flugfréttir
Flugvél lenti ofan á annarri flugvél í Flórída
Flugvélarnar tvær skömmu eftir óhappið á Palatka-Kay Larkin flugvellinum sl. föstudag
Undarlegt atvik átti sér stað í Flórída sl. föstudag er eins hreyfils flugvél af gerðinni Cirrus SR20 kom inn til lendingar og endaði ofan á annarri Cirrus-flugvél af gerðinni SR22 sem var nýlent á flugvellinum.
Atvikið átti sér stað á Palatka-Kay Larkin flugvellinum, skammt suður af Jacksonville, en Cirrus SR20
vélin hafði lenti á flugvellinum á braut 27 þegar hin fylgdi henni fast á eftir en báðar höfðu þær
verið í aðflugi að sömu brautinni.
Palatka-Kay Larkin flugvöllurinn er óstjórnaður flugvöllur og er því enginn flugumferðarstjóri
sem stjórnar flugumferðinni um völlinn og verða flugmenn því að tala sig saman á tíðinni til að forðast
árekstrarhættu.
„Við tölum saman í radíóinu en það er ekki einu sinni krafa fyrir óstjórnaða flugvelli. Það getur hver
sem er lent hérna og viðkomandi flugvél þarf ekki einu sinni að hafa rafkerfi um borð. Þannig að þú
þarft þá bara að gæta að annarri umferð“, segir Cary Green, flugmaður sem flýgur reglulega
um Palatka-Kay Larkin flugvöllinn.
Flugmaður Cirrus SR22 vélarinnar var 29 ára og var hann einn um borð en í Cirrus SR20 vélinni
var flugmaður um fertugt sem var með einn farþega með sér. Allir sluppu með minniháttar skrámur
frá slysinu.
„SR20 lenti fyrst og svo kom SR22 flugvélin og endaði ofan á hinni“, segir í yfirlýsingu
frá bandarískum flugmálayfirvöldum (FAA) sem rannsaka atvikið.
Flugvöllurinn er mikið notaður fyrir kennsluflug en önnur flugvélin er skráð hjá Aerosim Academy
sem er flugskóli í Sanford í Flórída.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.