flugfréttir

Komnar til Íslands eftir langt ferjuflug frá Flórída

- Nýju Piper Archer DX flugvélar Flugskóla Íslands eru aðeins 10 daga gamlar

16. ágúst 2018

|

Frétt skrifuð kl. 17:48

Það tók aðeins fimm sólarhringa að fljúga vélunum til Íslands frá Piper-verksmiðjunum í Vero Beach í Flórída

Það ríkti mikil gleði í hádeginu í dag er Flugskóli Íslands fékk í hendurnar tvær splunkunýjar kennsluvélar sem lentu á Reykjavíkurflugvelli eftir langt ferðalag frá verksmiðjum Piper í Bandaríkjunum.

Um er að ræða tvær Piper Archer DX flugvélar sem koma beint úr kassanum frá Piper-verksmiðjunum í Flórída en flugvélunum tveimur var flogið samtímis til landsins á aðeins fimm dögum.

Það voru fjórir þaulreyndir flugmenn sem héldu utan vestur um haf til Flórída þann 7. ágúst til þess að sækja flugvélarnar fyrir Flugskóla Íslands en flugmennirnir eru þeir Óli Öder, Sigurður Ásgeirsson, Hákon Öder Einarsson og Andri Jóhannesson.

Slökkvibílar mynduðu heiðursvatnsboga þegar vélarnar óku af flugbrautinni og í átt að hlaði Flugskóla Íslands

Við tók langt ferðalag þar sem flogið var úr suðrænum hita innan um pálmatré í Flórída, alla leið upp eftir austurströnd Bandaríkjanna og alveg upp á hjara veraldar á Baffinseyju og því næst yfir til Íslands með viðkomu á Grænlandi.

Flugvélarnar tvær bera skráninguna TF-IFH og TF-IFI, eða „Ingi Friðrik Halldór“ og Ingi Friðrik Ingi“, eins og íslenskir flugmenn eiga eftir að heyra á tíðninni á Reykjavíkurflugvelli á næstunni og einnig víðar um land.



Vélarnar eru aðeins 10 daga gamlar og voru þær varla komnar af færibandinu er hópurinn kom til þess að sækja vélarnar í verksmiðjurnar í Vero Beach en verið var að leggja lokahönd á að setja merkingarnar á skrokkinn þegar þangað var komið.

Flugmennirnir fjórir, Óli Öder, Hákon Öder Einarsson, Sigurður Ásgeirsson og Andri Jóhannesson, stilla sér upp fyrir framan TF-IFI í blíðunni í dag



Koma sér vel í blindflugskennslu

Flugvélarnar verða notaðar við blindflugskennslu hjá Flugskóla Íslands í atvinnuflugmannsnámi og eiga þær sérstaklega eftir að nýtast vel í samtvinnaða atvinnuflugmannsnáminu.

Baldvin Birgisson, skólastjóri Flugskóla Íslands, segir í samtali við Alltumflug.is að það sé mjög góð tilfinning að fá nýju flugvélarnar heim.

Baldvin Birgisson, skólastjóri Flugskóla Íslands

„Við fengum þessar vélar á 6 mánuðum frá því þær voru pantaðar en í dag er annars 2 ára bið hjá Piper Aircraft“, segir Baldvin en skólinn náði að fá afhendingarpláss þar sem annar viðskiptavinur hafði hætt við.

„Þetta er eitthvað sem okkur hefur lengi dreymt um sem er að fá fullkomnar vélar til þess að æfa blindflug og cross-country flug. Núna er miklu meira blindflug í „intergrated“ náminu sem við erum með og grunnblindflugið verður kennt á þessar vélar“, segir Baldvin.

Hafa flugþol upp á 8 klukkustundir

Með Piper-flughermi og tveggja hreyfla Piper Seminole flugvél mun Flugskóli Íslands geta boðið upp á Piper-umhverfi í allri blindflugskennslu.

Þá verður eldsneytiskostnaðurinn einnig lægri samanborið við sambærilegar vélar en nýju Piper Archer DX vélarnar eyða aðeins 5 gallonum á klukkustund sem skilar 850 mílna drægni (1.570 km) á fullum tönkum með flugþol upp á 8 tíma.

