flugfréttir

Nýir stjórnendur hjá Icelandair

21. febrúar 2018

|

Frétt skrifuð kl. 19:48

Rekstrarsvið er nýtt svið hjá Icelandair og verður til við samruna flugrekstrartengdrar starfsemi Icelandair annars vegar og IGS hins vegar sem hingað til hefur verið starfrækt sem sjálfstæ

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Rekstrarsvið er nýtt svið hjá Icelandair og verður til við samruna flugrekstrartengdrar starfsemi Icelandair annars vegar og IGS hins vegar sem hingað til hefur verið starfrækt sem sjálfstætt fyrirtæki.

Sviðið varð til um síðustu áramót og er Jens Þórðarson framkvæmdastjóri þess. Með skipulagsbreytingum er stjórnkerfi sviðsins einfaldað til muna, boðleiðir styttar og stjórnendum fækkað.

Þetta mun gera fyrirtækinu kleyft að taka hraðari ákvarðanir, sinna starfsfólki betur og gera fyrirtækið í stakk búið fyrir áframhaldandi vöxt og þróun.

Ásgeir Bjarni Lárusson - Forstöðumaður tæknisviðs

Ásgeir Bjarni Lárusson hóf störf hjá Icelandair 2012 sem verkefnastjóri hjá tækniþjónustu félagsins (ITS). Árið 2015 tók Ásgeir við stöðu forstöðumanns viðhaldstýringar og sinnti því til september 2017.

Frá september 2017 hefur Ásgeir leitt sameiningu á þremur deildum, Viðhaldstýring, Verkfræðideild og Hönnunardeild og mun í nýju skipulagi leiða þennan sameinaða hóp sem forstöðumaður tæknisviðs. Áður en Ásgeir hóf störf hjá Icelandair starfaði hann sem verkfræðingur hjá Bang&Olufsen.

Ásgeir er með MSc gráðu í Engineering Business Management frá Warwick University í Bretlandi og BSc gráðu í Global Management og Manufacturing Engineering frá Háskólanum í Árósum. Ásgeir er í sambúð með Gunnhildi Emilsdóttur og eiga þau saman 2 börn.

Ástþór Ingason - Forstöðumaður flugþjónustu erlendis

Ástþór hóf störf hjá félaginu árið 1978 sem sumarstarfsmaður aðeins 14 ára. Hann starfaði í mörgum deildum á Keflavíkurflugvelli frá 1985 til 1996, þegar hann tók við sem deildarstjóri flugstjónustu.

Tók við starfi stöðvarstjóra í Kaupmannahöfn 1999, varð svæðisstöðvarstjóri fyrir Norðurlöndin til ársins 2003 er hann varð yfirmaður stöðvareksturs Icelandair í Evrópu. Árið 2007 tók hann við sem yfirmaður alls stöðvarekstur félagsins. Giftur Elfu Dröfn Jónsdóttur með fimm börn.



Einar Már Guðmundsson - Forstöðumaður viðhaldssviðs

Einar Már Guðmundsson hóf störf hjá Icelandair árið 2015 sem forstöðumaður innkaupadeildar hjá tækniþjónustu félagsins (ITS). Einar starfaði áður sem innkaupastjóri hjá RioTinto Alcan (ISAL) í 3 ár og þar á undan sem rekstrarstjóri hjá Skeljungi.

Einar mun í nýju skipulagi verða forstöðumaður viðhaldssviðs og innkaupadeildar. Einar er með MBA gráðu frá Copenhagen Business School. Einar er giftur Katrínu Melstað og eiga þau saman tvær dætur.




Guðmundur Ólafsson - Forstöðumaður flugþjónustu Keflavíkurflugvelli

Guðmundur hóf störf hjá Icelandair Ground Services árið 2008 sem starfsmaður farþegaþjónustu. Í september 2015 tók hann við deildarstjórastöðu innan fyrirtækisins en í ágúst 2017 tók hann við starfi forstöðumanns flugafgreiðslu- og fraktsviðs og hefur sinnt því síðan.

