flugfréttir
Stofnandi easyJet í mál við tvö flugfélög með svipuð nöfn
- Höfðar mál gegn EasySky og stefnir á slíkt hið sama með Easyfly í Kólombíu
Sir Stelios Haji-loannou stofnaði easyJet árið 1995 og er félagið í dag eitt stærsta lágfargjaldaflugfélag heims
Stofnandi easyJet, Sir Stelios Haji-loannou, sakar nú flugfélag eitt í Hondúras um stuld á höfundarétti með því að nota nafn sem svipar of mikið til lágfargjaldafélagsins breska.
Stelios og fyrirtækið hans, easyGroup Holdings, hefur höfðað mál og fyrirskipað EasyJet og móðurfélagi þess, Global Air,
til þess að hætta að nota forskeytið „Easy“ í nafni félagsins þar sem það er villandi fyrir viðskiptavini easyJet.
Hæstiréttur Bretlands hefur fyrirskipað EasySky til þess að breyta nafninu og nota eitthvað sem byrjar ekki á „easy“ en
félagið þarf þá að breyta markaðsímynd sinni með því að mála yfir nafnið á öllum flotanum og breyta nafninu
á vefsíðu sinni, skiltum og á samfélagsmiðlum.
Stelios Haji-loannou fer fram á að EasySky breyti um nafn á flugfélaginu
„Þetta flugfélag hefur ekkert með easyJet að gera en sumir viðskiptavinir gætu ruglast á því og þar af leiðandi
er þetta stuldur á vöruheiti“, segir talsmaður easyJet.
Ef EasySky bregst ekki við kröfu easyJet gæti félagið átt yfir höfðu sér refsingar í formi sektar og eigur þeirra
gerðar upptækar en lokaniðurstaða frá breskum dómstólum er að vænta síðar í haust.
EasySky er lágfargjaldaflugfélag í Hondúras en félagið hefur í dag aðeins eina þotu í flotanum af gerðinni Canadair CRJ-100
sem er kyrrsett á flugvellinum í Tegucigalpa en móðurfélagið, Global Air, stefnir á að koma rekstrinum aftur í gang á næstunni.
Þá ætlar Stelios Haji-loannou einnig að fara í mál við flugfélagið Easyfly í Kólombíu sem einnig notar svipað
nafn og easyJet en það félag er einnig lágfargjaldafélag sem hefur sextán flugvélar í flota sínum af gerðinni
British Aerospace Jetstream 41 auk ATR skrúfuþotna.
EasyGroup hefur einkaleyfi fyrir notkun á forskeytinu „easy“ er kemur að rekstri flugfélaga.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.