flugfréttir

Flughátíðin Allt sem flýgur fer fram á Hellu um helgina

7. júlí 2017

|

Frétt skrifuð kl. 11:53

Um 600 manns mætti á Allt sem flýgur árið 2016 og er gert ráð fyrir enn fleiri gestum um helgina

Ein af stærstu flugsýningum landsins fer fram núna um helgina, 8.-9. júlí, en þá verður flughátíð Flugmálafélags Íslands haldin á Hellu.

Hátíðin er haldin ár hvert og stefna aðstandendur að því að slá met frá síðasta sumri þegar rúmlega 600 gestir sóttu hátíðina heim.

Aðspurður um hvað dragi fólk á flughátíð segir Matthías Sveinbjörnsson forseti Flugmálafélagsins: „Flugið heillar fólk á öllum aldri. Á Hellu getur fólk séð allar tegundir flugs í miklu návígi bæði á jörðu niðri og á flugi. Það verða vélflugvélar, svifflugur, fisvélar, þyrlur, listflugvélar, drónar, svifvængir, fallhlífarstökkvarar, flugmódel og margt fleira. Það er því einstakt tækifæri fyrir áhugasama að koma til okkar á Hellu.“

Þá segir Matthías að hátíðin hafi ætið laðað að fjölskyldufólk og sé þar karamellukast úr lofti vinsælt. „Við höfum síðustu árin sinnt börnum vel og taka þau oft sín fyrstu skref inn í flugið á Hellu. Þau fá að fara um borð í vélarnar, æfa sig að stýra og kynnast fluginu í návígi. Svo er karamellukast úr lofti ákveðinn hápunktur hjá yngsta hópnum.“

Frá flugsýningunni á Hellu í fyrra

Matthías segir að hátíðin sé í klukkutíma fjarlægð frá höfuðborginni og því hafi verið mikill straumur austur í gegnum árin. „Við leggjum sérstaka áherslu á að hátíðin sé opin öllum og bjóðum því alla velkomna til okkar.“

Það er Flugmálafélag Íslands sem stendur að hátíðinni en að henni koma yfir 20 aðildarfélög um land allt. Í tilkynningu segir að allir séu velkomnir á hátíðina, ókeypis sé inn á svæðið og á tjaldstæði. Grillveisla er um kvöldið og kvöldvaka í kjölfarið.







  fréttir af handahófi

Airbus A350-1000 í flugprófunum í 45 stiga hita

5. júlí 2017

|

Ein af Airbus A350-1000 tilraunarþotum Airbus er nú komin til Sameinuðu arabísku furstadæmana þar sem hún mun gangast undir flugprófanir í mjög heitu veðri.

Nýtt flugskýli Icelandair á Keflavíkurflugvelli risið

10. júlí 2017

|

Nýtt flugskýli Icelandair á Keflavíkurflugvelli hefur risið hratt og er orðið fokhelt. Stefnt er að því að taka það í notkun í október næstkomandi og að verkinu ljúki undir næstu áramót.

Boeing fær pöntun í 737-800 frá Tassili Airlines

11. júlí 2017

|

Alsírska flugfélagið Tassili Airlines hefur pantað þrjár farþegaþotur frá Boeing af gerðinni 737-800.

  Nýjustu flugfréttirnar

Icelandair mun hefja flug til Cleveland

22. ágúst 2017

|

Icelandair hefur ákveðið að hefja heilsársflug til bandarísku borgarinnar Cleveland á næsta ári en borgin er nítjándi áfangastaðurinn í Norður-Ameríku sem Icelandair býður upp á í leiðakerfi sínu.

Flugmenn Thomas Cook boða til verkfalls

22. ágúst 2017

|

Samtök breskra atvinnuflugmanna (BALPA) hafa lýst því yfir að flugmenn hjá Thomas Cook Airlines hafi kosið um verkfallsaðgerðir með 88 prósent atkvæðum eftir atkvæðagreiðslu.

FAA gerir úttekt á flugöryggismálum í Nígeríu

22. ágúst 2017

|

Starfsmenn frá bandarískum flugmálayfirvöldum (FAA) eru nú komnir til Nígeríu til að gera úttekt á öryggismálum í fluginu í landinu sem hefur ekki verið hátt skrifað að undanförnu er kemur að flugöry

Galli í hæðarmæli talin orsök áreksturs tveggja þotna yfir Senegal

22. ágúst 2017

|

Flugslysasérfræðingar hafa komist að niðurstöðu varðandi orsök flugslyss sem átti sér stað yfir Senegal þann 5. september árið 2015 er tvær vélar rákust saman í háloftunum, þota af gerðinni Boeing 7

Norwegian reynir að laða til sín flugmenn frá Air Berlin

21. ágúst 2017

|

Norwegian mun halda atvinnuviðtöl í Berlín og í Dusseldorf en flugfélagið norska vonast til þess ráða til sín þá flugmenn sem hafa flogið fyrir Air Berlin sem lýsti yfir gjaldþroti í seinustu viku.

Kish Air í Íran pantar tíu Boeing 737 MAX þotur

21. ágúst 2017

|

Flugfélagið Kish Air í Íran hefur gert samkomulag við Boeing um pöntun á tíu Boeing 737 MAX þotum.

Icelandair leigir eina Boeing 757 þotu til Suður-Ameríku

21. ágúst 2017

|

Icelandair og Loftleiðir Icelandic hafa gengið frá leigusamningi á einni Boeing 757-200 þotu sem verður leigð til suður-ameríska flugfélagsins LAW (Latin American Wings) í Chile en félagið mun fá véli

Delta gerir upp á milli A320neo og Boeing 737 MAX

20. ágúst 2017

|

Delta Air Lines er nú íhuga pöntun í nýjar meðalstórar farþegaþotur en flugvélar frá Boeing og Airbus koma til greina sem verið er að skoða.

Flugstjóri sendur í hraðbanka ef Air Berlin greiðir ekki fyrirfram

19. ágúst 2017

|

Einn flugvöllur í Evrópu hefur farið fram á að Air Berlin greiði lendingargjöld sín fyrirfram áður en félagið flýgur til vallarins en að öðru leyti verður farið fram á flugstjórinn greiða afgreiðslu

Icelandair mun fljúga til Berlínar

18. ágúst 2017

|

Icelandair mun þann 3. nóvember í haust hefja flug til Berlínar sem er nýr áfangastaður hjá félaginu en flogið verður til Tegel-flugvallarins og verður flogið allan ársins hring.