flugfréttir

Risaþotan sem flaug fyrsta áætlunarflugið komin í geymslu

- Óvíst hver örlög 9V-SKA verða

14. nóvember 2017

|

Frétt skrifuð kl. 14:52

9V-SKA í lendingu á Tarbes-flugvellinum í gær nálægt Pýrenes-fjöllunum

Fyrsta Airbus A380 risaþota heims til að hefja farþegaflug hefur verið ferjuð í geymslu eftir aðeins 10 ár í farþegaflugi.

Risaþotan, sem bar skráninguna 9V-SKA, flaug sitt fyrsta áætlunarflug á vegum Singapore Airlines fyrir 10 árum síðan en vélin var afhent félaginu árið 2007.

Risaþotunni var í gær flogið frá Changi-flugvellinum í Singapore til Tarbes-flugvallarins í suðurhluta Frakklands.

Vélinni verður skilað til eiganda sem er flugvélaleigan Dr. Peters Leasing í Þýskalandi en ekki er vitað hver örlög risaþotunnar verður.

Hreyflarnir verða fjarlægðir og þeim skilað til Rolls-Royce

Hreyflarnir verða fjarlægðir undan vængjum risaþotunnar og þeim skilað aftur til Rolls-Royce Holdings en á meðan mun Dr. Peters Leasing reyna að finna leigjanda fyrir þotuna sem verður hægara sagt en gert.

Dr. Peters Leasing fékk 174 milljónir króna á mánuði fyrir leigu á risaþotunni frá Singapore Airlines en flugvélaleigan á fjórar A380 risaþotur.

9V-SKA var máluð hvít áður en henni var skilað eftir að hafa verið í litum Singapore Airlines í 10 ár

Singapore Airlines mun skila þremur A380 risaþotum til baka til fyrirtæksins í janúar, apríl og í júní árið 2018 á meðan þeirri fjórðu verður skilað til flugvélaleigunnar Doric í mars.

Verður erfitt að koma vélinni aftur í útleigu

Airbus hefur átt í erfiðleikum með að fá fleiri pantanir í Airbus A380 og á sama tíma virðist sem svo að enginn markaður sé fyrir notaðar risaþotur.

9V-SKA er þriðja risaþotan sem var smíðuð og flaug hún fyrsta áætlunarflugið frá Singapore til Sydney þann 25. október árið 2007 en seinasta farþegaflug vélarinnar var flogið frá London til Singapore þann 10. júní í sumar.

9V-SKA í litum Singapore Airlines

Eins og fyrr kom fram þá var 9V-SKA flogið í gær til Tarbes-Lourdes-Pyreenees flugvallarins sem er staðsettur í 120 kílómetra fjarlægð, suðvestur af Toulouse, þar sem þotan var smíðuð.

Flugvöllurinn er mikið notaður sem geymsla fyrir stórar þotur en fyrirtækið Tarmac Aerosave er stærsta flugvélageymslufyrirtæki í Evrópu og er pláss fyrir 25 þotur í Tarbes og hundruði þotna á flugvellinum í Teruel á Spáni.

Vélin var máluð hvít áður en henni var skilað og þá var séð til þess að hún væri í sama ástandi og þegar Singapore Airlines tók við vélinni sem þýðir að innréttingar séu í góðu standi, og íhlutir í vélinni sem og í hreyflum verða að vera nýir eða nýlegir en að öðru leyti á félagið von á sekt upp á 2 milljarða króna.

Dr. Peters Leasing segir að það gæti komið til þess að 9V-SKA verði rifin niður í varahluti en þeir varahlutir sem hægt er að nýta úr hverri Airbus A380 eru metnir á 10 milljarða króna.







  fréttir af handahófi

Sukhoi fraktþota í undirbúningi

3. júlí 2018

|

Rússneski flugvélaframleiðandinn Sukhoi vinnur nú að því að koma með fraktútgáfu af Sukhoi Superjet 100 þotunni sem til stendur að smíða.

