flugfréttir
Airbus kaupir helmingshlut í CSeries af Bombardier
- Munu reisa nýjar flugvélaverksmiðjur fyrir CSeries í Bandaríkjunum
17. október 2017
|
Frétt skrifuð kl. 09:33
Airbus hefur gerð samkomulag við Bombardier um að kaupa helmingshlut í CSeries-verkefninu
Airbus hefur keypt helmingshlut í CSeries-framleiðslunni hjá Bombardier og hefur verið tilkynnt að ný verksmiðja fyrir CSeries-þoturnar verði reist í Mobile í Alabama þar sem Airbus hefur nú þegar verksmiðjur þar sem Airbus A320 er framleidd.
Það var seint í gærkvöldi sem Bombardier tilkynnti að kanadíski flugvélaframleiðandinn hefði selt meirihlutinn í nýju farþegaþotunni yfir til Airbus en CSeries samastendur af CS100 og CS300
þotunum.
Samkvæmt samkomulagi sem náðist í gær kvöldi þá mun Airbus kaupa 50.01% hlut
í CSeries Aircraft Limited Partnership sem er samvinnuverkefni Bombardier og
fjárfestingarfyrirtækisins Investissement Québec.
Með kaupum Airbus í CSeries mun Bombardier komast hjá því að verða við kröfum
bandarískra stjórnvalda sem hafa farið fram á 300% refsitolla á þær CSeries-þotur
sem seldar hafa verið til Bandaríkjanna en Boeing hefur sakað Bombardier um að selja
CSeries-þoturnar langt undir kostnaðaverði með fjárhagsaðstoð frá ríkisstjórn Kanada.
Frá samningaviðræðum í gærkvöldi milli Bombardier og Airbus
Með þessu telja sérfræðingar í flugmálum að Airbus og Bombardier muni reyna að
knésetja stöðu Boeing
á markaðnum með viðskipti með minni farþegaþotur en CSeries-þoturnar munu bætast við í flóruna hjá Airbus og efla enn frekar stöðu framleiðandans gagnvart samkeppnisaðilanum Boeing.
„Þetta er „win-win“ fyrir alla“, segir Tom Enders, framkvæmdarstjóri Airbus, sem tekur
fram að þetta muni einnig tryggja þúsundir starfa hjá Bombardier í Kanada og í Bretlandi.
„Við munum einnig koma til með að skapa ný störf í Bandaríkjunum og Airbus
mun ná að efla úrvalið af þeim farþegaþotum þar sem CSeries mun bætast við í sölumöppuna okkar“, segir Enders.
Fyrir Bombardier þýða þessi kaup að áratugalöng barátta í samkeppninni við Airbus
og Boeing er á enda á sviði framleiðslu og sölu á minni gerð farþegaþotna.
„Airbus er hinn fullkomni samherji fyrir okkur og fyrir Kanada. Sérstaða þeirra
mun tryggja velgengni CSeries-þotunnar“, segir Alain Bellemare, framkvæmdarstjóri
Bombardier.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
