flugfréttir

Flugvöllur í Canberra krafðist lausnargjalds frá Qantas

- Lögðu ökutæki fyrir aftan hjól þotunnar - Vildu 1.3 milljón í staðgreiðslu

14. maí 2018

|

Frétt skrifuð kl. 17:15

Boeing 737-800 þota Qantas á flugvellinum í Canberra

Qantas hefur greint frá því að einni af Boeing 737 þotum félagsins hafi verið meinað að halda för sinni áfram eftir að flugvélin þurfti að lenda í Canberra, höfuðborg Ástralíu, í fyrra vegna veðurs.

Atvikið átti sér stað í mars 2017 en það spurðist út núna fyrst og hafa fjölmiðlar í Ástralíu greint frá því síðustu daga.

Þotan, sem var af gerðinni Boeing 737-800, var á leið frá Auckland á Nýja-Sjálandi til Sydney en vegna slæms veðurs á áfangastað ákváðu flugmennirnir að lenda í Canberra.

Þegar veðrið í Sydney gekk niður var ákveðið að halda förinni áfram en þegar flugmennirnir voru að gera klárt fyrir brottför komu starfsmenn flugvallarins og fóru fram á greiðslu upp á 1.3 milljónir króna.

Farið var fram á að upphæðin skildi greidd á staðnum og það með kreditkorti en starfsmenn flugvallarins höfðu lagt bíl fyrir aftan hjólastell vélarinnar til að tryggja að flugvélin myndi ekki yfirgefa flugvöllinn áður en búið væri að greiða gjald fyrir flugvallarþjónustu, eldsneyti og lendingargjöld.

Vildu að þjónustugjöldin yrðu greidd á staðnum með kreditkorti

Flugstjórinn bað um leyfi til að hringja í rekstrarstöð Qantas og var það ekki fyrr en starfsmenn í stjórnstöð félagsins höfðu rætt við yfirmenn flugvallarins í Canberra að málið leystist og var bíllinn við hjólin fjarlægður.

„Að fljúga til annars flugvallar vegna veðurs er eitthvað sem getur komið upp hvenær sem er. Flugstjórinn tekur þá ákvörðun og velur þann flugvöll sem hann telur hentugastan hverju sinni en ekki hvar flugfélagið hefur samninga - Þetta er ekki eitthvað sem þarf að semja um“, segir talsmaður Qantas.

„Burt séð frá kosnaðinum þá er það út í hött af flugvellinum að halda flugvél, sem er full af farþegum, í gíslingu á hlaðinu með því að leggja bíl fyrir aftan“, bætir talsmaðurinn við.

Atvikið þykir endurspegla það stirða samband sem getur verið milli flugvalla og þeirra flugfélaga sem hafa aðgang að þeim er kemur að sambærilegum öryggislendingum en þrátt fyrir þetta þá er Qantas með flestar brottfarir og lendingar á flugvellinum í Canberra.

Andrew Brown, framkvæmdarstjóri innanlandsflugsdeildar Qantas, furðar
sig á vinnubrögðum flugvallarins í Canberra

Canberra-flugvöllurinn og Qantas hafa lengi eldað grátt silfur saman og hefur stjórn flugvallarins hótað því að slíta samstarfinu við Qantas vegna óánægju yfir því hversu há tíðni er á því að flugferðir eru felldar niður á flugleiðinni milli höfuðborgarinnar og Sydney.

Flestir borgir í Ástralíu hafa aðeins einn flugvöll og tiltölulega færri flugfélög fljúga um þá samanborið við Evrópu þar sem margar borgir hafa marga flugvelli.

Færri flugferðir sökum þess að flugi er aflýst þýðir minni hagnaður fyrir flugvöllinn í Canberra og hefur flugvöllurinn gengið svo langt að óska eftir því að ríkisstjórn Ástralíu grípi í taumana og hefur stjórnarformaðurinn nú þegar átt fund með Michael McCormack, forsetisráðherra Ástralíu.

