flugfréttir

Fyrstu A380 risaþoturnar á leið í niðurrif fyrir varahluti

- Ekki tókst að finna nýjan leigjanda

8. júní 2018

|

Frétt skrifuð kl. 08:01

Ein af þeim tveimur Airbus A380 risaþotum sem Singapore Airlines skilaði til baka í júní í fyrra

Tvær Airbus A380 risaþotur, sem voru áður í flugflota Singapore Airlines, verða á næstunni rifnar niður í varahluti og verður það í fyrsta sinn sem risaþota fer í niðurrif.

Risaþoturnar voru í 10 ár í flugflota Singapore Airlines sem skilaði þeim til baka í fyrra til eigandans sem er þýska fyrirtækið Dr. Peters Group en Singapore Airline ákvað að framlengja ekki leigusamningnum á vélunum tveimur sem voru teknar á leigu til 10 ára.

Ekki hefur tekist að finna nýjan leigjanda fyrir risaþoturnar tvær og var því ákveðið að þær verða rifnar í sundur svo hægt sé að nýta þær í varahluti.

Báðum risaþotunum var flogið í júní 2017 til Tarbes-flugvallarins í suðurhluta Frakklands þar sem þær hafa verið í geymslu í eitt ár.

Ákvörðunin um að rífa þoturnar í varahluti þykir endurspegla hversu erfitt er að finna flugfélög sem hafa þörf fyrir risaþotuna Airbus A380 og þann litla markað sem er fyrir notaðar risaþotur.

„Eftir mjög mikla leit og stífar samningaviðræður við flugfélög á borð við British Airways, HiFly og Iran Air þá hefur Dr. Peters Group ákveðið að selja flugvélarnar í varahluti“, segir í yfirlýsingu frá fyrirtækinu.

Risaþoturnar tvær eru báðar aðeins 11 ára gamlar

„Þetta er mjög slæmt fyrir Airbus en þetta er jafnframt mjög stór þota og markaður fyrir notaðar þotur af þessari stærð er mjög lítill“, segir Howard Wheeldon, breskur markaðssérfræðingur í flugmálum.

Risaþoturnar tvær verða þó ekki rifnar niður til grunna þar sem einungis íhlutir verða fjarlægðir á borð við hjólastell, hreyfla og aðra parta sem hægt er að taka af án þess að eyðileggja skrokkinn sjálfan en nú þegar er búið að fjarlægja hreyflanna og leigja þá til Rolls-Royce.

Airbus segir þrátt fyrir þetta þá ríki bjartsýni um að Airbus A380 risaþotan eigi eftir að verða eftirsóttari á næstu árum þegar flugfélög sjá fram á þann vanda að erfitt verður að fá afgreiðslutíma á flugvöllum vegna þrengsla sem hægt er að leysa með því að draga úr tíðni flugferða og senda risaþotur sem taka fleiri farþega.







  fréttir af handahófi

Convair-flugvél á leið á safn í Hollandi fórst í Suður-Afríku

10. júlí 2018

|

Að minnsta kosti einn lét lífið og nítján eru særðir eftir flugslys í Suður-Afríku í dag er gömul flugvél af gerðinni Convair CV-340 fórst skömmu eftir flugtak frá flugvellinum í Wonderboom, skammt f

Flugstöðin á Patreksfirði til sölu

22. maí 2018

|

Fyrir þá sem dreymir um að eignast sína eigin flugstöð þá er tækifæri til slíkra kaupa einmitt núna en á fasteignavef Morgunblaðsins má sjá að flugstöðin á Patreksfirði er nú til sölu.

Greiðari leið að flugupplýsingum með nýrri vefsíðu Isavia

10. júní 2018

|

Isavia hefur tekið í notkun nýja vefsíðu en meðal nýjunga sem finna má á nýja vefnum eru upplýsingar fyrir farþega sem sendar eru beint til sín á Twitter og Facebook Messenger.

  Nýjustu flugfréttirnar

Rekstrarstjóri Air Canada tekur við stjórn Air France-KLM

18. ágúst 2018

|

Benjamin Smith, fyrrverandi rekstrarstjóri Air Canada, hefur verið gerður að framkvæmdarstjóra
Air France-KLM.

Air Force Two á leið í andlitslyftingu

17. ágúst 2018

|

Boeing hefur fengið 16 milljónir bandaríkjadali, eða 1.7 milljarð króna, frá ríkistjórn Bandaríkjanna til þess að gera endurbætur á forsetaflugvélinni, „Air Force Two“, en Donald Trump, Bandaríkjafo

Stofnandi easyJet í mál við tvö flugfélög með svipuð nöfn

17. ágúst 2018

|

Stofnandi easyJet, Sir Stelios Haji-loannou, sakar nú flugfélag eitt í Hondúras um stuld á höfundarétti með því að nota nafn sem svipar of mikið til lágfargjaldafélagsins breska.

Ölvaður flugstjóri hjá Finnair stöðvaður fyrir brottför

17. ágúst 2018

|

Áfengi mældist í blóði hjá finnskum flugmanni sem mætti til starfa sl. miðvikudag á flugvellinum í Helsinki.

Flugmenn KLM hóta verkfalli

17. ágúst 2018

|

Flugmenn hjá hollenska flugfélaginu KLM Royal Dutch Airlines hóta því nú að leggja niður störf sín og hefja verkfallsaðgerðir líkt og hollenskir starfsbræður þeirra hjá Ryanair.

Komnar til Íslands eftir langt ferjuflug frá Flórída

16. ágúst 2018

|

Það ríkti mikil gleði í hádeginu í dag er Flugskóli Íslands fékk í hendurnar tvær splunkunýjar kennsluvélar sem lentu á Reykjavíkurflugvelli eftir langt ferðalag frá verksmiðjum Piper í Bandaríkjunum

Flugumferðarstjóra sagt upp störfum vegna atviks

16. ágúst 2018

|

Flugumferðarþjónustan í Serbíu og Svartfjallalandi (SMATSA) hefur vikið flugumferðarstjóra úr starfi sem starfaði í flugturninum á flugvellinum í Belgrade vegna atviks þar sem tvær flugvélar flugu of

Laumufarþegi féll til jarðar í flugtaki í Venezúela

16. ágúst 2018

|

Laumufarþegi lét lífið í gær í Venezúela er hann féll til jarðar úr hjólarými á farþegaþotu sem var í flugtaki á Simón Bolívar flugvellinum í höfuðborginni Caracas.

Í mál við Ryanair vegna raskana á flugi í kjölfar verkfalla

15. ágúst 2018

|

Ryanair hefur fengið á sig lögsóknir vegna fjölda flugferða sem félagið hefur þurft að fella niður vegna verkfallsaðgerða flugmanna.

FBI ræðir við flugvallarstarfsfólk

15. ágúst 2018

|

Bandaríska alríkislögreglan (FBI) ræður nú við starfsfólk á Seattle-Tacoma flugvellinum auk starfsfólks hjá Alaskan Airlines og Horizon Air í tengslum við atvikið sem átti sér stað þann 10. ágúst er