flugfréttir

Keflavíkurflugvöllur í 9. sæti yfir áfangastaði frá Köben í júlí

- Fleiri flugu frá CPH til Keflavíkur heldur en til Berlínar

14. ágúst 2018

|

Frétt skrifuð kl. 14:25

Boeing 757 þota Icelandair á flugvellinum í Kaupmannahöfn

Farþegamet var slegið í júlí á flugvellinum í Kaupmannahöfn þegar yfir 3.1 milljón farþega fór um völlinn en á lista yfir vinsælustu borgirnar sem flestir ferðuðust til þá var Reykjavík á topp 10 listanum.

Þetta samsvarar 101.540 farþegum sem fóru um CPH á hverjum degi í júní en farþegamet hefur verið slegið á flugvellinum í hverjum einasta mánuði frá áramótum og verður árið 2018 því besta ár í sögu vallarins sem opnaði fyrst árið 1925.

Keflavíkurflugvöllur var í 9. sæti á lista yfir þá flugvelli sem flestir farþegar flugu til í mánuðinum en alls voru 69.268 sem flugu á milli Kaupmannahafnar og Keflavíkur í júlí.

Það samsvarar því að 2.234 farþegar hafi ferðast á milli Kaupmannahafnar og Keflavíkur á dag í júlí en þrjú flugfélög fljúga til Köben frá Íslandi sem eru Icelandair, WOW air og SAS.

69.268 farþegar flugu milli Köben og Keflavíkur í júlí

„Júlí hefur verið stærsti sumarmánuður í sögu Kaupmannahafnarflugvallarins með fleiri en 3.1 milljón farþega sem er aukning upp á 4,5 prósent. Þannig það hefur verið nóg að gera í flugstöðinni. Í 19 daga í júlí voru yfir 100.000 farþegar sem fóru um völlinn“, segir Thomas Woldbye, framkvæmdarstjóri flugvallarins.

Áfangastaðir á Spáni hafa verið meðal þeirra vinsælustu meðal Dana en þangað ferðuðust alls 309.555 farþegar í júlí frá Kaupmannahöfn sem jafngildir því að 1 af hverjum 10 farþegum, sem fóru um flugvöllinn, voru á leið til Spánar sem var vinsælasta landið sem flogið var til.

London er vinsælasti áfangastaðurinn frá Köben með 203.000 farþega í júlí en á eftir komu nágrannaborgirnar á hinum Norðurlöndunum þremur, Osló, Stokkhólmur og svo Helsinki í 4. sæti.

Því næst kemur Amsterdam í 5. sæti, París í því sjötta og Mallorca og Malaga þar á eftir en Keflavíkurflugvöllur kemur þar næst í 9. sæti.

Voru því fleiri farþegar sem flugu til Keflavíkur frá Kaupmannahöfn heldur en til Berlínar sem kom í 10. sæti á listanum.

Þrátt fyrir þetta voru færri farþegar sem flugu milli Keflavíkur frá Kaupmannahöfn í júlí á þessu ári þar sem 72.628 ferðuðust til milli Köben og Íslands í fyrra samanborðið við 69.268 farþega á þessu ári.







  fréttir af handahófi

Rouge mun fljúga til Íslands í júní í stað Air Canada

10. apríl 2019

|

Air Canada hefur gert breytingar á áætlunarflugi sínu til Íslands fyrir júnímánuð með því að láta flugvélar Air Canada Rouge fljúga hingað til lands.

Icelandair Group slítur viðræðum við WOW air

24. mars 2019

|

Icelandair Group hefur slitið viðræðum um mögulega aðkomu og yfirtöku á rekstri WOW air.

Stefnt að því að endurvekja WOW air

4. apríl 2019

|

Helstu stjórnarmeðlimir WOW air auk Skúla Mogensen, stofnanda félagsins, sem varð gjaldþrota þann 28. mars, eru sagðir vera að undirbúa endurreisn flugfélagins.

  Nýjustu flugfréttirnar

Munu ekki fljúga í sumar

23. maí 2019

|

Icelandair gerir ekki ráð fyrir Boeing 737 MAX þotunni í flugáætlun sinni í sumar og er því útséð að þotan verði með í sumarvertíðinni sem er annasamasti tími flestra flugfélaga.

55 útskrifast úr atvinnuflugnámi hjá Flugskóla Íslands

23. maí 2019

|

Fjölmenni var við útskrift Flugskóla Íslands sem fram fór í gær í Háskólabíói en um var að ræða síðustu útskrift Flugskóla Íslands.

Tvær júmbó-þotur snúa aftur í flota Air India

21. maí 2019

|

Air India ætlar að fjölga júmbó-þotum í flota sínum á ný með því að koma tveimur Boeing 747 þotum aftur í umferð í farþegaflugi sem teknar voru úr umferð árið 2008.

Niki Lauda látinn

21. maí 2019

|

Milljarðamæringurinn, ökuþórinn og flugfélagamógúllinn Niki Lauda er látinn en hann lést í gær sjötugur að aldri á háskólasjúkrahúsinu í Zurich í Sviss umvafinn vinum og ættingjum.

Flugáhugamenn fjölmenntu við komu þristanna í gærkvöldi

21. maí 2019

|

Það var þónokkur fjölmennur hópur sem hafði safnast saman við grindverkið bakvið Hótel Loftleiði út á Reykjavíkurflugvelli í gærkvöldi til þess að berja augu hluta af þeim ellefu þristum sem eru þess

TUI íhugar að hætta við Boeing 737 MAX þoturnar

20. maí 2019

|

Flugfélaga- og ferðasamsteypan TUI hefur tilkynnt að allt stefni í að afkoma flugfélagsins TUI verði frekar slæm eftir fyrri helming ársins og hefur fyrirtækið varað fjárfesta við því að seinni helmi

SAS bætir Lúxemborg við leiðarkerfið

20. maí 2019

|

SAS (Scandinavian Airlines) hefur ákveðið að hefja flug til Lúxemborg en í tilkynningu kemur fram að félagið ætli að fljúga frá Arlanda-flugvellinum í Stokkhólmi til Lúxemborgar frá og með byrjun nóv

Ryanair frestar afhendingum á 737 MAX fram í nóvember

20. maí 2019

|

Ryanair hefur ákveðið að fresta afhendingum á þeim Boeing 737 MAX þotum sem pantaðar voru á sínum tíma en lágfargjaldafélagið írska átti að taka við fyrstu þotunum á næstu dögum.

Viðbrögð við flugslysi æfð í Grímsey

17. maí 2019

|

Um 40 manns tóku þátt í flugslysaæfingu sem haldin var í Grímsey dagana 10. og 11. maí síðastliðinn en æft var með heimamönnum og viðbragðsaðilum.

IATA lokar fyrir aðgang Avianca Brasil að ferðaskrifstofum

17. maí 2019

|

Alþjóðasamtök flugfélaganna (IATA) hafa sent tilkynningu til allra ferðaskrifstofa þar sem þeim er gert að hætta að selja flug með suður-ameríska flugfélaginu Avianca Brasil.

 síðustu atvik

  2019-01-01 20:20:00