flugfréttir

Gamlinginn flýgur sitt fyrsta flug á Tungubökkum

- Belgískur tvíþekjuhöfðingi fær nýtt heimili í Mosfellsbæ

9. maí 2018

|

Frétt skrifuð kl. 21:02

TF-OLD er 72 ára gömul tvíþekja sem kom til landsins í haust og flaug sitt fyrsta í dag undir íslenskri skráningu

Það var fámennur en góðmennur hópur sem var samankomin á flugvellinum á Tungubökkum í Mosfellsbæ í dag til að berja augum fyrsta flugið hjá „Gamlingjanum“.

Gamlinginn, eða TF-OLD, er nýjasta flugvélin sem skráð er í íslenska einkaflugsflotann og fengu stoltir eigendur flughæfnisvotton og skráningarskírteinið gefið út frá Samgöngustofu í dag, nokkrum klukkustundum fyrir fyrsta flugið.

TF-OLD er af gömul stélhjólstvíþekja af gerðinni Stampe-Vertongen SV-4C, smíðuð árið 1946 og er hún því 72 ára.

Eigendur vélarinnar eru flugmennirnir og félagarnir Sigurjón Valsson og Elías Erlingsson en þeir héldu til Bretlands í fyrra til að festa kaup á flugvélinni sem kom til landsins í gámi í nóvember síðastliðnum.

Stoltir eigendur vélarinnar leystir út með gjöf frá vinum í Flugklúbbi Mosfellsbæjar

Í fyrstu hvíldi skemmtileg leynd yfir því hvaða flugvél verið var að kaupa og voru margir forvitnir flugmenn og flugnördar sem reyndu að giska á hvers konar flugvél væri á leiðinni til landsins út frá ljósmyndum með þröngu sjónarhorni á samfélagsmiðlum sem sýndu aðeins smá brot af vélinni.

Fljótlega kom í ljós að um gamlan höfðingja væri að ræða af gerðinni Stampe sem kom hingað til lands á breskri skráningu en við tók vinna við að setja vélina saman og koma henni í stand fyrir úttekt Samgöngustofu.

„Við fluttum hana hingað heim með hjálp góðra manna og erum búnir að vera bóna hana í vetur og hægt og rólega að koma henni saman“, segir Elías Erlingsson í viðtali við Alltumflug.is.

TF-OLD kom til landsins í gámi í nóvember í fyrra

Það var Sigurjón sem flaug jómfrúarflugið í dag og hóf vélin sig á loft frá grasbrautinni á Tungubökkum klukkan 16:49 og hljóðið frá flugvélinni var einstaklega fallegt.

Fór strax aftur í loftið eftir fyrsta flugið

Blaðamaður Alltumflug.is mátti ekki vera mikið seinna á ferðinni en vélin var komin að brautarendanum að gera klára fyrir fyrsta flugtakið á íslenskri grund þegar hann kom á staðinn.

Fljótlega kom í ljós að Sigurjón var ekkert á leiðinni að koma niður aftur þar sem það var augljóst að hann skemmti sér það vel við að fljúga henni.

Stjórnklefinn í Stampe-vélinni

Hann lenti þó gamlingjanum að lokum en dvaldi aðeins við í nokkrar mínútur og fór aftur í loftið ásamt TF-PAC sem flaug með honum ljósmyndaflug með Baldri Sveinssyni um borð sem mundaði myndavélina og náði mörgum góðum myndum þrátt fyrir grátt veður og súld.

„Stórkostlegur dagur þótt það séu nokkrir rigningardropar“

„Við fórum á Bónönzunni niður til Þýskalands fyrir tveimur árum síðan á flugsýningu með gamlar flugvélar og sáum þar nokkra „Stampa“ og þetta var fyrst bara svona í huganum: „Þetta verður næsta vélin“, segir Elías.

„Stórkostlegur dagur þótt það séu nokkrir rigningardropar“, segir Elías og brosir sínu breiðasta brosi enda fullt tilefni til þar sem það er stór dagur að sjá sína eigin flugvél takast á loft í fyrsta sinn.

