flugfréttir

Boeing: „Stór markaður fyrir nýja meðalstóra farþegaþotu“

2. mars 2018

|

Frétt skrifuð kl. 07:28

Kevin McAllister, framkvæmdarstjóri yfir farþegaþotudeild Boeing

Boeing segir að stór markaður sé fyrir nýja meðalstóra farþegaþotu sem að öllum líkindum verður kölluð Boeing 797.

Kevin McAllister, framkvæmdarstjóri yfir farþegaþotudeild Boeing, segir að eftir nokkurra mánaða langa rannsóknarvinnu þá meti Boeing stöðuna sem þannig að mikil tækifæri séu fyrir hendi að framleiða þessa þotu ef marka má eftirspurn.

„Eftirspurnin eru eftir þotu sem er mitt á milli þess að vera mjóþota með einum gangi og breiðþotu með tveimur göngum. Raunhæfasta stærðin væri þota sem kæmi með sætum fyrir 200 til 270 farþega. Þetta er stórt tækifæri fyrir okkur“, sagði McAllister í gær á árlegri flugmálaráðstefnu á vegum bandaríska viðskiptaráðsins sem fram fór í Washington D.C.

„Við erum komnir við marga viðskiptavini og flugfélög sem hafa áhuga á þessari þotu sem hafa verið að hjálpa okkur við að meta hver þörfin þeirra verður næstu áratugina“, segir McAllister.

Þá hafa nokkur af stærstu flugfélögunum lýst yfir áhuga á þotunni sem á að koma í stað Boeing 757 og Boeing 767 en sú síðarnefnda er enn í framleiðslu í dag þótt síðasta farþegaþotuútgáfan af henni var afhent árið 2014 til Air Astana.

Fyrr í þessum mánuði var greint frá því að Delta Air Lines hefði mikinn áhuga á nýju þotunni og vill flugfélagið bandaríska verða fyrsta flugfélagið til að fá Boeing 797 afhenta.

„Miðað við það sem við höfum heyrt frá Boeing um „nýja meðalstóru þotuna“ þá teljum við þetta mjög áhugaverðan kost og gæti þessi vél verið langtímalausnin til að leysa af hólmi Boeing 757 og Boeing 767“, segir í tilkynningu frá Delta en fram kemur að flugfélagið bandaríska taki virkan þátt í hugmyndavinnunni. 

Boeing hefur verið sl. ár mjög tvístígandi með að hefja framleiðslu á annarri þotu til að leysa af hólmi Boeing 757 þar sem að framleiðandinn hefur hingað til lýst því yfir að Boeing 737 MAX 9 komi í stað Boeing 757 þar sem sú vél getur flogið 95% af þeim flugleiðum sem Boeing 757 vélarnar fljúga í dag í áætlunarflugi.







  fréttir af handahófi

Norðmenn prófa sjálfkeyrandi snjómokstursbíla

3. október 2018

|

Norðmenn ætla sér í vetur að hefja tilraunir með sjálfkeyrandi snjómoksturstæki til þess að ryðja brauturnar á Gardermoen-flugvellinum í Osló.

Boeing gefur út tilmæli vegna skynjara á Boeing 737 MAX

7. nóvember 2018

|

Boeing hefur sent frá sér tilmæli til allra þeirra flugfélaga og flugrekstraraðila sem hafa Boeing 737 MAX þotuna í flota sínum í kjölfar flugslyssins í Indónesíu í síðustu viku.

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.

  Nýjustu flugfréttirnar

Fyrsta risaþotan hjá Lufthansa máluð í nýju litunum

12. desember 2018

|

Nýlega var lokið við að mála fyrstu Airbus A380 þotuna í nýjum litum Lufthansa en það var þotan D-AIMD sem var fyrsta risaþotan a þeim fjórtán sem máluð var.

Flaug síðasta flugið sitt í bleikum búning

11. desember 2018

|

Eitt sinn skulu allir atvinnuflugmenn setja hattinn í hilluna og í flestum löndum er það þegar flugmenn ná 65 ára aldri.

Reyndi að laga rifu á glugga í umferðarhring en brotlenti

11. desember 2018

|

Samgönguöryggisnefnd Bandaríkjanna hefur komist að þeirri niðurstöðu að óviðeigandi og ótímabær viðbrögð flugmanns við rifu á glugga á neyðarútgang eftir að farþegar hans kvörtuðu yfir kulda um borð

Fækka þotum til að koma í veg fyrir lögsókn frá flugvélaleigu

11. desember 2018

|

Flugfélagið Avianca Brazil neyðist til þess að fækka flugvélunum í flotanum með því að losa sig við átta flugvélar og skila þeim til baka til flugvélaleigu sem á vélarnar til að komast hjá lögsókn.

Norwegian Air Sweden hefur starfsemi sína

9. desember 2018

|

Norwegian Air Sweden hefur flogið sitt fyrsta áætlunarflug en félagið er dótturfélag Norwegian sem mun fljúga til og frá Svíðþjóð.

Hófu flugtak 400 metrum frá brautarenda á Gatwick

7. desember 2018

|

Flugmálayfirvöld í Bretlandi rannsaka nú atvik eftir að Dreamliner-þota af gerðinni Boeing 787-9 frá Norwegian notaði of stutta flugbraut í flugtaki á Gatwick-flugvellinum í London.

Skimun fyrir umsækjendur í atvinnuflugmannsnám hjá Keili

6. desember 2018

|

Flugakademía Keilir hefur innleitt skimun í tengslum við atvinnuflugmannsnám á vegum skólans fyrir næsta vor en umsækjendur þurfa að þreyta sérstakt rafrænt hæfnispróf.

280.000 farþegar með Icelandair í nóvember

6. desember 2018

|

Um 280.000 farþegar flugu með Icelandair í nóvember sl. sem er fjölgun upp á 12 prósent ef miðað er við nóvember árið 2017 þegar 249.000 farþegar flugu með félaginu.

WOW air flýgur jómfrúarflugið til Nýju-Delí á Indlandi

6. desember 2018

|

WOW air flaug í dag sitt fyrsta áætlunarflug til Nýju-Delí á Indlandi en aldrei áður hefur íslenskt flugfélag flogið áætlunarflug til Asíu og þá er um að ræða lengsta farþegaflug í íslenskri flugsög

Tíunda veggspjaldið fjallar um álag og streitu

6. desember 2018

|

Samgöngustofa hefur gefið út tíunda veggspjaldið af tólf í Dirty Dozen röðinni en að þessu sinni er fjallað um álag og viðbrögðum við streitu sem geta skert flugöryggi.