Aldrei kom til greina að flytja flugvélarnar til landsins í gámi en Baldvin segir að skoðaður var sá möguleiki að setja ferjutank í vélarnar en þær hafa 8 klukkustunda flugþol þannig ekki þurfti að breyta vélunum neitt fyrir ferjuflugið til Íslands.

Alls var ferðalagið um 4.800 mílur sem samsvarar 8.889 kílómetrum

„Þær eru búnar að fljúga núna 4.800 sjómílur á leiðinni heim. Flogið á hverjum degi og 47 klukkutímar frá Vero Beach verksmiðjunni í Flórída um austurströndina, Labrador, Kanada og yfir um Grænland“, segir Baldvin.

„Piper kom alltaf til greina frá upphafi“

„Hún kom alltaf til greina og við vorum búnir að skoða markaðinn mjög vel. Valið hjá okkur stóð á milli þessarar og Skyhawk sem hefði legið við þar sem við höfum þær ennþá í dag. En við töldum þessa hafa vinninginn þar sem Seminolinn og flughermirinn eru einnig Piper“, segir Baldvin.

Piper Archer DX er nýjasta kynslóð af Archer-vélinni sem kom fyrst á markaðinn sem Piper Challenger árið 1971 en nafni vélarinar var breytt í Archer þremur árum síðar.

Vélarnar eru búnar sparneytnum Continental CD-155 dísel mótor og koma með fullkomnum Garmin 1000 flugleiðsögutækjum með Aspen EFD 1000 flugleiðsögutæki til vara.

Stjórnklefinn í Piper Archer DX flugvélunum

Sigurður Ásgeirsson, sem var einn fjórmenninganna sem flugu vélunum heim, segir að margt áhugavert hafi orðið á vegi þeirra í ferðalaginu og þar á meðal sáu þeir ísbjörn.

„Við fórum bara úr algjörri „tropical paradís“ yfir í heimskautabyggð og það var virkilega gaman að sjá breytinguna á landslaginu á ferðinni. Það vantaði bara 1.000 kílómetra upp á að við værum komnir á Norðurpólinn“, segir Sigurður Ásgeirsson í samtali við Alltumflug.is sem var ekki að fara í sitt fyrsta ferjuflug en lengsti leggur ferðarinnar var frá Wilmington í Norður-Karólínu til Syracuse í New York.

Það kom ýmsilegt upp á í ferðinni en þó ekkert sem tengdist fluginu sjálfu þar sem flugið gekk allan tímann mjög vel fyrir sig en verst var þó veðrið á leiðinni á milli Baffinseyju og Grænlands og þá var lægð og töluverð ókyrrð á milli Grænlands og Íslands.

Báðar flugvélarnar verða teknar í notkun í flugkennslu í næstu viku

Til stóð að lenda á Reykjavíkurflugvelli í gærkvöldi en þar sem flugvélarnar komu rétt fyrir miðnætti til landsins, og Reykjavíkurflugvöllur lokar fyrir flugumferð klukkan 23:00, var þess í stað ákveðið að lenda í Keflavík.

Við tekur pappírsvinna hjá Samgöngustofu og á Baldvin von á því að flugvélarnar verði teknar í notkun í flugkennslu strax í næstu viku.

Hér að neðan má sjá myndir sem teknar voru er Piper Archer DX vélarnar tvær lentu á Reykjavíkurflugvelli í hádeginu en tveir slökkvibílar tóku á móti vélunum með vatnsboga eins og tíðkast þegar um sérstakt tilefnisflug er að ræða.

















































































  fréttir af handahófi

Hafa fengið 2.300 umsóknir frá flugmönnum á einni viku

22. október 2021

|

Nýja norska flugfélagið Norse Atlantic Airways segir að félaginu hafi borist gríðarlegur fjöldi af umsóknum frá flugmönnum sem óska eftir því að fá starf hjá félaginu.

