flugfréttir

Icelandair flaug jómfrúarflugið með Boeing 737 MAX í kvöld

- Fyrsta farþegaflug Icelandair með nýrri þotu beint úr verksmiðju í 28 ár

13. apríl 2018

|

Frétt skrifuð kl. 22:09

TF-ICE, „Jökulsárlón“, er núna á leiðinni til Newark í Bandaríkjunum í jómfrúarfluginu / Ljósmynd: Emil Georgsson

Jómfrúarflug Icelandair með fyrstu Boeing 737 MAX þotunni hóf sig á loft í kvöld klukkan 18:37 frá Keflavíkurflugvelli.

Það er TF-ICE sem flýgur jómfrúarflugið sem er fyrsta áætlunarflug Icelandair með þessari flugvélategund en vélin hefur fengið nafnið „Jökulsárlón“.

Segja má að brotið sé blað í sögu Icelandair þar sem um er að ræða fyrsta flugið með nýrri þotutegund sem kemur beint úr verksmiðju í 28 ár en árið 1990 fékk félagið afhent fyrsta eintakið af Boeing 757-200 sem hefur verið burðarásinn í sögu félagsins í tæpa þrjá áratugi.

TF-ICE er á þessu augnarbliki (klukkan 22:18) í 36.000 fetum yfir Quebec á leið til Newark-Liberty flugvallarins í New Jersey.

Jómfrúarfluginu seinkaði um viku

Upphaflega var jómfrúarflugið áætlað sl. föstudag, þann 6. apríl, til Berlínar en fram hefur komið að seinkun varð á fyrsta fluginu vegna pappírsvinnu hjá flugmálayfirvöldum þar sem verið er að skrá nýja tegund af flugvél til landsins.

Töluverð eftirvænting hefur verið eftir fyrsta flugi Icelandair með Boeing 737 MAX og hafa sumir flugáhugamenn á samfélagsíðum á Facebook á borð við Fróðleiksmola um flug og á Flugnördum beðið með eftirvæntingu eftir fyrsta fluginu.

TF-ICE á Flightradar24.com klukkan 21:52 í kvöld

Nokkrum sinnum í þessari viku hefur fyrsta flugið með Boeing 737 MAX verið skráð á flugáætlun til mismunandi áfangastaða en því svo verið skipt út fyrir Boeing 757-200 þegar nær dregur brottför.

Í dag var lokið við að ganga frá þeim leyfum sem til þarf og var TF-ICE því klár í fyrsta flugið og er áætluð koma til Newark-Liberty flugvallarins klukkan 20:00 að austurstrandartíma eða á miðnætti í kvöld að íslenskum tíma.

TF-ICE mun leggja af stað til baka til Keflavíkur sem flug FI622 um hálftvö leytið í nótt og er áætluð koma til landsins klukkan 6:57 í fyrramálið.

Á morgun, 14. apríl, mun TF-ICE fara í sérstakt útsýnisflug frá Reykjavíkurflugvelli og eru áhugasamir hvattir til þess að horfa til himins ef þeir vilja berja Boeing 737 MAX augum yfir höfuðborginni.

Hinar tvær Boeing 737 MAX þoturnar á Keflavíkurflugvelli, TF-ICY og TF-ICU







  fréttir af handahófi

Bogi Nils Bogason ráðinn forstjóri Icelandair Group

4. desember 2018

|

Stjórn Icelandair Group hefur gengið frá ráðningu Boga Nils Bogasonar í starf forstjóra fyrirtækisins. Bogi Nils hefur verið starfandi forstjóri Icelandair Group frá því í lok ágúst síðastliðinn.

Qantas enn og aftur öruggasta flugfélag heims

4. janúar 2019

|

Qantas hefur verið útnefnt öruggasta flugfélag heims fyrir árið 2019 að mati fyrirtækisins Airlines Ratings sem hefur í mörg ár metið öryggi flugfélaga og gefið fyrirtækjum í flugiðnaðinum einkunn.

VietJet staðfestir pöntun í 50 Airbus A321neo þotur

3. nóvember 2018

|

Airbus hefur fengið pöntun í fimmtíu Airbus A321neo þotur frá víetnamska lágfargjaldafélaginu VietJet Air en um er að ræða staðfesta pöntun í tengslum við samkomulag sem undirritað var á Farnborough-

  Nýjustu flugfréttirnar

AirBaltic stefnir á að stofna dótturfélag í öðru Evrópulandi

18. janúar 2019

|

AirBaltic stefnir á að stofna dótturfélag í öðru Evrópulandi og kemur til greina að færa allt að þrjátíu Airbus A220 þotur í flota þess félags eftir stofnun.

Boeing 777-200LR send í niðurrif í fyrsta sinn

18. janúar 2019

|

Á næstu dögum hefst niðurrif á fyrsta Boeing 777-200LR þotunni sem verður rifin í varahluti en -200LR tegundin er ein langdrægasta farþegaþota heims.

Ellefta veggspjaldið fjallar um skort á vitund

17. janúar 2019

|

Samgöngustofa hefur gefið út ellefta og næstsíðasta kynningarspjaldið í Dirty Dozen seríunni sem fjallar um nokkur atriði sem ber að hafa í huga er kemur að flugöryggi.

Keilir eignast Flugskóla Íslands

17. janúar 2019

|

Flugakademía Keilis hefur fest kaup á Flugskóla Íslands en skólarnir eru þeir stærstu á landinu er kemur að flugkennslu og þjálfun nemenda í flugtengdum greinum.

Antonov An-124 fer aftur í framleiðslu

16. janúar 2019

|

Flugvélaframleiðandinn Antonov hefur ákveðið að hefja aftur framleiðslu á flutningavélinni Antonov An-124 og það án aðstoðar frá Rússum en risavöruflutningavélin var upphaflega smíðuð á tímum Sovíetrí

Flybe selur afgreiðslupláss á Gatwick til Vueling

16. janúar 2019

|

Breska flugfélagið Flybe hefur selt nokkur afgreiðslupláss sín á Gatwick-flugvellinum í London til spænska lágfargjaldafélagsins Vueling.

Fyrsta beina leiguflugið til Cabo Verde með VITA

16. janúar 2019

|

Icelandair flaug sl. mánudag fyrsta beina leiguflugið frá Íslandi til Grænhöfðaeyja en flugið var á vegum ferðaskrifstofunnar VITA þar sem flogið er með Icelandair.

Herþotur til móts við Boeing 777 fraktþotu

16. janúar 2019

|

Herþotur frá indónesíska flughernum voru ræstar út til þess að fljúga til móts við Boeing 777 fraktþotu frá Ethiopian Cargo sem var gert að lenda hið snarasta á þeim forsendum að hún hefði ekki heimi

Atlantic Airways og KLM í samstarf

15. janúar 2019

|

Færeyska flugfélagið Atlantic Airways og hollenska flugfélagið KLM Royal Dutch Airlines hafa gert samkomulag um sameiginlega sölu á farmiðum og munu farþegar því geta flogið í leiðarkerfi beggja fél

Lögregla fær flugáhugamenn við Heathrow til liðs við sig

14. janúar 2019

|

Lögreglan í Bretlandi hefur sent frá sér tilkynningu þar sem þeir flugáhugamenn, sem leggja leið sína út á Heathrow-flugvöll til þess að horfa á og taka myndir af flugvélum, eru beðnir um að hafa au

 síðustu atvik

  2019-01-01 20:20:00