flugfréttir

WOW air til Nýju-Delí á Indlandi

- Fyrsta beina áætlunarflugið til Asíu hefst í desember

15. maí 2018

|

Frétt skrifuð kl. 12:10

Fyrsta flug WOW air til Indlands mun hefjast þann 6. desember 2018

WOW air mun rjúfa Asíumúrinn í vetur með því að hefja beint flug til Nýju-Delí á Indlandi í desember á þessu ári en það verður í fyrsta sinn sem íslenskt flugfélag mun hefja flug til Asíu og einnig fyrsta áætlunarflugið milli álfunnar og Íslands.

Hingað til hafa Íslendingar, sem hafa ætlað sér að ferðast til Asíu, þurft að fara með tengiflugi til Evrópu og hafa margir flogið til Kaupmannahafnar, Helsinki, London, París eða til Frankfurt til að halda áfram til Asíu.

Seinustu mánuði hefur verið vitað að WOW air myndi hefja flug til Indlands og hefur undirbúningur fyrir flugið staðið yfir í nokkurn tíma með fundum með indverskum stjórnvöldum.

Með fluginu eiga Íslendingar tækifæri á að fljúga beint til Indlands auk þess sem Bandaríkjamönnum gefst kostur á að fljúga frá níu bandarískum borgum til Nýju-Delí með viðkomu á Íslandi en aðeins er boðið upp á beint flug frá fjórum bandarískum borgum til Indlands sem eru San Francisco, Chicago, New York og Washington.

„Aldrei fyrr hefur verið boðið upp á beint áætlunarflug til Indlands frá Íslandi og það er gaman að geta átt þátt í því að marka tímamót í íslenskri flugsögu. Indland er land mikillar sögu og menningar og það fá farþegar okkar að upplifa á frábærum verðum, í glænýjum flugvélum,“ segir Skúli Mogensen forstjóri og stofnandi WOW air.

Flugfreyja WOW air fyrir utan Taj Mahal

WOW air mun hefja flug til Nýju-Delí þann 6. desember næstkomandi og verður flogið þangað með nýjum Airbus A330neo þotum og er sala farmiða nú þegar hafin.

Flugtíminn frá Keflavíkurflugvelli til Nýju-Delí verður 1o klukkustundir en heimflugið mun taka um 11 klukkustundir og 50 mínútur.

Flugleiðin er alls 7.630 kílómetrar (4.120 nm) miðað við beina fluglínu sem liggur beint til austurs yfir norðurhluta Skandinavíu, Rússlands, Kazakhstan, Tajikistan og Pakistan.

Flogið verður á Indira Ghandi flugvöllinn sem er alþjóðaflugvöllurinn í Nýju-Deli sem er stærsti flugvöllurinn á Indlandi er kemur að farþegafjölda og sextándi stærsti flugvöllur heims en í fyrra fóru um 63 milljónir farþega um völlinn.







  fréttir af handahófi

Delta hvetur Boeing til þess að koma með 797 á markað

5. mars 2019

|

Ed Bastian, framkvæmdarstjóri Delta Air Lines, hvetur Boeing til þess að ýta úr vör nýju farþegaþotunni, Boeing 797, sem framleiðandinn stefnir á að koma með á markað árið 2025.

Air Greenland ætlar að skipta út Airbus A330 fyrir nýja breiðþotu

18. mars 2019

|

Um sautján milljarðar króna munu fara í endurnýjun flugflota grænlenska flugfélagsins Air Greenland á næstu árum en meðal annars stendur til að skipta út Airbus A330-200 breiðþotu félagsins fyrir nýr

Slæm staða fyrir Boeing ef tengsl eru á milli slysanna tveggja

14. mars 2019

|

Alþjóða matsfyrirtækið Fitch Ratings segir að möguleg tengls milli flugslysanna tveggja í Eþíópíu í vikunni og flugslyssins hjá Lion Air í Indónesíu í fyrra gætu haft margvísleg áhrif á Boeing 737 MA

  Nýjustu flugfréttirnar

Tvær júmbó-þotur snúa aftur í flota Air India

21. maí 2019

|

Air India ætlar að fjölga júmbó-þotum í flota sínum á ný með því að koma tveimur Boeing 747 þotum aftur í umferð í farþegaflugi sem teknar voru úr umferð árið 2008.

Niki Lauda látinn

21. maí 2019

|

Milljarðamæringurinn, ökuþórinn og flugfélagamógúllinn Niki Lauda er látinn en hann lést í gær sjötugur að aldri á háskólasjúkrahúsinu í Zurich í Sviss umvafinn vinum og ættingjum.

Flugáhugamenn fjölmenntu við komu þristanna í gærkvöldi

21. maí 2019

|

Það var þónokkur fjölmennur hópur sem hafði safnast saman við grindverkið bakvið Hótel Loftleiði út á Reykjavíkurflugvelli í gærkvöldi til þess að berja augu hluta af þeim ellefu þristum sem eru þess

TUI íhugar að hætta við Boeing 737 MAX þoturnar

20. maí 2019

|

Flugfélaga- og ferðasamsteypan TUI hefur tilkynnt að allt stefni í að afkoma flugfélagsins TUI verði frekar slæm eftir fyrri helming ársins og hefur fyrirtækið varað fjárfesta við því að seinni helmi

SAS bætir Lúxemborg við leiðarkerfið

20. maí 2019

|

SAS (Scandinavian Airlines) hefur ákveðið að hefja flug til Lúxemborg en í tilkynningu kemur fram að félagið ætli að fljúga frá Arlanda-flugvellinum í Stokkhólmi til Lúxemborgar frá og með byrjun nóv

Ryanair frestar afhendingum á 737 MAX fram í nóvember

20. maí 2019

|

Ryanair hefur ákveðið að fresta afhendingum á þeim Boeing 737 MAX þotum sem pantaðar voru á sínum tíma en lágfargjaldafélagið írska átti að taka við fyrstu þotunum á næstu dögum.

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

TWA flugstöðin opin aftur fyrir almenningi

15. maí 2019

|

Ein frægasta flugstöð heims, TWA bygginging (Terminal T5) á Kennedy-flugvellinum í New York, opnaði aftur í dag opinberlega í tengslum við TWA hótelið sem hóf starfsemi sína í dag við hliðina á flugst

Air France stefnir á niðurskurð í innanlandsfluginu

13. maí 2019

|

Air France stefnir á niðurskurð í innanlandsfluginu í Frakklandi og stendur til að draga úr framboðinu um 15 prósent. Með því vonast félagið til þess að hægt verði að draga úr taprekstri félagsins.

 síðustu atvik

  2019-01-01 20:20:00