flugfréttir

London City flugvöllurinn verður stækkaður

- Stærri flugstöð, fleiri stæði og ný akbraut fyrir árið 2021

30. október 2017

|

Frétt skrifuð kl. 18:22

Tölvugerð mynd sem sýnir hvernig London City flugvöllurinn mun líta út eftir stækkunina

Birtar hafa verið áætlanir er varða stækkun London City flugvallarins en áætlað er að framkvæmdirnar muni nema 55 milljörðum króna.

London City flugvöllurinn er minnsti flugvöllurinn á London-svæðinu en í seinustu viku var haldið upp á 30 ára afmæli vallarins og má segja að því sé fagnað með stækkun sem fyrirhuguð er.

Meðal annars stendur til að leggja nýja akbraut samsíða flugbrautinni til að ná fram auknum afköstum með brautinni og þá er gert fyrir flugvallarstæðum fyrir sjö flugvélar til viðbótar.

Einnig verður flugstöð vallarins stækkuð til að koma til móts við mikla fjölgun farþega en fyrir árið 2025 er gert er ráð fyrir að 2 milljónir farþegar muni bætast árlega við þær 4.6 milljónir sem fara um völlinn í dag.

Framkvæmdum mun ljúka árið 2021 en þær munu skapa 2.000 ný störf og skila 103 milljörðum króna til viðbótar á ári í breska þjóðarbúið.

London City flugvöllurinn er staðsettur inn í hjarta Lundúna í miðju fjármálahverfinu og er hann vel nýttur af farþegum og þá sérstaklega viðskiptafarþegum sem vilja komast með skjótari hætti til miðborgarinnar frá Evrópu án þess að fara í gegnum Heathrow-flugvöll.

„Seinustu 30 ár hefur London City flugvöllurinn orðið mikilvægari hluti af samgöngukerfi Lundúna og hefur starfsemi hans eflt atvinnulífið til muna á svæðinu“, segir Declan Collier, framkvæmdarstjóri flugvallarins.

Birtar voru í dag tölvugerðar myndir sem sýna hvernig London City flugvöllurinn mun koma til með að líta út árið 2021 eftir stækkunina en flugstöðin verður stækkuð um 40.000 fermetra.

Sögu London City flugvallarins má rekja aftur til ársins 1987 er fyrsta farþegaflugið fór um völlinn sem var flugvél af gerðinni de Havilland Dash 7 frá Brymon Airways sem flaug með 40 farþega innanborðs til Plymouth.

Aðeins tók 18 mánuði að reisa London City flugvöllinn á sínum tíma og á fyrsta árinu fóru 133.000 farþegar um völlinn en í dag fljúga tólf flugfélög frá vellinum til 46 áfangastaða í sextán löndum.

Litlar farþegaflugvélar á London City flugvellinum árið 1985



Dash 7 flugvél lendir á London City árið 1988



Fyrsta áætlunarflugið í gær frá London City til Íslands

Þess má geta að í gær var fyrsta farþegaflugið flogið frá London City til Íslands með flugi British Airways sem mun fljúga til Keflavíkurflugvallar með Embraer-þotum af gerðinni E190SR.

British Airways mun aðeins fljúga til Íslands frá London City á veturnar og verður flogið á fimmtudögum og sunnudögum fram til 18. mars árið 2018.

Nýja flugstöðin verður tilbúin til notkunar árið 2021







  fréttir af handahófi

Segja áætlanir Ryanair vera stríðsyfirlýsingu við flugmenn

16. október 2018

|

Verkalýðs- og starfsmannafélög segja að með því loka starfsstöðvum og skera niður flugflotann sinn til þess að refsa flugmönnum og áhöfnum fyrir verkfallsaðgerðir sé Ryanair með því að lýsa yfir strí

Norwegian orðið stærra en BA í flugi til New York

9. október 2018

|

Norska flugfélagið Norwegian er orðið stærsta flugfélagið sem flýgur yfir Atlantshafið til New York ef bandarísk flugfélög eru ekki talin með og flytur félagið því fleiri farþega til New York heldur

Flugmannaskortur í baráttunni við skógarelda

9. september 2018

|

Flugmannaskorturinn í heiminum hefur ekki bara áhrif á flugfélögin en fyrirtæki eitt í Kaliforníu, sem sérhæfir sig í að slökkva skógarelda, hefur þurft að kyrrsetja nokkrar slökkviliðsflugvélar þar

  Nýjustu flugfréttirnar

Hjá Höllu opnar á Keflavíkurflugvelli

19. október 2018

|

Veitingastaðurinn Hjá Höllu opnaði formlega í gær í suðurbyggingu Flugstöðvar Leifs Eiríkssonar á Keflavíkurflugvelli þar sem gengið er út í hlið C á flugvellinum.

NTSB fer fram á hljóðrita sem getur tekið upp í 25 tíma

19. október 2018

|

Samgönguöryggisnefnd Bandaríkjanna (NTSB) hefur farið fram á að hljóðritar í flugvélum, sem er annar svörtu kassanna tveggja, geti tekið upp lengri upptöku af hljóðum og samtölum flugmanna í stjórnkle

Flugmanni dæmdar bætur eftir að hafa verið rekinn

19. október 2018

|

Bandarísk flugmálayfirvöld (FAA) og dómstóll í Bandaríkjunum hafa dæmt flugfélag eitt í Alaska til þess að greiða flugstjóra, sem starfaði áður hjá félaginu, um 58 milljónir króna í bætur eftir að ha

British Airways mun fljúga til Charleston

18. október 2018

|

British Airways ætlar að hefja beint flug til borgarinnar Charleston í Suður-Karólínu á næsta ári en það verður þá í fyrsta sinn sem flogið verður beint flug yfir Atlantshafið frá Evrópu til borgarin

Etihad Airways ekki lengur eitt af þeim stóru eftir niðurskurð

18. október 2018

|

Etihad Airways hefur ákveðið að hætta við pantanir í nýjar þotur frá Airbus vegna niðurskurðar eftir 179 milljarða króna taprekstur á síðasta ári.

Cobalt Air gjaldþrota

18. október 2018

|

Kýpverska flugfélagið Cobalt Air er gjaldþrota og hefur félagið hætt öllu áætlunarflugi eftir að viðræður við lánadrottna fóru út um þúfur.

Fyrsta innanlandsflug Norwegian í Argentínu

17. október 2018

|

Norwegian flaug í gær sitt fyrsta innanlandsflug í Argentínu með nýstofnaða dótturfélaginu, Norwegian Air Argentína.

Eldur kom upp í ATR flugvél í viðhaldsskýlí í Nígeríu

17. október 2018

|

Eldur kom upp í farþegaflugvél af gerðinni ATR 72-200 er vélin var inni í viðhaldsskýli á flugvellinum í Lagos í Nígeríu sl. helgi.

Vilja opna hina flugbrautina á Gatwick-flugvelli

16. október 2018

|

Félag breskra atvinnuflugmanna (BALPA) taka undir tillögu Gatwick-flugvallarins í London um að skoða þann möguleika á að nýta varaflugbraut vallarins fyrir hefðbundna flugumferð um flugvöllinn til að

Segja áætlanir Ryanair vera stríðsyfirlýsingu við flugmenn

16. október 2018

|

Verkalýðs- og starfsmannafélög segja að með því loka starfsstöðvum og skera niður flugflotann sinn til þess að refsa flugmönnum og áhöfnum fyrir verkfallsaðgerðir sé Ryanair með því að lýsa yfir strí

 síðustu atvik

  2018-07-02 01:26:00