Áður starfaði hann á markaðssviði Íslandshótela en keðjan rekur m.a. Grand Hótel, Fosshótel hótelkeðjuna ásamt fleiri hótelum víðs vegar um landið. Guðmundur er með B.Sc. viðskipta- og markaðsfræði með áherslu á ferðamálafræði frá Háskóla Íslands. Guðmundur er búsettur í Hafnarfirði og er tveggja barna faðir.


Klara Íris Vigfúsdóttir - Forstöðumaður flugáhafna

Klara hóf störf hjá Icelandair árið 2017 sem forstöðumaður flugáhafna (Cabin Operations). Klara starfaði áður sem forstöðumaður hjá Ferðaskrifstofu Íslands árin 2015-2017 og þar áður sem framkvæmdastjóri ÍMARK á árunum 2013-2015.

Hún starfaði við flugrekstur sem aðstoðarmaður forstjóra Iceland Express, og síðar sem framkvæmdastjóri Express ferða, á árunum 2011-2013. Klara sem er með B.sc. í viðskiptafræði frá Háskólanum í Reykjavík. Hún er gift Guðmundi Inga Haukssyni og saman eiga þau þrjú börn.


Linda Gunnarsdóttir - Yfirflugstjóri

Linda starfaði hjá Íslandsflugi sem flugmaður frá 1993 og til 1995 þegar hún höf störf hjá Flugleiðum á Fokker-50. Frá 1998 flug hún Boeing-737 þangað til hún fluttist yfir á Boeing-757/767 sem hún flýgur enn í dag.

Hún tók við starfi flugstjóra 2006 og sinnti að auki bóklegri ný- og síþjálfun flugmanna. 2006 útskrifðist Linda með B.sc í viðskiptafræði frá Háskólanum í Reykjavík með áherslu á stjórnun og stefnumótun.

Frá 2011 hefur hún einnig starfað sem þjálfunarflugstjóri og prófdómari. Hún tók við starfi flotasjóra á B-757 og svo stöðu aðstoðaryfirflugstjóra 2015. Linda er í sambúð með Gunnlaugi Rafni Björnssyni og eiga þau þrjú börn.

Sigurjón Sigurjónsson - Forstöðumaður öryggis- og gæðasviðs

Sigurjón hóf störf hjá Icelandair í júní 2009 og tók þá við stöðu gæðastjóra félagsins. Hann starfaði áður hjá Flugmálastjórn og var deildarstjóri lofthæfideildar.

Í starfi sínu hjá flugmálastjórn tók hann þátt í innleiðingu JAR reglna frá upphafi og var fulltrúi Íslands í nefndum JAA og síðar EASA sem var stofnað 2002. Sigurjón fékk vottun sem IOSA úttektamaður 2016 og hefur tekið þátt í IOSA úttektum á erlendum flugfélögum á vegum ACS Aviation Solutions. Hann lauk námi í flugvirkjun frá Spartan School of Aeronautics 1987 og starfaði fyrst sem flugvirki hjá Flugleiðum. Hann á tvær dætur og tvö barnabörn.

Þ. Haukur Reynisson - Flugrekstrarstjóri

Haukur hóf störf hjá Icelandair í innanlandsflugi 1991 á Fokker-27 síðan Fokker-50, Boeing-737 og Boeing-757. Hann varð flugstjóri 1998 á Fokker-50 síðan á Boeing-757/Boeing-767. Hann hefur einnig sinnt starfi þjálfunarflugstjóra og prófdómara frá árinu 2005.

Haukur hefur verið yfirflugstjóri Icelandair frá 2015. Hann stundaði flugnám hjá Vesturflugi, American Flyers og Flugskóla Íslands. Hann er giftur Kristínu Jónasdóttir og þau eiga tvær dætur.







  fréttir af handahófi

Flugmenn hafa áhyggjur af galla í slökkvikerfi á Boeing 787

16. júní 2019

|

Einhverjir flugmenn, sem fljúga Dreamliner-þotum, hafa lýst yfir áhyggjum sínum varðandi eldvarnarkerfið í Boeing 787 þotunum en Boeing segir að um smávægilegt vandamál sé að ræða.

