flugfréttir

Airbus hættir við áform um nýja kynslóð af neo-þotu

- Átti að vera svar Airbus við Boeing 797

11. apríl 2018

|

Frétt skrifuð kl. 13:55

Airbus hafði í huga að A321neo-plus-plus yrði svar þeirra við Boeing 797 og stóð til að sú þota myndi koma með nýrri vænghönnun

Airbus hefur hætt við áform sín í bili um þróun á endurbættari útgáfu af Airbus A320neo og A321neo sem hrinda átti í framkvæmd til að keppa við mögulega framtíðarþotu sem Boeing hefur kynnt til leiks.

Boeing hefur að kynnt áform sín um að smíða þotu sem kölluð hefur verið „New Midsize Aircraft“ en mögulegir kaupendur segja að vélin muni koma til með að verða Boeing 797.

Airbus hefur verið á varðbergi gagnvart þessu framspili Boeing og stóð til að bregðast við samkeppninni með Airbus A320neo-plus og A321neo-plus-plus sem Airbus kynnti í fyrra.

Airbus hafði í huga að A321neo-plus-plus yrði svar þeirra við Boeing 797 og stóð til að sú þota myndi koma með nýrri vænghönnun sem myndi gera vélina að stærstu farþegaþotu heims í flokki minni farþegaflugvéla sem koma með einum gang.

Airbus A321neo-plus-plus hefur einnig verið þekkt undir vinnsluheitinu Airbus A322 sem kynnt var lauslega í fyrra.

Hafa nóg á sinni könnu með framleiðslu á A32neo

Ástæða þess að Airbus hefur ákveðið að yfirgefa hugmyndina um A321neo-plus-plus er sú að framleiðandinn á fullt í fangi með framleiðslu á núverandi útgáfu af Airbus A320neo þotunum á sama tíma og erfiðleikar hafa komið upp með PW1100G hreyfilinn frá Pratt & Whitney.

Airbus hefur undanfarin misseri verið reiðubúið að keppa við nýja farþegaþotu frá Boeing

Á sama tíma er Airbus einnig að stefna að því að auka framleiðsluhraðann á þotunum til að ná að afhenda fleiri þotur þar sem pantanir hrannast upp af þessari nýju kynslóð af einni vinsælustu farþegaþotu heims.

Airbus getur ekki slakað á framleiðslunni í samkeppninni við Boeing sem stefnir einnig á að auka framleiðsluhraðann á Boeing 737 MAX.

Fram kemur að Airbus A320neo-plus hefði orðið enn sparneytnari með endurgerðri hönnun með tilliti til loftflæðiseiginleika og þá hefði flugstjórnarklefinn fengið andlitslyftingu.

Þróunarvinna vegna Airbus A321neo-plus-plus var komin langt á leið

Þróunarvinna vegna Airbus A320neo-plus var komin töluvert langt á leið og hafði hópur verkfræðinga þegar unnið að hönnunarbreytingum sem voru komnar á það stig að hægt var að fara kynna nýju endurgerðina fyrir flugfélögum.

Kynningarefni frá Airbus vegna Airbus A321neo plus

Ákvörðun Airbus um að hætta við áform um A320neo-plus hefur vakið upp spurningar um hvaða leik Airbus ætlar að tefla ef Boeing tekur annað skrefið nær því að hrynda Boeing 797 í framkvæmd og sérstaklega í ljósi þess að Airbus hefur tapað öllum þeim pöntunum sem framleiðandinn hafði fengið í Airbus A330-800 sem er minni tegundin af Airbus A330neo.

Airbus hefur lýst því yfir að þeim liggi ekkert á að verða fyrstir með nýja meðalstóra farþegaþotu og hafa þeir gefið í skyn að þær ætli að leyfa Boeing að sýna sín spil á hendi fyrst.

