flugfréttir
Airbus A321LR tilraunaþotan þurfti að snúa við til Parísar
- Einn í áhöfninni gleymdi að sækja um ESTA ferðaheimild til Bandaríkjanna
13. febrúar 2018
|
Frétt skrifuð kl. 22:27
Airbus A321LR tilraunaþotan (D-AVZO) á Charles de Gaulle flugvellinum í París í morgun
Fyrsta eintakið af hinni langdrægu Airbus A321LR þotu er nú í þann mund að nálgast New York eftir sitt fyrsta tilraunaflug yfir Atlantshafið en vélin lagði af stað frá Charles de Gaulle flugvellinum í París í dag klukkan 15:17 að íslenskum tíma.
Vélin átti upphaflega að leggja af stað í flugið í hádeginu en 8 mínútum eftir flugtak
mundi einn áhafnarmeðlimurinn eftir því að hann hafði gleymt að fylla út ESTA sem er ferðaheimild sem þarf að vera við höndina þegar ferðast er til Bandaríkjannna á undanþágu frá vegabréfsáritun.
Airbus A321LR þotan þurfti því að snúa við og lenti hún á Le Bourget-flugvellinum í stað
Charles de Gaulle klukkan 12:28 að íslenskum tíma.
Vélin snéri við 8 mínútum eftir flugtak frá París CDG og lenti á Le Bourget-flugvellinum.
Tæpum þremur tímum síðar, eftir að búið var að ganga frá ESTA ferðaheimildinni, fór vélin aftur í loftið, kl. 15:17 og hélt hún loks af stað í fyrsta flugið yfir
Atlantshafið en klukkan 22:02 í kvöld var vélin í 33.000 fetum yfir Maine í Bandaríkjunum og átti um 40 mínútur
eftir til Kennedy-flugvallarins í New York.
Flugið er liður í flugprófunum fyrir Airbus A321LR þotuna en sérstaklega verður einblínt
á langflugsdrægni þotunnar sem er sú mesta í flokki mjóþotna sem koma með einum gangi.
Flugferill A321LR þotunnar (D-AVZO) á Flightradar24.com kl. 22:18
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
