flugfréttir

Einkaþota fórst í iðnaðarhverfi í New Jersey

- Tveir flugmenn létust - Var í aðflugi að Teterboro-flugvelli

16. maí 2017

|

Frétt skrifuð kl. 01:28

Mynd af einkaþotunni sem fórst en hún var af gerðinni Learjet 35A

Tveir eru látnir eftir flugslys sem átti sér stað í gær er einkaþota af gerðinni Learjet 35A fórst í iðnaðarhverfi í Carlstadt í Bergen-sýslu í New Jersey í Bandaríkjunum.

Vélin var í aðflugi að Teterboro-flugvellinum um hálf-fjögurleytið að austurstrandartíma þegar hún brotlenti í miðju iðnaðarhverfi í um eins kílómeters fjarlægð frá flugbrautinni.

Eldur kom upp í nokkrum byggingum auk þess sem bílar loguðu en vélin fór meðal annars í gegnum rafmagnslínur áður en hún skall til jarðar.

Myndir af vettvangi slyssins



Að sögn sjónarvotta sást eldhnöttur stíga til himins úr mikilli fjarlægð og þeir sem voru næst slysstaðnum sögðu að lítið hefði verið eftir af vélinni en greina mátti hreyfla vélarinnar í bálinu.

Nokkrir slökkviliðshópar voru sendir á svæðið auk þess sem sérfræðingar frá bandrískum flugmálayfirvöldum (FAA) og samgönguöryggisnefnd Bandaríkjanna (NTSB) voru send á vettvang.

Vélin fór í loftið frá flugvellinum í Philadelphia með tvo flugmenn um borð og létust þeir báðir en engir farþegar voru í vélinni.
Flugvélin var smíðuð árið 1981 og var því 36 ára gömul en eigandi vélarinnar er A&C Big Sky Aviation sem hefur höfuðstöðvar í Billings í Montana.

Seinast þegar vitað var um fluglag vélarinnar áður en hún fórst þá var hún á 150 hnúta hraða í 600 fetum í snarpri beygju í lokaaðflugi inn á brautina.

Ekkert neyðarkal barst frá vélinni. Samkvæmt veðurupplýsingum þá var nokkuð mikill vindur er vélin var að lenda en aðrar vélar höfðu ekki átt í erfiðleikum með lendingu sökum veðurs.

Hér að neðan má sjá myndskeið úr öryggismyndavél þar sem sést reykur stígur til himins í fjarska eftir að vélin fórst - (mínúta 1:29)







  fréttir af handahófi

Airbus þróar nýja og stærri vænglinga fyrir A350

6. febrúar 2018

|

Airbus mun á næstunni kynna nýja og stærri vænglinga fyrir Airbus A350 þotuna sem er hluti af endurhönnun á loftflæðislegum flugeiginleikum vélarinnar.

Hawaiian Airlines kaupir gjaldþrota flugfélag á Hawaii

21. desember 2017

|

Hawaiian Airlines ætlar sér að taka yfir rekstri og kaupa hluta af flugfélaginu Island Air sem varð gjaldþrota í nóvember en þó án þess að taka yfir flugflota.

Fyrsta flug Norwegian til Suður-Ameríku í febrúar

3. janúar 2018

|

Norwegian mun hefja sitt fyrsta flug til Suður-Ameríku í febrúar með flugi frá London Gatwick til Buenos Aires í Argentínu.

  Nýjustu flugfréttirnar

Vilja refsa farþegum sem taka farangur með sér við neyðarrýmingu

23. febrúar 2018

|

Svo gæti farið að þeim farþegum verði refsað sem gera tilraun til að taka handfarangur með sér frá borði þegar verið er að rýma flugvél í neyðartilvikum.

Fór með skrúfuna í þak á bíl í háskalegu lágflugi

23. febrúar 2018

|

Mikil mildi þykir að engan sakaði er landbúnaðarflugvél af gerðinni Air Tractor rakst með loftskrúfu í þak á bíl er flugmaður vélarinnar flaug vísvitandi mjög lágt yfir bílinn í Brasilíu á dögunum.

Vandamál með hjólabúnað á Bombardier-vél

23. febrúar 2018

|

Vandamál kom upp með hjólabúnað á Bombardier Dash 8 Q400 flugvél hjá Croatia Airlines er vélin var í aðflugi að flugvellinum í Brussel í gær eftir flug frá Zagreb.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Líktu eftir sömu aðstæðum í flughermi

22. febrúar 2018

|

Orsök flugslyssins í Rússlandi, er farþegaþota af gerðinni Antonov An-148 frá Saratov Airlines fórst skömmu eftir flugtak frá Moskvu þann 11. febrúar, er enn ókunn en talið er mögulegt að ísing í ste

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.

Isavia úthlutar styrkjum úr samfélagssjóði

21. febrúar 2018

|

Isavia hefur úthlutað styrkjum til 13 verkefna úr samfélagssjóði sínum en verkefnin eru af fjölbreyttum toga.

 síðustu atvik

  2018-01-01 19:24:00