flugfréttir

Icelandair tekur Boeing 737 MAX í notkun

14. apríl 2018

|

Frétt skrifuð kl. 12:46

TF-ICE í lágflugi yfir Reykjavíkurflugvöll í gær / Ljósmynd: Einar Logi Thorlacius Þorleifsson

Icelandair hefur formlega tekið í notkun fyrstu nýju Boeing 737 MAX flugvélina af sextán sem félagið hefur fest kaup á.

Flogið var stutt hringflug yfir Íslandi með gesti og fjölmiðlafólk víða að úr heiminum og síðan lent á Reykjavíkurflugvelli þar sem starfsfólki Icelandair var boðið að kynna sér vélina, sem fengið hefur heitið Jökulsárlón.

  Nýju MAX vélarnar verða notaðar í almennu áætlunarflugi Icelandair til áfangastaða bæði í Evrópu og Norður-Ameríku. Boeing MAX 8 og MAX 9 taka 160 til 178 farþega og bætast við Boeing 757 og Boeing 767 flota félagsins á næstu þremur árum.  

„Þetta eru ánægjuleg tímamót. Upphafið að endurnýjun flugflota Icelandair sem er stórt og spennandi verkefni. Þessi flugvélagerð hentar leiðakerfi okkar einstaklega vel, gefur okkur tækifæri til að byggja upp nýja markaði og styrkja þá sem fyrir eru“, segir Björgólfur Jóhannsson, forstjóri Icelandair.  

Áhöfnin sem flaug TF-ICE í útsýnisfluginu þann 14. apríl ásamt yfirmönnum Icelandair

Fyrstu farþegaflugin á MAX vélunum frá Boeing voru í maí á síðasta ári og er Icelandair meðal fyrstu flugfélaga til að taka þær í notkun. Um er að ræða nýja útgáfu af Boeing 737 sem eru mest selda farþegaflugvél allra tíma.

MAX útgáfan hefur bætt um betur og engin flugvél í sögu Boeing hefur selst jafn hratt en nú liggja fyrir pantanir í rúmlega 4.300 MAX þotur frá flugfélögum í 92 löndum.  

Mikil rekstrarhagkvæmni einkennir þessa flugvélagerð sem skýrir vinsældir hennar en eldsneytisnotkun hennar er umtalsvert minni en á eldri gerðum og viðhaldskostnaður sömuleiðis.

Boeing 737 MAX eru hljóðlátar og ný hönnun farþegarýmis eykur þægindi flugfarþega. Síðustu vikurnar hafa sérfræðingar í tækniþjónustu Icelandair útbúið vélina í anda félagsins; sett í hana sæti, afþreyingarkerfi og annað sem farþegar Icelandair eiga að venjast.







  fréttir af handahófi

Silk Way segist þurfa 20 júmbó-þotur til viðbótar

9. febrúar 2018

|

Fraktflugfélagið Silk Way Airlines hefur áhyggjur af framtíð júmbó-þotunnar og hefur hvatt Boeing til þess að halda smíði hennar áfram um ókomin ár.

Airbus A321LR mun fljúga frá París til New York á morgun

12. febrúar 2018

|

Airbus vinnur nú að því að undirbúa fyrstu Airbus A321LR tilraunarþotuna fyrir flug yfir Atlantshafið frá París til New York.

Framkvæmdir hafnar á nýjum flugvelli fyrir Mumbai

19. febrúar 2018

|

Framkvæmdir eru loksins að fara að hefjast á nýjum flugvelli í Mumbai, tveimur áratugum eftir að fyrst var lögð fram tillaga um nýjan flugvöll fyrir fjölmennustu borg Indlands.

  Nýjustu flugfréttirnar

Icelandair Group íhugar kaup á flugfélagi á Asóreyjum

20. apríl 2018

|

Svo gæti farið að Loftleiðir-Icelandic, dótturfélag Icelandair Group, muni eignast helmingshlut í flugfélaginu Azores Airlines á Asóreyjum.

JPMorgan-bankinn undirbýr tilboð í Norwegian fyrir IAG

20. apríl 2018

|

IAG, móðurfélag British Airways, hefur falið bandaríska bankanum JPMorgan til þess að undirbúa tilboð í norska flugfélagið Norwegian.

United kaupir 20 notaðar Airbus A319 þotur

20. apríl 2018

|

United Airlines hefur undirritað samning um kaup á tuttugu notuðum farþegaþotum af gerðinni Airbus A319.

Orsök flugslyss: Flugmenn slepptu tékklista fyrir flugtak

20. apríl 2018

|

Flugmálayfirvöld í Rússlandi telja að flugmenn Antonov An-148 farþegaþotunnar frá Saratov Airlines, sem fórst skömmu eftir flugtak frá Domodedovo-flugvellinum í Moskvu þann 11. febrúar á þessu ári, h

Tuttugu börn og fjölskyldur þeirra fá ferðastyrk Vildarbarna

19. apríl 2018

|

20 börn og fjölskyldum þeirra, samtals um eitt hundrað manns, var afhentur ferðastyrkur úr sjóðnum Vildarbörn Icelandair í dag. Alls hafa 625 fjölskyldur notið stuðnings frá sjóðnum frá stofnun hans f

Málmþreyta talin orsök sprengingar í hreyfli

18. apríl 2018

|

Talið er að málmþreyta í hreyflablaði hafi orsakað sprengingu í CFM56 hreyfli á Boeing 737-700 þotu Southwest Airlines í gær er þotan var í 32.500 fetum yfir Pennsylvaníu á leið frá New York til Dal

Widerøe íhugar að panta minni Embraer-þotu

18. apríl 2018

|

Norska flugfélagið Widerøe segir að verið sé að skoða möguleika á að panta minni útgáfur af E2-þotunni frá Embraer.

Avinor vill ekki malbika alla flugbrautina í Røros

17. apríl 2018

|

Flugrekstaraðilar í miðhluta Noregs hafa áhyggjur af sparnaðaraðgerðum norska flugumferðarþjónustufyrirtækisins Avinor sem ætlar sér ekki að endurnýja alla flugbrautina á flugvellinum í bænum Røros.

Takmarkanir á Trent 1000 mun gera flugfélögum erfitt fyrir

17. apríl 2018

|

Takmarkanir hafa verið settar á notkun Trent 1000 hreyfilsins frá Rolls-Royce og hafa flugmálayfirvöld farið fram á tíðari skoðanir á hreyflinum.

Hreyfill sprakk á þotu frá Southwest í 31.000 fetum

17. apríl 2018

|

Að minnsta kosti einn farþegi er slasaður eftir að sprenging kom upp í hreyfli á farþegaþotu frá Southwest Airlines af gerðinni Boeing 737-700 sem var í innanlandsflugi í dag í Bandaríkjunum.