flugfréttir
Cessna 150 í flugtaki rakst á einkaþotu sem var nýlent
- Tveir létust í flugslysi í Marion í Indiana
Cessna 525 CitationJet var nýlent á flugvellinum þegar Cessna 150 var í flugtaki og rakst á einkaþotuna
Tveir létust í flugslysi sl. mánudag á flugvellinum í Marion í Indiana í Bandaríkjunum er tvær flugvélar rákust saman á flugbraut vallarins.
Einkaþota af gerðinni Cessna 525 CitationJet var nýlent á Marion Municipal flugvellinum og var að fara yfirgefa
flugbrautina þegar eins hreyfils flugvél af gerðinni Cessna 150 rakst á einkaþotuna í flugtaki.
Cessna 150 flugvélin varð alelda eftir að hún flaug á stélið á einkaþotunni sem brotnaði af við áreksturinn.
Tveir karlmenn, sem báðir voru slökkviliðsmenn um þrítugt, voru í Cessna 150 flugvélinni en þeir létust báðir. Í
einkaþotunni voru fimm manns en þá sakaði ekki.
Marion Municipal flugvöllurinn er óstjórnaður flugvöllur
Samkvæmt bandarískum flugmálayfirvöldum (FAA) þá er flugvöllurinn í Marion óstjórnaður flugvöllur. - „Flugmenn
sem nota flugvöllinn tala sín á milli og gera grein fyrir fyrirætlunum sínum á fjarskiptatíðni bæði
á jörðu niðri sem og í umferðarhring“, segir í yfirlýsingu frá FAA.
Rannsóknarnefnd samgönguslysa í Bandaríkjunum (NTSB) hefur hafið rannsókn á slysinu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.