flugfréttir

Þota Icelandair í íslensku fánalitunum fær mikla athygli

- Þingvellir (TF-ISX) er önnur Boeing 757-300 þota Icelandair

10. júní 2018

|

Frétt skrifuð kl. 17:31

TF-ISX lenti í gærkvöldi í Keflavík eftir málningarvinnu sem fram fór hjá Air Livery í Norwich á Englandi / Ljósmynd: Sigurjón Hafsteinsson

Það er fátt sem íslenskir flugáhugamenn hafa rætt meira síðasta sólarhringinn en nýju Boeing 757-300 þotuna sem bæst hefur í flota Icelandair í sérstökum litum í tengslum við 100 ára fullveldi Íslands.

Icelandair fékk fyrstu Boeing 757-300 þotuna í mars árið 2002 en sú flugvél hefur í 16 ár verið eina 757-300 þotan í flotanum.

TF-FIX bar nafnið Snorri Þorfinnsson en fyrir nokkrum árum síðan var nafninu breytt í Hengill er félagið breytti nöfnum flugvélanna úr „dísunum“ og nefndi flugvélarnar eftir íslenskum eldfjöllum.

Icelandair tilkynnti í desember í fyrra að félagið hefði gengið frá kaupum á annarri Boeing 757-300 þotu sem er TF-ISX en vélin kemur úr flota ísraelska flugfélagsins Arkia Israel Airlines.

TF-ISX var smíðuð árið 2000 og var upphaflega í flota Sun d´Or International Airlines en fór yfir til Arkia Israel Airlines árið 2002.

Þessi ljósmynd er núna meðal vinsælustu myndanna á flugvefnum Airliners.net

Vélin kom til Íslands í febrúar og hefur hún gengist yfir yfirhalningu hjá Icelandair Technical Service en á dögunum var vélinni flogið til Norwich á Englandi þar sem hún var máluð í sérstökum litum í tilefni að 100 ára fullveldis Íslands.

TF-ISX lenti á Keflavíkurflugvelli í gær um hálfsexleytið eftir flug frá Norwich og voru ljósmyndir af vélinni ekki lengi að breiðast út eins og eldur í sinu um samfélagsmiðla meðal flugáhugamanna og þá sérstaklega á Fésbókar-hópnum Fróðleiksmolar um flug.

Þingvellir í flugtaki í gær á flugvellinum í Norwich á leið til Keflavíkur

TF-ISX, sem hefur fengið nafnið „Þingvellir“, mun fara í áætlunar- og leiguflug og fer hún í leiðarkerfi Icelandair á næstu dögum en hún mun einnig fljúga til Rússlands í tengslum við Heimsmeistarakeppnina í fótbolta sem hefst þann 14. júní.

Svo má segja að lengri útgáfan af Boeing 757 sé ekki á hverju strái en aðeins voru 55 eintök af 757-300 framleiddar á sínum tíma og eru þær allar enn í notkun hjá flugfélögunum og hefur ekki eitt einasta eintak af þeim endaði í geymslu eða í niðurrifi.

Fyrir utan Icelandair eru aðeins fimm flugfélög sem hafa Boeing 757-300 í flotanum en þau er Arkia, Thomas Cook, Delta Air Lines, Condor og United Airlines.

Fleiri myndir af TF-ISX







Þá var ekki lengi verið að því að búa til nýju litina fyrir X-Plane flugherminn fyrir PC og iMac







  fréttir af handahófi

Tvö atvik er varða Air Canada til rannsóknar

3. september 2018

|

Sitthvort atvikið er varðar Air Canada er nú til rannsóknar bæði hjá flugmálayfirvöldum í Bandaríkjunum og í Kanada en fyrra atvikið átti sér stað í San Francisco er Airbus A320 þota var næstum búin

Önnur flugstöð mun rísa á Brandenburg-flugvelli

25. júlí 2018

|

Yfirvöld í Þýskalandi hafa gefið leyfi fyrir framkvæmdum á stækkun Brandenburg-flugvallarins í Berlín með nýrri flugstöð sem mun bætast við þá flugstöð sem fyrir er.

Áhafnir hjá Ryanair þurftu að sofa á gólfinu

15. október 2018

|

Ryanair hefur beðið starfsmenn sína afsökunar eftir fjórar áhafnir félagsins neyddust til þess að sofa á grjóthörðu gólfinu um helgina á flugstöðinni í Málaga vegna fellibylsins Leslie sem gekk yfir

  Nýjustu flugfréttirnar

British Airways mun fljúga til Charleston

18. október 2018

|

British Airways ætlar að hefja beint flug til borgarinnar Charleston í Suður-Karólínu á næsta ári en það verður þá í fyrsta sinn sem flogið verður beint flug yfir Atlantshafið frá Evrópu til borgarin

Etihad Airways ekki lengur eitt af þeim stóru eftir niðurskurð

18. október 2018

|

Etihad Airways hefur ákveðið að hætta við pantanir í nýjar þotur frá Airbus vegna niðurskurðar eftir 179 milljarða króna taprekstur á síðasta ári.

Cobalt Air gjaldþrota

18. október 2018

|

Kýpverska flugfélagið Cobalt Air er gjaldþrota og hefur félagið hætt öllu áætlunarflugi eftir að viðræður við lánadrottna fóru út um þúfur.

Fyrsta innanlandsflug Norwegian í Argentínu

17. október 2018

|

Norwegian flaug í gær sitt fyrsta innanlandsflug í Argentínu með nýstofnaða dótturfélaginu, Norwegian Air Argentína.

Eldur kom upp í ATR flugvél í viðhaldsskýlí í Nígeríu

17. október 2018

|

Eldur kom upp í farþegaflugvél af gerðinni ATR 72-200 er vélin var inni í viðhaldsskýli á flugvellinum í Lagos í Nígeríu sl. helgi.

Vilja opna hina flugbrautina á Gatwick-flugvelli

16. október 2018

|

Félag breskra atvinnuflugmanna (BALPA) taka undir tillögu Gatwick-flugvallarins í London um að skoða þann möguleika á að nýta varaflugbraut vallarins fyrir hefðbundna flugumferð um flugvöllinn til að

Segja áætlanir Ryanair vera stríðsyfirlýsingu við flugmenn

16. október 2018

|

Verkalýðs- og starfsmannafélög segja að með því loka starfsstöðvum og skera niður flugflotann sinn til þess að refsa flugmönnum og áhöfnum fyrir verkfallsaðgerðir sé Ryanair með því að lýsa yfir strí

„Allir sem geta flogið fá starf hjá Lufthansa“

16. október 2018

|

Lufthansa nær ekki að ráða eins marga flugmenn og félagið myndi vilja að sögn Ola Hansson, yfirmanns yfir þjálfunardeild Lufthansa Group, móðurfélags Lufthansa og SWISS International Air Lines.

Áhafnir hjá Ryanair þurftu að sofa á gólfinu

15. október 2018

|

Ryanair hefur beðið starfsmenn sína afsökunar eftir fjórar áhafnir félagsins neyddust til þess að sofa á grjóthörðu gólfinu um helgina á flugstöðinni í Málaga vegna fellibylsins Leslie sem gekk yfir

Airbus fær nýja pöntun í minni útgáfuna af A330neo

15. október 2018

|

Airbus hefur fengið nýja pöntun í A330-800, minni útgáfuna af A330neo þotunni, en um nokkurt skeið hafði ekkert flugfélag átt inni pöntun í minni útgáfuna af Airbus A330neo.

 síðustu atvik

  2018-07-02 01:26:00