flugfréttir

Rannsaka flugslys þar sem vængur losnaði af flugvél

- Var í síðasta fluginu sínu fyrir verklegt atvinnuflugmannspróf

9. apríl 2018

|

Frétt skrifuð kl. 18:00

Slysið átti sér stað þann 4. apríl síðastliðinn nálægt Daytona Beach í Flórída

Samgönguöryggisnefnd Bandaríkjanna (NTSB) vinnur nú að því að rannsaka hvað olli því að vængur losnaði af kennsluflugvél skömmu eftir flugtak í Daytona Beach í Flórída í Bandaríkjunum í síðustu viku með þeim afleiðingum að tveir um borð létu lífið.

Flugvélin, sem var af Piper-gerð, var nýfarin í loftið frá Daytona Beach-flugvellinum þann 4. apríl sl. með flugnema og flugkennara innanborðs sem var einnig prófdómari hjá FAA en verið var að undirbúa nemandann fyrir hæfnisprófið þegar slysið átti sér stað.

Sjónarvottar á jörðu niðri urðu vitni af því er annar vængurinn losnaði af en vélin féll til jarðar í spuna og kom niður á túni skammt frá flugvellinum.

Zach átti að útskrifast frá Embry-Riddle þann 7. maí

Flugneminn var nemandi í hinum virta Embry-Riddle flugskóla í Flórída og var flugvélin ein af kennsluvélum skólans sem hefur tæp 90 kennsluflugvélar í flota sínum af gerðinni Cessna 172, Piper PA-28 og Diamond DA42.

Aaron McCarter, flugslysasérfræðingur frá NTSB, segir að aðaláherslan sé núna að einblína á orsök þess að vængurinn losnaði af vélinni en búið er að ræða við nokkra sjónarvotta sem sögðust hafa séð hann losna af þegar vélin var í flugtaki.

McCarter segir að um mjög sjaldgæft atvik sé að ræða og sé ekki vitað um mörg atvik í heiminum þar sem vængur losni skyndilega af flugvél.

NTSB hefur farið yfir gagnagrunn sinn varðandi skráð flugslys og flugatvik og hefur aldrei áður gerst að vængur hafi losnað af Piper-flugvél en vélin, sem bar skráninguna N106ER, var af gerðinni Piper PA-28R og var vélin smíðuð árið 2007.

Flak vélarinnar verður flutt til Jacksonville þar sem það verður rannsakað

Þrátt fyrir það þá gáfu bandarísk flugmálayfirvöld (FAA) út tilkynningu árið 2015 þar sem fram kom að viss árgerð af Piper PA-28 flugvélinni væri gjörn á að verða fyrir tæringu við vængrótina nálægt samskeytunum þar sem vængurinn festist á búkinn.

Þá komu einnig út tvær tilkynningar út árið 2011 varðandi mögulega tæringu í væng og nálægt hallastýri vélanna og voru meiri líkur á tæringin gæti orðið vandamál á stöðum þar sem mikill raki er, hlýtt veður og salt vatn.

Piper PA-28 er ein algengasta einshreyfils flugvél í heimi en vélin hefur verið smíðuð í yfir 32.000 eintökum frá því fyrsta tegundin kom á markað árið 1960 en N106ER var af gerðinni Arrow.

Flugvélin var skráninguna N106ER

Jacqueline Carlon, talsmaður Piper-flugvélaframleiðandans, segir að unnið sé að rannsókn slyssins í samstarfi við NTSB en Piper Arrow vélar Embly-Riddle hafa verið kyrrsettar og munu þær ekki fljúga í tæpa viku á meðan verið er að skoða vélarnar en Piper PA-28R hafa verið í flota Embry-Riddle frá árinu 2002 og alltaf reynst góðar og traustar flugvélar.

Flugneminn sem lést í slysinu hét Zach Capra, 25 ára nemi sem hefði útskrifast sem atvinnuflugmaður þann 7. maí í vor og var hann því á lokasprettinum að geta sótt um sem flugmaður hjá flugfélagi að prófi loknu.

Zach Capra (til vinstri) og flugkennarinn og prófdómarinn, John S. Azma (til hægri)

„Þetta var síðasta flugið hans í náminu fyrir atvinnuflugmannsskírteinið“, segir John Capra, faðir Zach. - „Þetta var draumurinn hans og ástríða. Hann ætlaði að fljúga um allan heiminn og var ævintýrið bara rétt að byrja“.

Flugkennarinn sem var um borð hét John S. Azma, reyndur prófdómari, sem stofnaði Azma FLT Inc. í Orlando sem er flugþjálfunarstöð sem sérhæfir sig í flugþjálfun og tegundaráritanir á einkaþotur af gerðinni Cessna Citation, Dassault Falcon og fleiri gerðir.

