flugfréttir

Flugslysið í Nepal: Ruglingur milli flugturns og flugmanna

- Misskilningur um hvort vélin átti að lenda á braut 02 og braut 20

13. mars 2018

|

Frétt skrifuð kl. 07:00

Björgunarlið og nepalski herinn við flak vélarinnar í gær

Talið er að ruglingur milli flugmanna og flugumferðarstjóra sé ein orsök flugslyssins sem átti sér stað í gær er farþegaflugvél af gerðinni Bombarider Dash 8 Q400 brotlenti skömmu fyrir lendingu á flugvellinum í Kathmandu í Nepal.

Í hljóðupptöku af samtali flugumferðarstjóra og flugmanna má heyra ruglingsleg samskipti og misskilning varðandi lendingarheimild og þá braut sem var í notkun.

Flugvöllurinn í Kathmandu hefur eina flugbraut sem hefur stefnuna 02/20 en upphaflega fékk flugvélin heimild til að lenda á braut 02 með veðurupplýsingar um vindátt 220° með vindstyrk upp á 7 hnúta en slíkt bauð upp á lendingu í meðvindi með hliðarvindsstuðul upp á sex hnúta.

Flugumferðarstjóri tilkynnir flugmönnunum að þeir hafi heimild til að lenda á braut 02 en spyr hversvegna þeir séu að stefna í átt að hinum brautarendanum, braut 20.

Flugvélin var smíðuð árið 2001

Á endanum ákveður flugumferðarstjóri að gefa þeim heimild á braut 20 fyrst þeir eru komnir í það aðflug en skömmu síðar kemur annar flugumferðarstjóri og gefur heimild fyrir sjónaðflugi, hægri undan vindi fyrir braut 02.

Aftur er ruglast á flugbrautum og þeim gert að koma inn á braut 20 og þeir beðnir að staðfesta umferð sem er á lokastefnu að braut 02 en við það kemur upp misskilningur þar sem flugmennirnir segja „Copied: runway 02“.

Flugumferðarstjórinn biður þá um að staðfesta að þeir séu að fara að lenda á braut 20 en skömmu síðar kemur hinn flugumferðarstjórinn og biður þá um að lenda ekki á braut 20.

Flugturninn á flugvellinum í Kathmandu

Nokkru síðar eru þeir beðnir um að lenda sem fyrst og annað hvort á braut 02 eða braut 20 og staðfesta flugmennirnir lendingarheimildina og velja braut 20. Því næst biður flugumferðarstjóri þá um að staðfesta að þeir komi auga á brautina en flugmennirnir svara því neitandi.

Flugumferðarstjórinn biður þá um að beygja til hægri og staðfesta hvort þeir sjái flugbrautina en flugmaðurinn svarar með því að biðja um lendingarheimild sem flugumferðarstjórinn gefur honum.

Flugmaðurinn les hana til baka en nefnir þá braut 02 og ákveður flugumferðarstjórinn að gefa honum heimild fyrir lendingu á braut 02.

Seinustu orðin frá flugmönnunum voru: „Sir, are we cleared to land?“ - Flugumferðarstjórinn
svaraði: „I say again, turn…“ og því næst heyrast öskur í flugturninum.

Vélin brotlenti á litlum fótboltavelli í 253 metra fjarlægð austan við flugbrautina klukkan 08:35 að staðartíma og varð vélin alelda.

Björgunarmönnum tókst að bjarga 39 manns úr flakinu aðeins 22 lifðu slysið af

Öll flugumferð um völlinn var stöðvuð og má heyra í upptöku hvar flugumferðarstjórinn biður aðrar flugvélar að fara í biðflug.

49 létust í slysinu

Um borð í vélinni voru 67 farþegar og fjögurra manna áhöfn en 49 manns létu lífið á meðan 22 lifðu slysið af og eru særðir en alls voru 31 bjargað á lífi en átt voru látnir þegar upp á sjúkrahús var komið.

Einn sjónarvottur að flugslysinu sagðist hafa séð flugvélina í beygju til vinstri yfir flugvellinum þar sem hún fór rétt yfir tvær flugvélar sem voru á jörðu niðri og sneiddi framhjá flugturninum áður en hún steyptist til jarðar með miklum reyk í kjölfarið.

Flugvöllurinn í Kathmandu staðfestir þau orð og segir að vélin hafi skollið til jarðar nálægt kyrrstæðri flugvél og farið út af svæðinu og farið því næst niður á smá hæð og staðnæmst á fótboltavellinum.

METAR á flugvellinum er slysið átti sér stað
VNKT 120820Z 28008KT 240V320 6000 TS FEW015 FEW025CB SCT030 22/11 Q1015 NOSIG CB TO SE S AND SW=

Vélin var áður í flugflota SAS

Flugvélin sem fórst bar skráninguna S2-AGU. Vélin var smíðuð árið 2001 og var því 17 ára gömul en hún hafði áður verið í flugflota Scandinavian Airlines (SAS) en eftir það var hún í rekstri hjá Royal Jordanian og Augsburg Airways í Þýskalandi áður en hún fór til US-Bangla Airlines árið 2014.