Tvær Eurofighter herþotur rákust saman norður af Berlín

24. júní 2019

|

Tvær Eurofighter orrustuþotur frá þýska flughernum rákust saman á flugi í hádeginu í Þýskalandi en flugmennirnir náðu báðir að skjóta sér frá borði í fallhlíf.

Isavia semur við HS Orku um raforkukaup

21. júní 2019

|

Sveinbjörn Indriðason, forstjóri Isavia, og Ásgeir Margeirsson, forstjóri HS Orku, hafa undirritað samning um raforkukaup Isavia.

  Nýjustu flugfréttirnar

Ryanair í stórt samstarf við flugskóla í Póllandi

22. júlí 2019

|

Ryanair hefur tilkynnt um samning um umfangsmikið flugnámsverkefni í Mið-Evrópu þar sem til stendur að þjálfa upp nýja flugmenn fyrir félagið í samstarfi við flugskólann Bartolini Air í Póllandi.

Fjölbreytt flóra á Flightradar24 í morgun

22. júlí 2019

|

Segja má að margar tegundir af flugi og flugvélar af flestum stærðum og gerðum hafi verið í loftinu á Flightradar24.com á ellefta tímanum morgun í kringum og við Ísland enda viðrar bæði vel til flugs

SAS sendir „ljóta andarungann“ í niðurrif

22. júlí 2019

|

SAS (Scandinavian Airlines) hefur sent fyrstu Airbus A340 breiðþotuna í brotajárn en þotan sem félagið hefur losað sig við er LN-RKP sem flogið hefur undir nafninu „Torfinn Viking“.

Kyrrsettar í kjölfar flugslyss í Svíðþjóð

22. júlí 2019

|

Flugmálayfirvöld nokkurra ríkja og landa hafa farið fram á kyrrsetningu á flugvélartegund af gerðinni GippsAero GA8 Skyvan, sömu gerðar og sú sem fórst í Svíðþjóð þann
14. júlí sl. með þeim afle

Airbus á von á pöntun í yfir 100 þotur frá Air France

21. júlí 2019

|

Airbus er sagt vera á lokasprettinum með að ná samningi við Air France um stóra pöntun í allt að sjötíu Airbus A220 þotur (CSeries) auk tugi þotna af gerðinni Airbus A320neo.

Disney stefnir á stofnun flugfélags

21. júlí 2019

|

Orðrómur er í gangi um að Walt Disney fyrirtækið ætli að stofna sitt eigið flugfélag en samkvæmt vefsíðunni Justdisney.com þá segir að Disney ætli að festa kaup á nokkrum litlum farþegaflugvélum á n

Korean Air staðfestir pöntun í 20 Dreamliner-þotur

20. júlí 2019

|

Korean Air hefur staðfest pöntun í tuttugu Dreamliner-þotur; tíu af gerðinni Boeing 787-9 og tíu af gerðinni Boeing 787-10.

Tvö ókeypis námskeið hefjast í næstu viku hjá Keili

18. júlí 2019

|

Í næstu viku munu tvö námskeið hefjast á vegum Flugakademíu Keilis, annars vegar grunnnámskeið um einka- og atvinnuflugnám og hinsvegar námskeið fyrir ungt fólk um flugtengd störf en bæði námskeiðin

Fær reikning upp á 13 milljónir vegna dólgsláta um borð

18. júlí 2019

|

Annar flugdólgur hefur nú fengið himinháan reikning í bakið fyrir ósæmilega hegðun um borð í flugvél sem var í þetta skiptið á leið til Tyrklands frá Bretlandi en áhöfn vélarninar neyddist til þess

Aðeins 200 kíló eftir af eldsneyti í tönkunum við lendingu

18. júlí 2019

|

Farþegaþota á Indlandi var aðeins sex mínútum frá því að hafa klárað allt eldsneyti um borð áður en hún náði að lenda á flugvellinum í Delí fyrr í vikunni.

 síðustu atvik

  2019-01-01 20:20:00