Hafa fengið 2.300 umsóknir frá flugmönnum á einni viku

22. október 2021

|

Nýja norska flugfélagið Norse Atlantic Airways segir að félaginu hafi borist gríðarlegur fjöldi af umsóknum frá flugmönnum sem óska eftir því að fá starf hjá félaginu.

Emirates stefnir á að ráða yfir 6.000 starfsmenn

26. október 2021

|

Emirates stefnir á að ráða yfir 6.000 starfsmenn á næstu sex mánuðum þar sem félagið sér fram á mikla útrás í kjölfar þess að heimsfaraldurinn fer að líða undir lok.

  Nýjustu flugfréttirnar

AirBaltic íhugar A220-500 ef hún kemur á markaðinn

1. desember 2021

|

Flugfélagið airBaltic segir að verið sé að skoða möguleikann á því að leggja inn pöntun í Airbus A220-500 sem yrði lengsta útgáfan af A220 þotunni (CSeries) ef Airbus ákveður að hefja framleiðslu á þ

Fyrsta DHC-8-400 vélin afhent til nýja Flybe

30. nóvember 2021

|

Flybe hefur færst skrefi nær því að hefja aftur áætlunarflug með fyrstu de Havilland DHC-8-400 flugvélinni sem félagið hefur fengið afhenta en lágfargjaldafélagið breska var eitt af fyrstu flugfélögu

Laumufarþegi lifði af dvöl í hjólarými í 33.000 fetum

29. nóvember 2021

|

Laumufarþegi, sem hafði dúsað í tvær og hálfa klukkustund í hjólarými á Boeing 737-800 þotu hjá American Airlines, lifði af flugferð í 33.000 fetum yfir Mexíkflóann sl. helgi og var heill á húfi er s

Farþegaflug í millilandaflugi í Asíu enn í mikilli lægð

29. nóvember 2021

|

Farþegaflug í millilandaflugi til og frá Asíu og um Kyrrahafssvæðið er enn í tölvuverðri lægð vegna heimsfaraldurins og kemur fram að tiltölulega lítil aukning hafi orðið á farþegum á undanförnum mis

Enn og aftur reynt að stofna nýtt flugfélag í Nígeríu

29. nóvember 2021

|

Enn og aftur stendur til að koma á fót nýju þjóðarflugfélagi í Nígeríu en Hadi Sirika, flugmálaráðherra landsins, segir að verið sé að undirbúa stofnun flugfélagsins Nigeria Air.

Augnskannatækni til að skima fyrir þreytu meðal flugmanna

24. nóvember 2021

|

Fyrirtækið Collins Aerospace hefur hafið samstarf við ástralska fyrirtækið Seeing Machines um möguleikann á því að nota augnskanna til að skima fyrir þreytu meðal flugmanna og fylgjast með augnhreyfin

BA hótar að minnka umsvif sín á Heathrow-flugvelli

22. nóvember 2021

|

British Airways hefur hótað því að draga úr umsvifum sínum á Heathrow-flugvellinum ef yfirvofandi hækkun á flugvallargjöldum verður að veruleika.

Ónýt og óflughæf Sukhoi-þota til sölu á uppboði

21. nóvember 2021

|

Farþegaþota af gerðinni Sukhoi Superjet 100 verður seld á uppboði í Rússlandi á næstunni en þotan er skemmd eftir óhapp sem átti sér stað í lendingu árið 2018 á flugvellinum í rússnesku borginni Yaku

Samið um framkvæmdir á nýrri akbraut flugvéla í Keflavík

20. nóvember 2021

|

Isavia undirritaði í gær samning við Ístak um gerð nýrrar 1.200 metra akbrautar fyrir flugvélar á Keflavíkurflugvelli og næsta áfanga nýrrar austurálmu Flugstöðvar Leifs Eiríkssonar.

Isavia hlýtur ISO 14001 umhverfisvottun

18. nóvember 2021

|

Isavia ohf. hlaut á dögunum ISO 14001 umhverfisvottun. Við innleiðingu á þessum umfangsmikla umhverfisstjórnunarstaðli voru umhverfisþættir í starfsemi fyrirtækisins greindir, komið á vöktun og stýrin

 síðustu atvik

  2019-01-01 20:20:00