„Airbus A321neo hefur yfirburða eiginleika með markaðshlutdeild upp á 80% þannig við erum ekki undir neinni pressu“, segir talsmaður Airbus.







  fréttir af handahófi

Mexíkanar kjósa um nýjan flugvöll fyrir Mexíkóborg

24. október 2018

|

Mexíkanar munu á næstunni kjósa um hvort að þeir vilja fá nýjan flugvöll í Mexíkóborg en framkvæmdirnar við nýja Mexico International flugvöllinn (NAIM) hafa orðið svo mikið hitamál eftir að kostnaðar

Stjórnvöld setja enn meira fé í rekstur South African

26. október 2018

|

Ríkisstjórn Suður-Afríku ætlar að koma South African Airways aftur til bjargar með því að setja enn meira fé inn í rekstur þess í þeim tilgangi að auka líkurnar á því að félagið skili hagnaði fyrir á

Norwegian svarar orðrómi um yfirvofandi gjaldþrot

27. desember 2018

|

Norwegian hefur svarað fyrir sig vegna orðróms um yfirvofandi gjaldþrot félagsins sem hefur farið víða í erlendum fjölmiðlum um jólin.

  Nýjustu flugfréttirnar

AirBaltic stefnir á að stofna dótturfélag í öðru Evrópulandi

18. janúar 2019

|

AirBaltic stefnir á að stofna dótturfélag í öðru Evrópulandi og kemur til greina að færa allt að þrjátíu Airbus A220 þotur í flota þess félags eftir stofnun.

Boeing 777-200LR send í niðurrif í fyrsta sinn

18. janúar 2019

|

Á næstu dögum hefst niðurrif á fyrsta Boeing 777-200LR þotunni sem verður rifin í varahluti en -200LR tegundin er ein langdrægasta farþegaþota heims.

Ellefta veggspjaldið fjallar um skort á vitund

17. janúar 2019

|

Samgöngustofa hefur gefið út ellefta og næstsíðasta kynningarspjaldið í Dirty Dozen seríunni sem fjallar um nokkur atriði sem ber að hafa í huga er kemur að flugöryggi.

Keilir eignast Flugskóla Íslands

17. janúar 2019

|

Flugakademía Keilis hefur fest kaup á Flugskóla Íslands en skólarnir eru þeir stærstu á landinu er kemur að flugkennslu og þjálfun nemenda í flugtengdum greinum.

Antonov An-124 fer aftur í framleiðslu

16. janúar 2019

|

Flugvélaframleiðandinn Antonov hefur ákveðið að hefja aftur framleiðslu á flutningavélinni Antonov An-124 og það án aðstoðar frá Rússum en risavöruflutningavélin var upphaflega smíðuð á tímum Sovíetrí

Flybe selur afgreiðslupláss á Gatwick til Vueling

16. janúar 2019

|

Breska flugfélagið Flybe hefur selt nokkur afgreiðslupláss sín á Gatwick-flugvellinum í London til spænska lágfargjaldafélagsins Vueling.

Fyrsta beina leiguflugið til Cabo Verde með VITA

16. janúar 2019

|

Icelandair flaug sl. mánudag fyrsta beina leiguflugið frá Íslandi til Grænhöfðaeyja en flugið var á vegum ferðaskrifstofunnar VITA þar sem flogið er með Icelandair.

Herþotur til móts við Boeing 777 fraktþotu

16. janúar 2019

|

Herþotur frá indónesíska flughernum voru ræstar út til þess að fljúga til móts við Boeing 777 fraktþotu frá Ethiopian Cargo sem var gert að lenda hið snarasta á þeim forsendum að hún hefði ekki heimi

Atlantic Airways og KLM í samstarf

15. janúar 2019

|

Færeyska flugfélagið Atlantic Airways og hollenska flugfélagið KLM Royal Dutch Airlines hafa gert samkomulag um sameiginlega sölu á farmiðum og munu farþegar því geta flogið í leiðarkerfi beggja fél

Lögregla fær flugáhugamenn við Heathrow til liðs við sig

14. janúar 2019

|

Lögreglan í Bretlandi hefur sent frá sér tilkynningu þar sem þeir flugáhugamenn, sem leggja leið sína út á Heathrow-flugvöll til þess að horfa á og taka myndir af flugvélum, eru beðnir um að hafa au

 síðustu atvik

  2019-01-01 20:20:00