flugfréttir

Flugvélabensín á þrotum í Bresku-Kólumbíu

- Flugkennsla, einkaflug og allt flugsamfélagið liggur nánast niðri

9. mars 2018

|

Frétt skrifuð kl. 11:16

Talið er að skorturinn geti haft áhrif fram á sumar

Alvarlegur skortur er á flugvélabensíni á suðurhluta Bresku-Kólumbíu í Kanada sem hefur haft áhrif á allt einkaflug, alla flugskóla og nokkra flugrekstraraðila á svæðinu nálægt Vancouver.

Síðasti dropinn af Avgas 100LL bensíni kláraðist á dögunum úr 50 þúsund lítra tanki á Pitt Meadows flugvellinum þar sem flugklúbbur með 130 meðlimi hefur aðsetur auk þriggja flugskóla og tveggja flugrekstraraðila.

Þetta hefur valdið flugsamfélaginu á svæðinu miklum áhyggjum en orsökin er vandamál sem kom upp í dreifikerfi í olíuhreinsistöð nálægt Edmonton sem varð til þess að flugvélabensínið stóðst ekki gæðakröfur og var því ekki öruggt til notkunar.

„Það sem er mest ergjandi í þessu er að starfsemin hangir á bláþræði hjá flestum - Og fyrir alla að missa svona marga góða daga úr flugi er bara hræðilegt“, segir Tom Heise, formaður flugklúbbsins Aero Club of B.C.

Flugmaður setur bensín á flugvél á flugvelli í Bresku-Kólumbíu

Bensínskorturinn hefur orðið til þess að flugskólar hafa þurft að draga saman verklega kennslu og fella hana nánast niður og þá hafa einkaflugmenn þurft að sleppa því að fljúga.

Carter Mann, talsmaður (COPA), félags einkaflugmanna og flugvélaeigenda í Kanada, segir að eldsneytisskorturinn gæti haft áhrif fram á sumar og lamað því flugsamfélag sem telur 16.000 meðlimi á svæðinu.

„Þetta hefur áhrif á kennsluflug, næturfraktflug með dagblöð til smærri samfélaga og svo flugferðir á vegum bandarískra flugmanna sem leggja leið sína hingað í einkaflugi“, segir

Ástandið hefur einnig verið mjög slæmt á flugvellinum í bænum Boundary Bay, skammt norður af Vancouver, en ekki einn bensíndropi hefur verið fáanlegur þar í nokkrar vikur og hefur allt flug og flugkennsla legið niðri.

Starfsemi margra flugskóla hefur lamast vegna bensínskortsins

„Á hverjum sólríkum degi þá gætum við verið að fljúga yfir 75 klukkustundir á dag í flugkennslu. Þannig það stöðvast þjálfun fyrir alla flugnema á meðan sem er svakalegt og þetta er ekki að hjálpa til við þann skort sem er á flugmönnum“, segir Clark Duimel, framkvæmdarstjóri Boundary Bay flugvallarins.

Imperial Oil, sem framleiðir Avgas-bensínið í hreinsistöð nálægt Edmonton, lýsti því yfir í gær að þeim hafi tekist að leysa vandamálið í birgðarsendingu sem send var frá þeim þann 28. desember en það var ekki fyrr en þann 13. febrúar að upp komst um að bensínið væri óhreint.

Búið er að taka sýni af bensíni á þeim svæðum sem bensíninu var dreift til og hefur komið í ljós að á 70% af þeim stöðum er bensínið í lagi og hæft til að nota til flugs.

Verið er að skoða möguleikann á því að flytja inn mikið magn af flugvélabensíni frá Bandaríkjunum til að koma í veg fyrir frekari skort í vor og svo hægt sé að halda fluginu gangandi með eðlilegum hætti en það mun þýða að bensínið verður töluvert dýrara fyrir flugmenn og fyrirtæki í flugrekstri á svæðinu.







  fréttir af handahófi

Kansai-flugvöllur á floti eftir fellibyl

4. september 2018

|

Loka þurfti Kansai-flugvellinum í japönsku borginni Osaka eftir að sjór flæddi yfir flugvöllinn í kjölfar fellibylsins Jebi sem gekk yfir Japans í dag.

Hættir sem sölustjóri Airbus

16. september 2018

|

Airbus hefur ákveðið að gera Christian Scherer, framkvæmdarstjóra ATR, að sölustjóra Airbus eftir að Eric Schulz sagði upp starfi sínu fyrir helgi.

Etihad Airways ekki lengur eitt af þeim stóru eftir niðurskurð

18. október 2018

|

Etihad Airways hefur ákveðið að hætta við pantanir í nýjar þotur frá Airbus vegna niðurskurðar eftir 179 milljarða króna taprekstur á síðasta ári.

  Nýjustu flugfréttirnar

Ekki sagt frá nýju sjálfvirku kerfi sem á að koma í veg fyrir ofris

15. nóvember 2018

|

Atvinnuflugmannasamtökin (ALPA), sem er stærsta bandalag flugmanna í heiminum, krefjast þess að bandarísk stjórnvöld taki á vandamáli er varðar nýja tegund af flugstýringu á Boeing 737 MAX þotunum s

Þrír lamaðir flugmenn ætla að fljúga í kringum hnöttinn

14. nóvember 2018

|

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður fe

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.

Boeing 787 fór inn á braut á meðan A350 var í flugtaki

14. nóvember 2018

|

Farþegaþota af gerðinni Airbus A350-900 frá Delta Air Lines þurfti að hætta við flugtak á Pudong-flugvellinum í Shanghai í gær eftir að önnur þota fór inn á brautina.

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s

Air New Zealand og ATR í tæknisamstarf um nýjan aflgjafa

10. nóvember 2018

|

Flugvélaframleiðandinn ATR og Air New Zealand hafa gert með sér samning um samstarf um þróun á að nota blandaðan orkugjafa fyrir skrúfuflugvélar í farþegaflugi.

Flugstjóri hjá Air India féll í annað skipti á áfengisprófi

9. nóvember 2018

|

Air India hefur rekið yfirflugstjóra félagsins, sem er einnig yfirmaður yfir rekstrardeildinni, þar sem hann féll á áfengisprófi í annað sinn á einu ári rétt áður en hann átti að fljúga farþegaþotu f