar pantanir telja 4.506 Boeing 737 þotur.

Glaumur og gleði á sjöunda áratugnum þegar Boeing 737 flaug sitt fyrsta flug

Í dag eru smíðuð 47 eintök af Boeing 737 þotunni í hverjum mánuði en Boeing ætlar að auka framleiðsluhraðann upp í 52 þotur á mánuði á næsta ári.

Í dag, 9. apríl 2017, var ein af Boeing 737 MAX tilraunaþotunum til sýnis við Museum of Flight og fór hún í sýningarflug klukkan 13:15 - á sama tíma og fyrsta flugið átti sér stað fyrir 50 árum síðan.

Boeing 737 hefur verið hluti af tæpri hálfri flugsögunni frá því Wright-bræður flugu fyrsta flugið árið 1903 og hefur vélin ekki breyst ýkja mikið á þeim tíma.

Fyrsta Boeing 737 þotan í samsetningu í Renton í Bandaríkjunum

Fyrsta Boeing 737 þotan sem smíðuð var og sú vél sem flaug fyrst á þessum degi fyrir 50 árum síðan var af gerðinni Boeing 737-100 en sú vél var allt að 14 metrum styttri en lengsta Boeing 737 þotan sem framleidd er í dag sem er Boeing 737-900ER.

Aðeins voru 30 eintök framleidd af Boeing 737-100 sem var fyrst afhent til Lufthansa en næsta tegund, Boeing 737-200, var þó öllu vinsælli því hún var framleidd í 991 eintaki.

Bæði Boeing 737-100 og Boeing 737-200 tilheyrðu Boeing 737 Original vélunum en 17 árum síðar, eða þann 24. febrúar árið 1984 flaug fyrsta „Classic“ vélin sem var Boeing 737-300 sem var fyrsta tegundin af vélunum sem var smíðuð yfir 1.000 eintökum en alls voru 1.113 eintök framleidd af þeirri vél. Aðrar „Classic“ vélar sem framleiddar voru einnig voru Boeing 737-400 og Boeing 737-500.

Alls hafa verið smíðuð yfir 9.400 eintök af Boeing 737 þotunni

Þann 22. janúar árið 1998 flaug fyrsta vélin af næstu kynslóð sem kallast Boeing 737NG (Next Generation) en sú vél var af gerðinni Boeing 737-600 í kjölfarið fylgdu Boeing 737-700, -800, -900 og -900ER.

Vinsælasta Boeing 737 þotan sem framleidd hefur verið kom á markaðinn árið 1997 en það var Boeing 737-800 sem er enn framleidd í dag og hefur verið smíðuð í 4.390 eintökum.

Fyrsta Boeing 737-100 tilraunavélin var notuð í flugprófunum hjá Boeing í 6 ár eða þar til árið 1973 en þá var hún seld til NASA sem notaði hana sem fljúgandi rannsóknarstofu en NASA afhenti vélina til Museum of Flight árið 1997.

Bob Bogash, fyrrum Boeing 737 flugvirki, hefur „alist“ upp með Boeing 737 þotunni alveg frá fæðingu en hann kom að framleiðslu og þróun vélarinnar, tók þátt í flugprófunum, ferðaðist um allan heim með Boeing til að kynna vélina fyrir flugfélögunum og var um borð í fyrstu Boeing 737 þotunni sem smíðuð var þegar hún flaug sitt seinasta flug á flugsafnið Museum of Flight.

Bogash segir að Boeing 737 hafi breytt flugsögunni og rutt veginn í flugsamgöngum milli minni flugvalla út um allan heim.







  fréttir af handahófi

Volga-Dnepr riftir samningi við NATO í kjölfar hernaðaraðgerða

23. apríl 2018

|

Rússneska flugfélagið Volga-Dnepr hefur ákveðið að hætta að fljúga með flugfrakt fyrir öll þau lönd sem eru aðilar í Atlantshafsbandalaginu (NATO) vegna hernaðaraðgerðir landanna í Sýrlandi.

