flugfréttir

Svona mun Boeing 797 líta út

12. mars 2018

|

Frétt skrifuð kl. 20:38

Myndirnar eru „renderingar“ frá hönnuðum Boeing

Birtar hafa verið fyrstu myndirnar af Boeing 797 sem flugvélaframleiðandinn bandaríski stefnir á hefja framleiðslu á en um tölvugerðar þrívíddarmyndir er að ræða sem sýna fyrstu drög að lokaútliti frá flugvélahönnuðum.

Boeing 797 yrði fyrsta nýja farþegaþotan frá Boeing í 14 ár eða frá því framleiðandinn tilkynnti um Dreamliner-þotuna árið 2004 sem kom svo á markaðinn árið 2011.

Mjög líklegt er að hönnunin muni taka einhverju breytingum þar sem frekari endurbætur á útliti fara yfirleitt alltaf fram alveg fram að því að framleiðsla hefst.

Boeing 797 verður framtíðarþota og kemur fram að hún muni fljúga um háloftin næstu sex áratugina og brúa bilið frá Boeing 737 MAX 10 upp í minnstu Dreamliner-þotuna, Boeing 787-8.

Samt gæti verið allt að áratugur í að Boeing 797 komi á markaðinn en stefnan hefur verið sett á að afhendingar hefjist árið 2025 en það gæti þó dregist um nokkur ár.

Boeing hefur ekki formlega lýst því yfir að vélin muni heita „Boeing 797“ og hefur framleiðandinn notast við vinnsluheitið NMA sem stendur fyrir „New Middle-Market Airplane“ eða „New Midsize Aircraft“.

Tvær undirtegundir - NMA-6X og NMA-7X

Minni gerðin, NMA-6X, kemur fyrst á markaðinn árið 2025 en sú þota mun taka 225 farþega og hafa flugdrægi upp á 5.000 nm en stærri gerðin, NMA-7X, mun taka 265 farþega og hafa flugþol upp á 4.500 nm og koma á markaðinn árið 2027.

Af myndinum að dæma þá minnir Boeing 797 óneitanlega á Boeing 757 og kemur hún með svipuðum stélhluta og Boeing 737 MAX, stórum gluggum líkt og Dreamliner og framhluta og glugga í stjórnklefa í líkingu við Boeing 757 og Boeing 767.

blablablabla - myndatexti

Boeing hefur verið í viðræðum við 50 viðskiptavini og safnað saman ábendingum og reynt að mæta öllum á miðri leið til að smíða „skothelda“ farþegaþotu sem hentar sem flestum.

„Það hefur engin ákvörðun verið tekin ennþá en stjórn Boeing mun gera upp hug sinn varðandi þotuna þegar allt er tilbúið og þeir hafa um eitt ár til að segja af eða á varðandi smíði þotunnar“, segir Bernard Choi, talsmaður Boeing.







  fréttir af handahófi

Kaupa tuttugu notaðar Boeing 767 þotur frá American Airlines

20. desember 2018

|

Fyrirtækið Air Transport Services Group (ATSG) hefur gert samning um kaup á 20 notuðum breiðþotum af gerðinni Boeing 767-300ER frá American Airlines.

Þrjár þotur of nálægt hvor annarri yfir Indlandi

31. desember 2018

|

Flugmálayfirvöld á Indlandi rannsaka nú atvik er þrjár þotur voru samankomnar hættulega nálægt hvor annarri með of lítinn aðskilnað í lofthelginni yfir Nýju-Delí á Þorláksmessu.

Flugmálayfirvöld hyggjast höfða mál gegn Ryanair

6. desember 2018

|

Ryanair á yfir höfðu sér málaferli frá breskum flugmálayfirvöldum þar sem að flugfélagið hefur neitað að greiða skaðabætur til fjölda farþega eftir að flugferðir voru felldar niður vegna verkfallsað

  Nýjustu flugfréttirnar

Breska flugfélagið flybmi gjaldþrota

16. febrúar 2019

|

Breska flugfélagið flybmi hefur hætt öllu flugi og óskaði í dag eftir því að verða tekið til gjaldþrotaskipta.

Þrýstingsmunur sprengdi upp hurð á einkaþotu á flugvelli

16. febrúar 2019

|

Flugmálayfirvöld í Evrópu (EASA) hafa sent frá sér tilmæli og viðvörun vegna hættu á að dyr á flugvélum með þrýstingsjöfnun í farþegarými geti sprungið úr falsinu vegna þrýstingsmunar við vissar aðst

Þota frá Lion Air fór út af braut í lendingu

16. febrúar 2019

|

Farþegaþota af gerðinni Boeing 737-800 frá indónesíska flugfélaginu Lion Air fór út af flugbraut í lendingu á Supadio-flugvellinum í borginni Pontianak á eyjunni Borneó í morgun.

IATA hvetur Bandaríkin til þess að huga betur að flugmálum

14. febrúar 2019

|

Alþjóðasamtök flugfélaganna (IATA) hafa hvatt bandarísk stjórnvöld, og alla þá sem koma að máli, að sjá til þess að lokun stofana í Bandaríkjunum muni ekki hafa áhrif á flugsamgöngur eins og gerðist

Norwegian yfirgefur Karíbahafið

13. febrúar 2019

|

Norwegian hefur ákveðið að hætta að fljúga til Karíbahafsins en félagið byrjaði að fljúga til Karíbahafsins árið 2015.

Lufthansa tekur á leigu A220 þotur frá airBaltic

12. febrúar 2019

|

Lufthansa hefur tekið á leigu tvær Airbus A220 (Bombardier CSeries) þotur frá flugfélaginu airBaltic.

Kona hljóp nakin inn á flugbraut í Suður-Karólínu

12. febrúar 2019

|

Loka þurfti fyrir flugumferð á flugvellinum í bænum Florence í Suður-Karólínu í Bandaríkjunum sl. sunnudag eftir að tilkynnt var um konu sem hljóp nakin um flugvallarsvæðið.

Stigabíll féll saman í Síberíu

12. febrúar 2019

|

Að minnsta kosti fimm slösuðust er stigabíll féll saman þegar farþegar voru að ganga um borð í Airbus-þotu hjá flugfélaginu Ural Airlines á flugvelli í Síberíu í dag.

Delta flýgur fyrsta flugið með Airbus A220

11. febrúar 2019

|

Delta Air Lines flaug á dögunum sitt fyrsta farþegaflug með nýju Airbus A220 þotunni sem einnig er þekkt sem CSeries frá Bombardier.

Einkaþota rann út af braut í lendingu í Indíana

11. febrúar 2019

|

Engan sakaði er einkaþota af gerðinni Hawker Beechcraft 400A rann út af flugbraut í lendingu í morgun á Richmond Municipal flugvellinum í Indíana í Bandaríkjunum.

 síðustu atvik

  2019-01-01 20:20:00