Rúmlega 1.000 eintök af Stampe-flugvélunum voru smíðaðar á sínum tíma - „Það voru ekkert sérstaklega margar fljúgandi fyrir stríð en þegar stríðunu lauk þá hófu Frakkar framleiðslu á þessum vélum til að byggja upp flugherinn og var hún notuð sem þjálfunarvél“, segir Elías.

Sigurjón Valsson við TF-OLD eftir tvö fyrstu flugin

Stampe-vélunum var einnig dreift í flugklúbbana í Frakklandi þar sem þeir höfðu misst margar flugvélar í stríðinu en franska þjóðarstoltið gerði það að verkum að þeir vildu ekki Piper Cub vélar og ákváðu þeir að smíða sína eigin flugvél með frönskum mótor.

„Þetta er alveg geggjuð græja“, sagði Sigurjón er hann steig út úr vélinni að loknu tvöföldu jómfrúarflugi og lét hún betur af stjórn en hann bjóst við, þrátt fyrir smá vindstreng.

„Það er merkileg hvað manni verður samt ekkert svo kalt“, segir Sigurjón en flugvélin er eins og margar sambærilegar tvíþekjur frá þessum tíma, með opnum stjórnklefa og er því nauðsynlegt að klæða sig í alvöru flugmannaleðurjakka og þá sérstaklega við íslenskar aðstæður.

Flugáhugamenn eiga sennilega von á að sjá gamlingjann á flugsamkomum í sumar og víðar þar sem til stendur að fljúga henni eins og öðrum einkaflugvélum á góðviðrisdögum.

Fleiri myndir:





Myndband:







  fréttir af handahófi

Tvö atvik er varða Air Canada til rannsóknar

3. september 2018

|

Sitthvort atvikið er varðar Air Canada er nú til rannsóknar bæði hjá flugmálayfirvöldum í Bandaríkjunum og í Kanada en fyrra atvikið átti sér stað í San Francisco er Airbus A320 þota var næstum búin

Mest þörf fyrir fleiri flugfreyjur og starfsfólk á flugvöllum

21. ágúst 2018

|

Alþjóðasamtök flugfélaganna (IATA) hefur birt niðurstöður úr könnun þar sem fram kemur hvar verður mest eftirspurn eftir starfsfólki í störfum innan flugsins á næstu árum.

Stefna á smíða 57 Boeing 737 þotur á mánuði

13. september 2018

|

Boeing ætlar sér að auka afkastagetuna í framleiðslu á Boeing 737 þotunum þrátt fyrir þá erfiðleika sem hafa gengið yfir í samsetningu vélanna í sumar.

  Nýjustu flugfréttirnar

Ekki sagt frá nýju sjálfvirku kerfi sem á að koma í veg fyrir ofris

15. nóvember 2018

|

Atvinnuflugmannasamtökin (ALPA), sem er stærsta bandalag flugmanna í heiminum, krefjast þess að bandarísk stjórnvöld taki á vandamáli er varðar nýja tegund af flugstýringu á Boeing 737 MAX þotunum s

Þrír lamaðir flugmenn ætla að fljúga í kringum hnöttinn

14. nóvember 2018

|

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður fe

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.

Boeing 787 fór inn á braut á meðan A350 var í flugtaki

14. nóvember 2018

|

Farþegaþota af gerðinni Airbus A350-900 frá Delta Air Lines þurfti að hætta við flugtak á Pudong-flugvellinum í Shanghai í gær eftir að önnur þota fór inn á brautina.

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s

Air New Zealand og ATR í tæknisamstarf um nýjan aflgjafa

10. nóvember 2018

|

Flugvélaframleiðandinn ATR og Air New Zealand hafa gert með sér samning um samstarf um þróun á að nota blandaðan orkugjafa fyrir skrúfuflugvélar í farþegaflugi.

Flugstjóri hjá Air India féll í annað skipti á áfengisprófi

9. nóvember 2018

|

Air India hefur rekið yfirflugstjóra félagsins, sem er einnig yfirmaður yfir rekstrardeildinni, þar sem hann féll á áfengisprófi í annað sinn á einu ári rétt áður en hann átti að fljúga farþegaþotu f