IAG leigir út pláss á Gatwick yfir sumarið

21. maí 2018

|

IAG, móðurfélag British Airways, hefur leigt út nokkur afgreiðslupláss á Gatwick-flugvellinum í London til tveggja flugfélaga sem munu nota plássin í sumar.

Risapáskaeggi komið fyrir við flugvöllinn á Stóra-Kroppi

1. apríl 2018

|

Stærsta páskaeggi landsins hefur nú verið komið fyrir við flugbrautina á Stóra-Kroppi í Borgarfirði en eggið, sem er 24 metra hátt, gnæfir yfir svæðinu og býður flugmenn velkomna til Vesturlands.

  Nýjustu flugfréttirnar

EasyJet hefur mikinn áhuga á að fljúga um Heathrow

16. júní 2018

|

EasyJet hefur mikinn áhuga á því að hefja áætlunarflug um Heathrow-flugvöllinn í London en það myndi þó ekki gerast fyrr en eftir stækkun vallarins með þriðju flugbrautinni.

Icelandair flaug 600 farþegum í þremur þotum á HM í Rússlandi

15. júní 2018

|

Alls hafa um 600 farþegar flogið í þremur þotum Icelandair í beinu flugi til Moskvu frá Keflavíkurflugvelli í dag.

Isavia afhendir Landsbjörgu hópslysakerrur

15. júní 2018

|

Í dag, fimmtudaginn 14. júní, lauk Isavia með formlegum hætti við að afhenda Slysavarnafélaginu Landsbjörgu hópslysakerrur, sem eru afrakstur sameiginlegs verkefnis styrktarsjóðs Isavia og Slysavarnaf

Fimm ára gamall flugvöllur hefur misst öll flugfélögin

15. júní 2018

|

Nýi flugvöllurinn í Kolombó, höfuðborg Sri Lanka, hefur kvatt síðasta flugfélagið sem hefur yfirgefið flugvöllinn og ekkert flugfélag í dag sem flýgur áætlunarflug lengur til vallarins sem opnaður va

Mótmæltu úrslitum kosninga og kveiktu í flugvél

15. júní 2018

|

Farþegaflugvél af gerðinni de Havilland DHC-8 202Q Dash 8 brann til kaldra kola á flugvellinum í Mendi í Papúa-Nýju Gíneu eftir að reiðir mótmælendur, sem voru óánægðir með úrslit úr sveitastjórnarko

Ryanair mun hefja flug um London Southend flugvöll

14. júní 2018

|

Ryanair ætlar sér að gera London Southend flugvöllinn að einni að bækistöð sinni sem verður þriðja starfsstöð flugfélagsins í London á eftir London Stansted og London Luton.

367 þúsund farþegar með Icelandair í maí

13. júní 2018

|

Alls voru 367.530 farþegar sem flugu með Icelandair í maímánuði og fjölgaði þeim um 10 prósent miðað við maí á síðasta ári.

Farþegaþota þurfti að stöðva fyrir krókódíl í Orlando

13. júní 2018

|

Farþegaþota frá bandaríska flugfélaginu Spirit Airlines þurfti að bíða í nokkrar mínútur eftir lendingu á flugvellinum í Orlando vegna krókódíls sem var að ganga yfir flugvallarsvæðið.

Flugmenn Air France boða til fjögurra daga verkfalls

13. júní 2018

|

Flugmenn hjá franska flugfélaginu Air France hafa boðað til fjögurra daga verkfalls frá og með 23. júní.

Breiðþota hjá Lufthansa ónýt eftir að dráttarbíll varð alelda

12. júní 2018

|

Ein af Airbus A340-300 breiðþotum Lufthansa er ónýt eftir að hún eyðilagðist í eldi er dráttarbíll, sem dró hana á flugvellinum í Frankfurt í gær, varð alelda.