flugfréttir
Berlínarbúar hafa kosið með Tegel-flugvellinum
- 56% vilja flugvöllinn áfram eftir að Brandenburg opnar
25. september 2017
|
Frétt skrifuð kl. 09:26
Flugstöðin á Tegel-flugvellinum í Berlín í maí á þessu ári
Berlínarbúar hafa kosið með áframhaldandi opnun Tegel-flugvallarins í Berlín en kosið var um framtíð flugvallarins í gær á sama tíma og þýsku þingkosningarnar fóru fram.
56,1 prósent kjósenda kusu með því að Tegel-flugvöllurinn verði starfræktur áfram eftir
að Brandenburg-flugvöllurinn verður tekinn í notkun en 41,7% kusu á móti því að flugvöllurinn
verði hafður opinn áfram.
Til hefur staðið að Tegel-flugvellinum verði lokað sex mánuðum eftir að Brandenburg-flugvöllurinn
opnar en vegna fjölmargra vandamála þá hefur opnun hans verið frestað nokkrum sinnum
frá árinu 2011.
Niðurstaða kosningarinnar er samt ekki bindandi samkvæmt lögum en niðurstaðan
er þvert á áætlanir ríkisstjórnarinnar sem hefur gert ráð fyrir að loka Tegel-flugvellinum.
991.832 Berlínarbúar kusu með flugvellinum, 737.216, kusu á móti honum og 39.735 sátu hjá
og tóku ekki afstöðu til flugvallarins í kosningunum.
Telja að Berlín muni þurfa tvo flugvelli
Herferðin „Save Tegel“ hefur staðið yfir í nokkra mánuði þar sem barist hefur verið fyrir
því að flugvellinum verði ekki lokað en fjölmörgum Berlínarbúum hefur líkað vel við
hversu stuttar samgöngur eru frá flugvellinum til miðborgarinnar.
Borgarstjórn Berlínar var alfarið á móti því að almenningur fengi að kjósa um flugvöllinn þar sem til hefur
staðið að nýta landsvæðið undir menntasetur, tækniháskóla og íbúðarhverfi.
Mögulega gæti Brandenburg-flugvöllurinn opnað árið 2019 en margir hafa sagt að líklega
verði hann orðin of lítill og því nauðsynlegt fyrir Berlín að hafa annan flugvöll þar sem
BER mun ekki koma til með að anna allri flugumferðinni til borgarinnar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
