flugfréttir

Airbus: Kjörið að skipta út eldri Boeing 767 þotum fyrir A330neo

- Sveigjanlegir eiginleikar A330neo kostur fyrir bandarísk flugfélög

8. júlí 2018

|

Frétt skrifuð kl. 14:10

Airbus A330-900 tilraunarþota Airbus

Airbus reynir nú að vinna pantanir frá þeim bandarískum flugfélögum sem hafa eldri Boeing 767 breiðþotur í flotanum en Airbus vill meina að A330neo breiðþotan nýja sé mun hentugri kostur fyrir flugfélög í stað þess að velja Dreamliner-þotuna.

Airbus segir að eiginleikar Airbus A330neo þotunnar séu það sveigjanlegir að hún geti án efa leyst af hólmi eldri Boeing 767 breiðþotur þar sem flugdrægi og flugtaksþungi þeirra sé mjög sveigjanlegur.

Peter Finn, verkefnastjóri yfir Airbus A330 framleiðslunni, segir að flugfélög geti sniðið A330neo að sínum þörfum með lægri eða hærri flugtaksþunga eða pantað útgáfu með minna flugdrægi sem lækkar rekstrarkostnað. „Ef þú sameinar lægri flugtaksþyngd á móti afli þá er hægt að lækka rekstarkostnað um allt að 5%“, segir Finn.

Minni Airbus A330neo þotan, A330-800, tekur 257 farþega í hefðbundnu, þriggja sæta farrými og getur flogið allt að 8.150 nm á meðan Airbus A330-900 getur flogið 7.200 nm með 287 farþega.

Airbus segir að þessi sveigjanleiki verði „leynivopnið“ til að vinna pantanir frá Delta Air Lines og United Airlines sem hafa eldri Boeing 767 breiðþotur í flota sínum sem þarf að fara skipta út fyrir nýrri vélar.

Airbus A330neo samt of stór og aflmikil fyrir Delta

Delta Air Lines hefur nú þegar pantað nýjar A330neo og A350 frá Airbus en United hefur ekki ákveðið hvaða flugvélategund þeir ætla að panta til að skipta út fyrir fimmtíu Boeing 767 breiðþotur.

Airbus A330neo þota TAP Portugal á Keflavíkurflugvelli í byrjun júlí / Ljósmynd: Skúli Björgvin Sigurðsson

Ed Bastian, framkvæmdarstjóri Delta Air Lines, segir að félagið leiti að flugvél sem geti komið í stað Boeing 757-300 og Boeing 767 en hún verði að vera frekar nett og ekki of öflug.

„Stundum þá hefur flugvél of mikla eiginleika og of lang flugþol og verður því dýr í rekstri. Þetta fer allt eftir á hvaða flugleið vélin er notið“, segir Bastian.

Báðar útgáfurnar af Airbus A330neo eru stærri og geta flogið lengra en Boeing 767 þotur Delta og Boeing 757-300 en þrátt fyrir það þá er Delta Air Lines eina bandaríska flugfélagið sem hefur pantað Airbus A330neo.

United ekki eins spennt fyrir Boeing 797

United Airlines segir að verið sé að leita að réttu flugvélinni sem gæti komið í staðinn fyrir 127 flugvélar í flotanum af gerðinni Boeing 767 og Boeing 757 og sé félagið að skoða nýja þotu frá Boeing sem er á teikniborðinu sem er Boeing 797.

Delta Air Lines hefur hinsvegar sýnt Boeing 797 það mikinn áhuga að félagið hefur unnið að þróun vélarinnar undanfarna mánuði í samstarfi við Boeing og vill verða fyrsta flugfélagið til að fá þá þotu afhenta en það yrði þó ekki fyrr en í fyrsta lagi árið 2025.

United Airlines hefur rætt við Boeing varðandi nýju þotuna en hafa ekki sýnt vélinni það mikinn áhuga og ekki gengið eins langt og Delta.

Airbus tapaði stórri pöntun á sínum tíma þegar American Airlines ákvað að panta 47 eintök af Boeing 787 til að leysa af hólmi eldri Airbus A330 breiðþotur.







  fréttir af handahófi

Júmbó-þotan mun lifa af risaþotuna

14. febrúar 2019

|

Allt stefnir í að júmbó-þotan, Boeing 747, muni lifa lengur í framleiðslunni heldur en A380, risaþota Airbus.

