flugfréttir

Fyrsta Boeing 737 MAX þota Icelandair væntanleg til landsins

- TF-ICE er fyrsta 737 MAX þotan af þeim sextán sem væntanlegar eru

21. febrúar 2018

|

Frétt skrifuð kl. 19:00

TF-ICE á Boeing Field í gær í Seattle. Lokahönd á málningarvinnu mun fara fram hér á landi

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Fyrsta Boeing 737 MAX 8 þotan hefur fengið skráninguna TF-ICE en í gær birtust fyrstu myndirnar af vélinni á Netinu í litum félagsins.

TF-ICE kom út úr samsetningarsal í Renton þann 20. febrúar og var henni þaðan flogið í málningu en Boeing hefur nokkra staði á Seattle-svæðinu þar sem nýjar þotur eru málaðar fyrir afhendingu.

Málningarvinna við vélina er þó ekki fullkláruð þótt grunnlitirnir sé komnir en lokafrágangur á litum vélarinnar mun fara fram hér á landi þegar vélin er komin heim.

Icelandair mun fá TF-ICE formlega afhenta frá Boeing í Seattle þann 28. febrúar en þann dag hefst þjálfun á vélina og mun sex manna hópur flugstjóra og þjálfunarflugmanna frá Icelandair fara til Seattle fyrir þann tíma.

TF-ICE í litum Icelandair en enn á eftir að setja punktinn yfir „i-ð“ í málningarvinnunni sem verður gert á Íslandi

„Þeir fara í lendingarþjálfun og leggjaþjálfun, þar sem æft er að fljúga leggi milli staða, og mun þjálfunin standa yfir til 3. mars“, segir Haukur Reynisson, flugrekstrarstjóri Icelandair, í samtali við Alltumflug.is.

Fer fyrst í frágangsvinnu á farþegarými

Áætlað er að TF-ICE verði flogið til Íslands þann 5. mars en framundan tekur við vinna við að koma afþreyingarbúnaði fyrir í sætisbökum vélarinnar ásamt öðrum hlutum í samræmi við aðrar vélar í flotanum en sú vinna mun taka um fjórar til fimm vikur.

Samkvæmt áætlun þá mun vélin verða tilbúin í leiðarkerfið þann 5. apríl en ekki er enn komin endanleg dagsetning á fyrsta áætlunarfluginu en mögulega verður það í kringum 10. apríl.

TF-ICE er fyrsta Boeing 737 MAX 8 þotan af þeim þremur sem afhentar verða á þessu ári en alls pantaði Icelandair níu Boeing 737 MAX 8 þotur og sjö þotur af gerðinni 737 MAX 9.

TF-ICY kemur til landsins 20. mars

Næsta vél kemur til landsins þann 20. mars en hún verður skráð sem TF-ICY. Sú vél verður mögulega notuð til þjálfunar flugmanna á meðan TF-ICE verður inn í skýli í frágangsvinnu á farþegarými.

„Þann tíma sem TF-ICE verður inn í skýli þá verður hin vélin mögulega notuð til þjálfunar á meðan. Hugsanlega verður henni flogið milli staða hér á Íslandi til að ljúka við hluta af þjálfuninni“, segir Haukur.

Munu einblína á sjálfbæra þjálfun á MAX vélarnar

Icelandair mun einblína á að tileinka sér sjálfbæra þjálfun á Boeing 737 MAX frá fyrsta degi en þar að auki þá mun þjálfun einnig fara fram í samstarfi við Boeing.

Ár er síðan að Icelandair festi kaup á Boeing 737 MAX flughermi frá TRU Simulation + Training í Kanada, fyrst allra flugfélaga. en sá hermir er væntanlegur til landsins í vor og verður hann tekinn í notkun á Flugvöllunum í Hafnarfirði í sumar.

Boeing 737 MAX flughermir frá TRU Simulation + Training

TRU Flight Training Iceland, dótturfélag Icelandair, mun sjá um rekstur á Boeing 737 MAX flugherminum sem verður nákvæm eftirlíkingar af stjórnklefa vélarinnar og verður hann af tegundinni Level D.

Boeing 737 MAX 8 er mun hagkvæmari í rekstri og tæknivæddari en aðrar sambærilegar vélar. Til að mynda eru þær 40% hljóðlátari en hefðbundnar þotur sem koma með einum gangi („single aisle“) og þá gera LEAP-1B hreyflarnir frá CFM International Boeing 737 MAX vélar Icelandair mun umhverfisvænni og sparneytnari.