Azma var í miklum metum í Embry-Riddle flugakademíunni með 20 ára reynslu af atvinnuflugi og þá hafði hann réttindi á yfir 12 mismunandi tegundir af flugvélum.

Minningarathöfn fór fram í dag í Embry-Riddle í Daytona Beach þar sem fjölskyldur og aðstandendur Zach og Azma komu saman.







  fréttir af handahófi

Flugvélar frá Diamond sækja í sig veðrið víða um heim

11. júní 2018

|

Flugvélaframleiðandinn Diamond Aircraft er í þann mund að taka stórt skref inn á heimsmarkaðinn er kemur að markaðsetningu á Diamond flugvélunum en kínverska fyrirtækið Wanfeng Aviation keypti 60 pró

Rússar vilja endurvekja smíði á Antonov An-124

8. júní 2018

|

Rússar vilja hefja framleiðslu á ný á risafraktþotunni Antonov An-124 sem framleidd var á tímum Sovíetríkjanna og segja að slíkt sé möguleiki fyrir þá án aðkomu Úkraínumanna.

Þota Malaysian fór í loftið með hlífar á stemmurörum

23. júlí 2018

|

Farþegaþota frá Malaysia Airlines þurfti í síðustu viku að snúa við skömmu eftir flugtak í Ástralíu eftir að í ljós kom að mælar sýndu óáreiðanlegar upplýsingar um flughraða þar sem gleymst hafði að

  Nýjustu flugfréttirnar

Komnar til Íslands eftir langt ferjuflug frá Flórída

16. ágúst 2018

|

Það ríkti mikil gleði í hádeginu í dag er Flugskóli Íslands fékk í hendurnar tvær splunkunýjar kennsluvélar sem lentu á Reykjavíkurflugvelli eftir langt ferðalag frá verksmiðjum Piper í Bandaríkjunum

Flugumferðarstjóra sagt upp störfum vegna atviks

16. ágúst 2018

|

Flugumferðarþjónustan í Serbíu og Svartfjallalandi (SMATSA) hefur vikið flugumferðarstjóra úr starfi sem starfaði í flugturninum á flugvellinum í Belgrade vegna atviks þar sem tvær flugvélar flugu of

Laumufarþegi féll til jarðar í flugtaki í Venezúela

16. ágúst 2018

|

Laumufarþegi lét lífið í gær í Venezúela er hann féll til jarðar úr hjólarými á farþegaþotu sem var í flugtaki á Simón Bolívar flugvellinum í höfuðborginni Caracas.

Í mál við Ryanair vegna raskana á flugi í kjölfar verkfalla

15. ágúst 2018

|

Ryanair hefur fengið á sig lögsóknir vegna fjölda flugferða sem félagið hefur þurft að fella niður vegna verkfallsaðgerða flugmanna.

FBI ræðir við flugvallarstarfsfólk

15. ágúst 2018

|

Bandaríska alríkislögreglan (FBI) ræður nú við starfsfólk á Seattle-Tacoma flugvellinum auk starfsfólks hjá Alaskan Airlines og Horizon Air í tengslum við atvikið sem átti sér stað þann 10. ágúst er

Primera Air semur við danskan flugskóla um flugnámsleið

15. ágúst 2018

|

Primera Air hefur gert samning við danska flugskólann Center Air Pilot Academy (CAPA) í Roskilde um svokallað cadet-flugnám sem miðar af því að útskrifaðir atvinnuflugmannsnemar fái starf hjá flugfél

Air Tanzania stefnir á að hefja flug til Evrópu á ný

15. ágúst 2018

|

Air Tanzania ætlar sér að hefja áætlunarflug til Evrópu en félagið er ríkisflugfélag Tanzaníu og var það stofnað árið 1977.

Flugöryggi enn ábótavant í Rússlandi þrátt fyrir tilmæli

15. ágúst 2018

|

Flugmálayfirvöld í Rússlandi segja að tillögur að endurbótum í flugöryggi í landinu hafi ekki enn skilað árangri þrátt fyrir tilmæli sem gefin voru út á sínum tíma varðandi slíkt.

Keflavíkurflugvöllur í 9. sæti yfir áfangastaði frá Köben í júlí

14. ágúst 2018

|

Farþegamet var slegið í júlí á flugvellinum í Kaupmannahöfn þegar yfir 3.1 milljón farþega fór um völlinn en á lista yfir vinsælustu borgirnar sem flestir ferðuðust til þá var Reykjavík á topp 10 lis

MH370: Vill að kenning um laumufarþega verði rannsökuð

14. ágúst 2018

|

Philp Baum, sérfræðingur í flugöryggi og ritstjóri Aviation Security International, hvetur yfirvöld til þess að rannsaka þann möguleika að laumufarþegi gæti hafa verið um borð í malasísku farþegaþotu