„Við eigum í samstarfi við alla helstu flugvellina í Ástralíu og fjölmarga erlenda flugvelli í borgum sem við fljúgum til víða um heim en það er enginn flugvöllur sem hagar sér eins undarleg og flugvöllurinn í Canberra“, segir Andrew David, yfirmaður yfir innanlandsflugdeild Qantas.

„Það er furðulegt hvernig flugvöllur getur ráðist svona á stærsta kúnnan sinn sem erum við, Qantas, og haldi að það geri hlutina eitthvað skárri“, bætir David við.

Stephen Byron, framkvæmdarstjóri flugvallarins í Canberra, segir að samkomulag vegna öryggislendinga væri nauðsynlegur fyrir flugvöllinn í Canberra þar sem það væri takmarkað hversu mörg stæði hann hefði til að geta þjónað öryggislendingum.

Qantas var með slíkan samning við flugvöllinn í Canberra en hann hafði runnið úr gildi þegar Boeing 737 þotan þurfti að lenda í mars í fyrra.







  fréttir af handahófi

Norwegian selur fimm nýjar Airbus A320neo þotur

7. nóvember 2018

|

Norwegian hefur ákveðið að selja fimm Airbus A320neo þotur og segir félagið að salan sé liður í að auka lausafjárstöðu félagsins og styrkja rekstur þess.

Yfir 1.000 konur í Sádí-Arabíu hafa sótt um að verða flugmenn

18. september 2018

|

Sádí-arabíska flugfélagið Flynas fékk yfir 1.000 umsóknir frá kvenmönnum á einum sólarhring sem hafa sótt um að komast í flugnám á vegum flugfélagsins sem leitar nú að hæfum einstaklingum til að verð

Meinað um eldsneyti í Istanbúl

4. nóvember 2018

|

Írönskum farþegaflugvélum hefur verið meinaður aðgangur að þotueldsneyti á flugvellinum í Istanbúl þar sem stjórn flugvallarins hefur ákveðið að neita að afgreiða írönsk flugfélög.

  Nýjustu flugfréttirnar

Ekki sagt frá nýju sjálfvirku kerfi sem á að koma í veg fyrir ofris

15. nóvember 2018

|

Atvinnuflugmannasamtökin (ALPA), sem er stærsta bandalag flugmanna í heiminum, krefjast þess að bandarísk stjórnvöld taki á vandamáli er varðar nýja tegund af flugstýringu á Boeing 737 MAX þotunum s

Þrír lamaðir flugmenn ætla að fljúga í kringum hnöttinn

14. nóvember 2018

|

Þrír hreyfihamlaðir flugmenn munu næstkomandi sunnudag leggja af stað í 10 mánaða langt heimsflug í kringum hnöttinn en þeir ætla að hafa viðdvöl á 150 stöðum í 40 löndum í sex heimsálfum og verður fe

Farþegar greiddu fyrir viðgerð á Dreamliner-þotu

14. nóvember 2018

|

Farþegar þurftu að greiða viðgerð á Dreamliner-þotu pólska flugfélagsins LOT Polish Airlines eftir að bilun kom upp í vélinni á flugvellinum í Peking.

Boeing 787 fór inn á braut á meðan A350 var í flugtaki

14. nóvember 2018

|

Farþegaþota af gerðinni Airbus A350-900 frá Delta Air Lines þurfti að hætta við flugtak á Pudong-flugvellinum í Shanghai í gær eftir að önnur þota fór inn á brautina.

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s

Air New Zealand og ATR í tæknisamstarf um nýjan aflgjafa

10. nóvember 2018

|

Flugvélaframleiðandinn ATR og Air New Zealand hafa gert með sér samning um samstarf um þróun á að nota blandaðan orkugjafa fyrir skrúfuflugvélar í farþegaflugi.

Flugstjóri hjá Air India féll í annað skipti á áfengisprófi

9. nóvember 2018

|

Air India hefur rekið yfirflugstjóra félagsins, sem er einnig yfirmaður yfir rekstrardeildinni, þar sem hann féll á áfengisprófi í annað sinn á einu ári rétt áður en hann átti að fljúga farþegaþotu f