S2-AGU á flugvellinum í Dhaka í júlí árið 2014

Vélin lenti í atviki fyrir þremur árum síðan er hún fór með hægra hjólastelið út af flugbraut er vélin var að snúa við á brautinni eftir lendingu á Saidpur-flugvellinum í Bangladesh.

US-Bangla Airlines hafði fjórar Bombarider Dash 8 Q400 vélar í flotanum en félagið hefur einnig fjórar Boeing 737-800 þotur.

Flugfélagið, sem var stofnað árið 2014, er í einkaeigu og hefur höfuðstöðvar í Dakha, höfuðborg Bangladesh.







  fréttir af handahófi

Gluggar í farþegarými á Superjet 100 gætu verið lausir

26. júlí 2018

|

Flugmálayfirvöld í Rússlandi hafa gefið frá sér tilmæli þar sem nokkur flugfélög og flugrekstraraðilar eru beðnir um að skoða festingar á gluggum í farþegarými á nokkrum Sukhoi Superjet 100 þotum þa

Röð bilana með fyrstu Boeing 737 MAX þotu Jet Airways

9. júlí 2018

|

Indverska flugfélagið Jet Airways hefur ekki náð að uppskera mikla velgengni með fyrstu af þeim tveimur Boeing 737 MAX 8 þotum sem félagið hefur fengið afhenta.

Hálfur milljarður í endurnýjun flugbrautar á Gander-flugvelli

13. júlí 2018

|

Stjórnvöld í Kanada ætla að verja tæpum hálfum milljarði króna í endurnýjun á yfirlagi á annarri flugbrautinni á Gander-flugvelli sem er lengsta flugbrautin í Nýfundnalandi og ein sú lengsta í Kanada.

  Nýjustu flugfréttirnar

Rekstrarstjóri Air Canada tekur við stjórn Air France-KLM

18. ágúst 2018

|

Benjamin Smith, fyrrverandi rekstrarstjóri Air Canada, hefur verið gerður að framkvæmdarstjóra
Air France-KLM.

Air Force Two á leið í andlitslyftingu

17. ágúst 2018

|

Boeing hefur fengið 16 milljónir bandaríkjadali, eða 1.7 milljarð króna, frá ríkistjórn Bandaríkjanna til þess að gera endurbætur á forsetaflugvélinni, „Air Force Two“, en Donald Trump, Bandaríkjafo

Stofnandi easyJet í mál við tvö flugfélög með svipuð nöfn

17. ágúst 2018

|

Stofnandi easyJet, Sir Stelios Haji-loannou, sakar nú flugfélag eitt í Hondúras um stuld á höfundarétti með því að nota nafn sem svipar of mikið til lágfargjaldafélagsins breska.

Ölvaður flugstjóri hjá Finnair stöðvaður fyrir brottför

17. ágúst 2018

|

Áfengi mældist í blóði hjá finnskum flugmanni sem mætti til starfa sl. miðvikudag á flugvellinum í Helsinki.

Flugmenn KLM hóta verkfalli

17. ágúst 2018

|

Flugmenn hjá hollenska flugfélaginu KLM Royal Dutch Airlines hóta því nú að leggja niður störf sín og hefja verkfallsaðgerðir líkt og hollenskir starfsbræður þeirra hjá Ryanair.

Komnar til Íslands eftir langt ferjuflug frá Flórída

16. ágúst 2018

|

Það ríkti mikil gleði í hádeginu í dag er Flugskóli Íslands fékk í hendurnar tvær splunkunýjar kennsluvélar sem lentu á Reykjavíkurflugvelli eftir langt ferðalag frá verksmiðjum Piper í Bandaríkjunum

Flugumferðarstjóra sagt upp störfum vegna atviks

16. ágúst 2018

|

Flugumferðarþjónustan í Serbíu og Svartfjallalandi (SMATSA) hefur vikið flugumferðarstjóra úr starfi sem starfaði í flugturninum á flugvellinum í Belgrade vegna atviks þar sem tvær flugvélar flugu of

Laumufarþegi féll til jarðar í flugtaki í Venezúela

16. ágúst 2018

|

Laumufarþegi lét lífið í gær í Venezúela er hann féll til jarðar úr hjólarými á farþegaþotu sem var í flugtaki á Simón Bolívar flugvellinum í höfuðborginni Caracas.

Í mál við Ryanair vegna raskana á flugi í kjölfar verkfalla

15. ágúst 2018

|

Ryanair hefur fengið á sig lögsóknir vegna fjölda flugferða sem félagið hefur þurft að fella niður vegna verkfallsaðgerða flugmanna.

FBI ræðir við flugvallarstarfsfólk

15. ágúst 2018

|

Bandaríska alríkislögreglan (FBI) ræður nú við starfsfólk á Seattle-Tacoma flugvellinum auk starfsfólks hjá Alaskan Airlines og Horizon Air í tengslum við atvikið sem átti sér stað þann 10. ágúst er