Farnborough: Tvær Airbus A220 þotur til sýnis

16. júlí 2018

|

Tvær Airbus A220-300 þotur eru nú til sýnis á Farnborough-flugsýningunni en airBaltic er með eina af A220 þotunni á svæðinu sem einnig er þekkt undir nafninu CSeries CS300.

Elsta Airbus A320 þota heims brást danska landsliðinu

2. júlí 2018

|

Danska fótboltalandsliðið komst ekki heim til sín með þeirri flugvél sem til stóð að myndi fljúga liðinu aftur heim í gær eftir tapleik þeirra gegn Króötum í sextán liða úrslitunum á Heimsmeistarakep

  Nýjustu flugfréttirnar

Farnborough: Tvær Airbus A220 þotur til sýnis

16. júlí 2018

|

Tvær Airbus A220-300 þotur eru nú til sýnis á Farnborough-flugsýningunni en airBaltic er með eina af A220 þotunni á svæðinu sem einnig er þekkt undir nafninu CSeries CS300.

Flugmaður með veipu í stjórnklefa olli neyðarlækkun

16. júlí 2018

|

Tveir flugmenn hjá kínverska flugfélaginu Air China hafa verið kallaðir inn á teppið vegna atviks sem átti sér stað í seinustu viku er farþegaþota af gerðinni Boeing 737-800 missti hæð sem samsvarar

Farnborough-flugsýningin hefst formlega

16. júlí 2018

|

Flugsýningin Farnborough Airshow hófst formlega í Bretlandi í morgun og hafa margar pantanir verið gerðar á fyrstu klukkutímum flugsýningarinnar.

MRJ90 þotan kemur fram á Farnborough flugsýningunni

14. júlí 2018

|

Mitshubishi Aircraft segir að flugvélaframleiðandinn sé tilbúin til þess að fljúga nýju MRJ þotunni sitt fyrsta sýningarflug sem verður þá í annað sinn sem þotan kemur fram opinberlega.

Embraer E2 lendir í fyrsta sinn á London City

13. júlí 2018

|

Nýja E190-E2 þotan frá Embraer lenti í fyrsta sinn á London City flugvellinum í dag á leið sinni á Farnborough-flugsýninguna en flugvélin mun henta mjög vel fyrir flug um London City þar sem sá flugv

Hálfur milljarður í endurnýjun flugbrautar á Gander-flugvelli

13. júlí 2018

|

Stjórnvöld í Kanada ætla að verja tæpum hálfum milljarði króna í endurnýjun á yfirlagi á annarri flugbrautinni á Gander-flugvelli sem er lengsta flugbrautin í Nýfundnalandi og ein sú lengsta í Kanada.

Ryanair fær grænt ljós frá ESB vegna yfirtöku á Laudamotion

13. júlí 2018

|

Ryanair hefur fengið grænt ljós vegna kaupa á austurríska flugfélaginu Laudamotion og er það mat Evrópusambandsins að yfirtakan muni ekki hafa neikvæð áhrif á samkeppnina meðal flugfélaga í Evrópu.

Metumferð um Vnukovo-flugvöll vegna HM í Rússlandi

12. júlí 2018

|

Heimsmeistarakeppnin í fótbolta hefur orðið til þess að aldrei áður hafa eins margir farþegar farið um Vnokovo-flugvöllinn í Moskvu.

Gríski flugherinn pantar tólf Tecnam P2002JF kennsluvélar

12. júlí 2018

|

Ítalski flugvélaframleiðandinn Tecnam hefur fengið pöntun frá gríska flughernum sem hefur fest kaup á tólf flugvélum af gerðinni Tecnam P2002JF.

Koma Air India til bjargar með 32 milljóna króna fé í reksturinn

12. júlí 2018

|

Ríkisstjórn Indlands hefur ákveðið að setja enn og aftur fé í rekstur Air India til þess að halda rekstri flugfélagsins gangandi eftir að síðustu tilraunir til þess að selja og einkavæða félagið fóru