flugfréttir
SAS hljóðlátasta flugfélagið á Heathrow
20. maí 2018
|
Frétt skrifuð kl. 16:56
Airbus A320neo þota SAS á London Heathrow
SAS (Scandinavian Airlines) er hljóðlátasta flugfélagið sem fer um Heathrow-flugvöllinn í London sem hefur birt nýjan og uppfærðan lista yfir þau flugfélag sem ná að framfylgja reglugerðum um hávaðamildun.
Listinn tilgreinir þau 50 flugfélög sem flugu oftast um Heathrow-flugvöllinn frá janúar fram til loka mars á þessu
ári samkvæmt sjö mismunandi mælingaraðferðum.
SAS kom best út með 944 stig af 1.000 mögulegum en félagið hefur m.a. flogið Airbus A320neo þotunum
til London Heathrow. SAS hefur unnið náið með stjórn flugvallarins til að bæta hávaðamildun sína en ein aðferðin sem félagið
hefur notað er að koma inn með brattara aðflugi til að milda hávaðann yfir nærliggjandi hverfum.
LOT Polish Airlines kom í öðru sæti með 938 stig af 1.000 en flugfélagið pólska er nýbyrjað að nota
nýju Boeing 737 MAX þoturnar í flugi til London Heathrow.
Egypt Air kemur verst út samkvæmt listanum
Fimm ár eru liðin frá því að stjórn Heathrow-flugvallarins kynnti til sögunnar „Fly Quiet and Clean“
áætlunina í þeim tilgangi bæði að draga úr hávaða frá flugvélum og einnig mengun.
Áætlunin er liður í stefnu flugvallarins í að
gera hreint fyrir sínum dyrum áður en breska ríkisstjórnin mun kjósa um hvort að ráðast eigi í framkvæmdir
á þriðju flugbrautinni á Heathrow.
Hér að neðan má sjá topp 10 listann bæði yfir hljóðlátustu flugfélögin sem fljúga um Heathrow-flugvöllinn
og einnig listi yfir þau sem komu verst út.
Topplistinn
1. - SAS (Scandinavian Airlines)
2. - LOT Polish Airlines
3. - Aer Lingus
4. - Etihad Airways
5. - Flybe
6. - British Airways (short haul)
7. - Finnair
8. - Delta Air Lines
9. - United Airlines
10. - Iberia
Botnlistinn
1. - Egypt Air
2. - Kuwait Airways
3. - Turkish Airlines (short haul)
4. - El Al Israel Airlines
5. - PIA (Pakistan International)
6. - Turkish Airlines (long haul)
7. - Korean Air
8. - European Air Transport
9. - China Southern Airlines
10. - Air China
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