Þar að auki hafa verið gerðar ýmsar breytingar á vélinni ef borið er saman við Boeing 737NG með tilliti til betra loftflæðis auk þess sem nýr „Split Scimitar Winglets“ vænglingar bjóða upp á meiri sparneytni.

Boeing hefur í dag afhent yfir 80 eintök af Boeing 737 MAX þotunum af þeim 4.307 þotum sem pantaðar hafa verið af 63 flugfélögum og viðskiptavinum.







  fréttir af handahófi

Lufthansa íhugar stóra pöntun í Boeing 737 MAX

27. mars 2019

|

Þýska risaflugfélagið Lufthansa er að íhuga að leggja inn stóra pöntun í annaðhvort Boeing 737 MAX eða Airbus A320neo en félagið ætlar að nota þoturnar til að stækka flugflotann og skipta út eldri fl

28 börn og fjölskyldur þeirra fengu styrk Vildarbarna

26. apríl 2019

|

28 börnum og fjölskyldum þeirra, samtals rúmlega eitt hundrað manns, var afhentur ferðastyrkur úr sjóði Vildarbarna Icelandair í gær en alls hafa 677 fjölskyldur notið stuðnings frá sjóðnum frá stofnu

Þriðja MC-21 tilraunarþotan flýgur sitt fyrsta flug

16. mars 2019

|

Þriðja MC-21-300 tilraunarþota rússneska flugvélaframleiðandans Irkut hóf sig á loft í fyrsta sinn frá verksmiðjunum í Irkutsk í dag.

  Nýjustu flugfréttirnar

Tvær júmbó-þotur snúa aftur í flota Air India

21. maí 2019

|

Air India ætlar að fjölga júmbó-þotum í flota sínum á ný með því að koma tveimur Boeing 747 þotum aftur í umferð í farþegaflugi sem teknar voru úr umferð árið 2008.

Niki Lauda látinn

21. maí 2019

|

Milljarðamæringurinn, ökuþórinn og flugfélagamógúllinn Niki Lauda er látinn en hann lést í gær sjötugur að aldri á háskólasjúkrahúsinu í Zurich í Sviss umvafinn vinum og ættingjum.

Flugáhugamenn fjölmenntu við komu þristanna í gærkvöldi

21. maí 2019

|

Það var þónokkur fjölmennur hópur sem hafði safnast saman við grindverkið bakvið Hótel Loftleiði út á Reykjavíkurflugvelli í gærkvöldi til þess að berja augu hluta af þeim ellefu þristum sem eru þess

TUI íhugar að hætta við Boeing 737 MAX þoturnar

20. maí 2019

|

Flugfélaga- og ferðasamsteypan TUI hefur tilkynnt að allt stefni í að afkoma flugfélagsins TUI verði frekar slæm eftir fyrri helming ársins og hefur fyrirtækið varað fjárfesta við því að seinni helmi

SAS bætir Lúxemborg við leiðarkerfið

20. maí 2019

|

SAS (Scandinavian Airlines) hefur ákveðið að hefja flug til Lúxemborg en í tilkynningu kemur fram að félagið ætli að fljúga frá Arlanda-flugvellinum í Stokkhólmi til Lúxemborgar frá og með byrjun nóv

Ryanair frestar afhendingum á 737 MAX fram í nóvember

20. maí 2019

|

Ryanair hefur ákveðið að fresta afhendingum á þeim Boeing 737 MAX þotum sem pantaðar voru á sínum tíma en lágfargjaldafélagið írska átti að taka við fyrstu þotunum á næstu dögum.

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

TWA flugstöðin opin aftur fyrir almenningi

15. maí 2019

|

Ein frægasta flugstöð heims, TWA bygginging (Terminal T5) á Kennedy-flugvellinum í New York, opnaði aftur í dag opinberlega í tengslum við TWA hótelið sem hóf starfsemi sína í dag við hliðina á flugst

Air France stefnir á niðurskurð í innanlandsfluginu

13. maí 2019

|

Air France stefnir á niðurskurð í innanlandsfluginu í Frakklandi og stendur til að draga úr framboðinu um 15 prósent. Með því vonast félagið til þess að hægt verði að draga úr taprekstri félagsins.

 síðustu atvik

  2019-01-01 20:20:00