Sagt að EASA hafi sniðgengið kynningu Boeing á uppfærslunni

31. mars 2019

|

Sagt er að fjölmargir aðilar á vegum evrópskra flugmálayfirvalda (EASA) auk einhverra flugmanna og starfsmanna flugfélaga ákváðu að sniðganga boð Boeing um að vera viðstaddir kynningarfund flugvélafr

EasyJet hefur ekki lengur áhuga á Alitalia

18. mars 2019

|

EasyJet hefur sagt að flugfélagið breska sé ekki lengur með áhuga fyrir yfirtöku á ítalska flugfélaginu Alitalia og hefur félagið dregið tilboð sitt til baka.

  Nýjustu flugfréttirnar

United Airlines kynnir nýtt útlit

24. apríl 2019

|

Bandaríska flugfélagið United Airlines kynnti í dag nýtt útlit og var fyrsta flugvélin, sem máluð hefur verið í nýjum búningi, frumsýnd við hátíðlega athöfn á flugvellinum í Chicago.

EasyJet bannar hnetur um borð

24. apríl 2019

|

Breska lágfargjaldafélagið easyJet ætlar að hætta að selja hnetur um borð í flugvélum sínum auk þess sem félagið ætlar einnig að banna farþegum að taka með sér hnetur um borð til að borða í flugi.

Tveir flugmenn hjá Cathay Pacific hlutu sjóntruflanir í flugi

24. apríl 2019

|

Flugmálayfirvöld í Hong Kong rannsaka nú tvö atvik sem áttu sér stað fyrr á þessu ári þar sem tveir flugmenn hjá Cathay Pacific, í sitthvoru fluginu, hlutu sjóntruflanir í miðju flugi með mánaðar mil

Nefnd skipuð til að rannsaka vottunarferli Boeing 737 MAX

23. apríl 2019

|

Samgönguráðuneyti Bandaríkjanna hefur skipað saman sex manna nefnd sem er ætlað að fara yfir það vottunarferli sem átti sér stað á sínum tíma í kjölfar smíði Boeing 737 MAX þotunnar og hafa auga með

Icelandair til Bergen tímabundið með Bombardier Q400

22. apríl 2019

|

Icelandair mun nota Bombardier Dash 8 Q400 flugvél fyrir áætlunarflug til Bergen Í Noregi tímabundið í næsta mánuði.

Cirrus SF50 Vision einkaþotan kyrrsett af FAA

19. apríl 2019

|

Bandarísk flugmálayfirvöld (FAA) hafa farið fram á að allar þotur af gerðinni Cirrus SF50 Vision verði kyrrsettar en lofthæfisreglugerð og fyrirmæli þess efnis voru gefin út í dag af stofnuninni.

Ætla að hætta við A350 og taka A330neo í staðinn

16. apríl 2019

|

SriLankan Airlines ætlar sér að hætta við Airbus A350 þoturnar sem félagið pantaði árið 20143 og er félagið að íhuga að breyta pöntuninni yfir í Airbus A330neo breiðþoturnar.

Einkaþota þýska ríkisins í hremmingum í lendingu í Berlín

16. apríl 2019

|

Röskun varð á flugumferð um Schöenefeld-flugvöllinn í Berlín í morgun og beina þurfti komuflugvélum til annarra flugvalla eftir að einkaþota á vegum þýska ríkisins lenti í hremmingum skömmu eftir fl

Ný alþjóðleg nefnd rannsakar og fylgist grannt með 737 MAX

15. apríl 2019

|

Stofnuð hefur verið alþjóðleg nefnd meðal flugmálayfirvalda víðsvegar um heim sem ætla í sameiningu að fara yfir þær breytingar sem Boeing hefur gert á búnaði á Boeing 737 MAX með tilliti til vottuna

Flugvélaleiga tekur níu þotur af Avianca Brasil

15. apríl 2019

|

Brasilíska flugfélagið Avianca Brasil, dótturfélag kólumbíska flugfélagsins Avianca, er nú komið í mikla fjárhagserfiðleika og og þurfti félagið sl. föstudag að fella niður 179 flugferðir á næstu fimm

 síðustu atvik

  2019-01-01 20:20:00