flugfréttir

Fyrstu feðgarnir til að fljúga kringum jörðina á Íslandi

- C150 Global Odyssey leiðangurinn kom til Reykjavíkur í dag

13. júlí 2017

|

Frétt skrifuð kl. 17:11

Bob og Steven Dengler eru fyrstu feðgarnir í heimi til þess að fljúga í kringum hnöttinn

Þyrlufeðgarnir Bob og Steven Dengler lentu á Reykjavíkurflugvelli í dag klukkan 14:40 eftir 3:40 klukkustunda langt flug frá Kulusuk á Grænlandi.

Feðgarnir eru að fljúga í kringum jörðina og er þetta í fyrsta sinn sem kanadísk þyrla flýgur hnattflug og fyrsta sinn í flugsögunni sem vitað er til þess að feðgar fara saman í hnattflug.

Ferðalag Bob og Steven nefnist C150 Global Odyssey en með þeim í för er einnig þyrluflugmaðurinn Rob “Dugal” MacDuff en þyrlan er af gerðinni Bell 429 Global Ranger og er hún framleidd í Montréal og byggir hún á Bell 427 þyrlunni sem framleidd er af Bell Helicopter.

Myndband:

Hnattferðin hófst þann 1. júlí sl. í höfuðborginni Ottawa á þjóðhátíðardegi Kanada sem fagnar í ár 150 ára sjálfstæði landsins eftir að hafa verið undir stjórn Breta til ársins 1867.

Frá Ottawa var förinni heitið til Sagueney í Québec en næstu viðkomustaðir voru m.a. Sydney í Nova Scotia, Stephenville í Nova Scota, St. John´s á Nýfundnalandi, Goose Bay, Iqaluit á Baffinslandi, Nuuk, Narsarsuaq og Kulusuk á Grænlandi en listinn er ekki tæmandi.

Frá Reykjavík munu þyrlan halda til Egilsstaða og því næst til Færeyja, Glasgow, Betlands, Frakkland, Þýskalands og til Tékklands.

Þá mun þyrlan hafa viðkomu á 20 stöðum í Rússlandi áður en hún mun fljúga yfir til Alaska og aftur til Kanada en alls munu feðgarnir lenda á 103 flugvöllum í 14 löndum og mun ferðalagið taka allt að 40 daga.

Feðgarnir og Rob MacDuff voru heppnir með veður en birta fór til er þeir lentu á Reykjavíkurflugvelli á þriðja tímanum í dag en þeir höfðu tafist í Kulusuk og hefur ferðinni seinkað nú um tvö sólarhringa.

Ekki var flogið í mikilli hæð frá Kulusuk til Íslands en þyrlan var í 3.500 fetum og var farflugshraðinn frá 140 til 152 knútum.

Einstakt tækifæri fyrir feðga að eyða ævintýralegum tíma saman

Ferðin er hreint út sagt eitt stórt ævintýri og að segja „góða ferð“ við þessa kappa á svo sannarlega við þar sem ekki er um neitt lítið ferðalag að ræða.

Mest hlakkar Rob til þess að fljúga niður eftir Alaska en faðirinn, Bob, hefur áður komið til Íslands en þá með hefðbundnu farþegaflugi.

Bob og Steven með veggspjald sem hannað var í tilefni ferðarinnar

Bob er 77 ára gamall en Steven er 48 ára og fá þeir í ferðinni einstakt tækifæri á að eyða ævintýralegum tíma saman og það í frekar litlu rými en þeir hafa reynslubolta með sér í för þar sem Rob MacDuff hefur yfir 13.000 flugtíma undir belti af þyrluflugi.

Þess má geta að til stendur að fá ferðalagið skráð í Heimsmetabók Guinness þar sem þetta er í fyrsta sinn sem faðir og sonur fljúga kringum jörðina.

Myndir:



















































  fréttir af handahófi

Robert Starr og kapphlaupið um minnstu flugvél í heimi

27. janúar 2018

|

Þrátt fyrir næstum ekkert vænghaf þá á undarlegan hátt gat hún flogið og það alla leið inn á síður Heimsmetarbókar Guinness - Flugvél sem fáir áttu von á að gæti hafið sig á loft.

Keflavíkurflugvöllur í 8. sæti í ánægjumælingu

15. desember 2017

|

Keflavíkurflugvöllur er með áttundu ánægðustu farþega heims samkvæmt mælingum með Happy or Not stöndum svonefndum, sem eru ánægjumælingartól.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

  Nýjustu flugfréttirnar

Vilja refsa farþegum sem taka farangur með sér við neyðarrýmingu

23. febrúar 2018

|

Svo gæti farið að þeim farþegum verði refsað sem gera tilraun til að taka handfarangur með sér frá borði þegar verið er að rýma flugvél í neyðartilvikum.

Fór með skrúfuna í þak á bíl í háskalegu lágflugi

23. febrúar 2018

|

Mikil mildi þykir að engan sakaði er landbúnaðarflugvél af gerðinni Air Tractor rakst með loftskrúfu í þak á bíl er flugmaður vélarinnar flaug vísvitandi mjög lágt yfir bílinn í Brasilíu á dögunum.

Vandamál með hjólabúnað á Bombardier-vél

23. febrúar 2018

|

Vandamál kom upp með hjólabúnað á Bombardier Dash 8 Q400 flugvél hjá Croatia Airlines er vélin var í aðflugi að flugvellinum í Brussel í gær eftir flug frá Zagreb.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Líktu eftir sömu aðstæðum í flughermi

22. febrúar 2018

|

Orsök flugslyssins í Rússlandi, er farþegaþota af gerðinni Antonov An-148 frá Saratov Airlines fórst skömmu eftir flugtak frá Moskvu þann 11. febrúar, er enn ókunn en talið er mögulegt að ísing í ste

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.

Isavia úthlutar styrkjum úr samfélagssjóði

21. febrúar 2018

|

Isavia hefur úthlutað styrkjum til 13 verkefna úr samfélagssjóði sínum en verkefnin eru af fjölbreyttum toga.

 síðustu atvik

  2018-01-01 19:24:00