flugfréttir

Icelandair til Evrópu fyrir hádegi og Ameríku að kvöldi til

- Nýr tengibanki í leiðakerfi Icelandair

10. september 2018

|

Frétt skrifuð kl. 16:20

Boeing 757 þotur Icelandair á Keflavíkurflugvelli

Icelandair hefur hafið sölu á flugi til fjölmargra áfangastaða á brottfarartímum sem ekki hafa áður verið í boði hjá félaginu.

Um er að ræða breytingu á leiðakerfi félagsins sem felst í því að auk núverandi tengitíma á Keflavíkurflugvelli, snemma morguns og síðdegis, verður frá og með maí 2019 boðið upp á flug til Evrópuborga um kl. 10:30 að morgni og til Norður-Ameríkuborga um kl. 20.00 að kvöldi.

Tilgangur breytinganna er að skapa félaginu ný tækifæri til vaxtar, bæta þjónustu við farþega og auka sveigjanleika. Ekki er svigrúm til að bæta við flugi eða farþegum á Keflavíkurflugvelli á háannatímanum að morgni og síðdegis, en á nýju brottfarartímunum er nægt rými í flugstöðinni, við brottfararhlið og á flughlöðum. Að auki verða til nýir tengimöguleikar fyrir farþega á leið yfir Atlantshafið milli þessara tveggja tengibanka.  

„Þessi breyting, sem verið hefur í undirbúningi um hríð, er nýr áfangi í framtíðarvexti félagsins“, segir Bogi Nils Bogason, forstjóri Icelandair Group. „Við erum að þróa tengimöguleika okkar núverandi leiðakerfis en auk þess að koma inn á markaðinn með nýja þjónustu. Fyrir Íslendinga getur t.d. verið þægilegt að þurfa ekki að vakna snemma á morgnana fyrir Evrópuflug, og einnig að fljúga vestur um haf að kvöldi til. Við erum jafnframt að horfa til þess að laga það ójafnvægi sem var í leiðakerfinu á árinu 2018.“  

„Látrabjarg“, Boeing 737 MAX þota Icelandair

Breytingin tengist einnig endurnýjun flugflota Icelandair, en félagið tekur á móti sex nýjum Boeing MAX þotum snemma á næsta ári til viðbótar við þær þrjár sem komu á þessu ári. „Nýr floti styður við þessa breytingu á leiðakerfinu. Nýtingin á flugvélunum mun aukast en um leið léttir þetta álagið á Keflavíkurflugvelli og þjónusta við farþega verður betri.

Skapar ný markaðstækifæri og eykur tengimöguleika fjarlægari borga í Evrópu

Endanleg flugáætlun fyrir árið 2019 liggur ekki fyrir, enn er verið að greina hvort nýir áfangastaðir bætast við og hvort hætt verði flugi til einhverra af núverandi áfangastöðum. Jafnframt erum við að skoða tíðni til núverandi áfangastaða og hafa því ekki verið teknar ákvarðanir varðandi vöxt á næsta ári.“, segir Bogi Nils.  

Endanleg flugáætlun félagsins verður birt þegar hún liggur fyrir. Nýi tengibankinn verður nokkru minni en aðaltengibankinn. Boðið verður upp á flug til Evrópuborga um klukkan 10:30 og flug frá sömu borgum munu lenda á Keflavíkurflugvelli um kl 18:30.

Þær borgir í Evrópu sem búið er að ákveða að fari inn í þennan tengibanka eru Frankfurt, München, Amsterdam, Kaupmannahöfn, Stokkhólmur, Ósló, París, Brussel, Berlín, Hamborg og Zürich. Einnig verður áfram flogið til þessara borga á sama tíma og undanfarin ár. Flogið verður til Norður-Ameríkustaða um kl. 20:00 og flug frá þeim borgum muni lenda á Íslandi um kl. 09:30 að morgni. Borgirnar eru Boston, New York, Washington, Chicago, Minneapolis og Toronto.







  fréttir af handahófi

Antonov An-124 fer aftur í framleiðslu

16. janúar 2019

|

Flugvélaframleiðandinn Antonov hefur ákveðið að hefja aftur framleiðslu á flutningavélinni Antonov An-124 og það án aðstoðar frá Rússum en risavöruflutningavélin var upphaflega smíðuð á tímum Sovíetrí

Rússar tilbúnir að ræða við Hollendinga um flug MH17

9. febrúar 2019

|

Stjórnvöld í Rússlandi segjast vera tilbúin til þess að ræða við yfirvöld í Hollandi vegna flugs malasísku farþegaþotunnar, flug MH17, sem var skotin niður yfir Úkraínu fyrir fimm árum síðan, í júlí

Kona hljóp nakin inn á flugbraut í Suður-Karólínu

12. febrúar 2019

|

Loka þurfti fyrir flugumferð á flugvellinum í bænum Florence í Suður-Karólínu í Bandaríkjunum sl. sunnudag eftir að tilkynnt var um konu sem hljóp nakin um flugvallarsvæðið.

  Nýjustu flugfréttirnar

Flugvöllur til sölu á 257 milljónir

16. mars 2019

|

Fasteignasala ein í Bandaríkjunum hefur fengið umboð til þess að selja heilan flugvöll sem er nú til sölu fyrir 257 milljónir króna.

Avianca hættir við pöntun í 17 þotur frá Airbus

16. mars 2019

|

Kólumbíska flugfélagið Avianca hefur hætt við pöntun í 17 þotur úr Airbus A320neo fjölskyldunni sem var hluti af pöntun í 100 þotur sem flugfélagið lagði inn til Airbus árið 2015.

Stýrisstillar þotunnar virðast hafa verið í óeðlilegri stöðu

16. mars 2019

|

Flugslysasérfræðingar í Eþíópíu hafa fundið hluta af stélfleti Boeing 737 MAX þotu Ethiopian Airlines, sem fórst þann 10. mars sl. og kemur fram að stýrisstillar („trim“) á stélfletinum hafa verið í

Lufthansa ætlar að selja sex risaþotur til Airbus

14. mars 2019

|

Lufthansa hefur tilkynnt að flugfélagið þýska ætli sér að losa sig við að minnsta kosti sex Airbus A380 risaþotur sem verða seldar aftur til Airbus.

Flugritarnir sendir til Frakklands

14. mars 2019

|

Rannsóknarnefnd flugslysa í Frakklandi hefur verið valin til þess að taka að sér rannsókn á gögnum úr flugritum Boeing 737 MAX þotu Ethiopian Airlines sem fórst skömmu eftir flugtak þann 10. mars sl.

Færri en 20 Boeing 737 MAX þotur á flugi

13. mars 2019

|

Aðeins voru 23 flugvélar af gerðinni Boeing 737 MAX í loftinu í öllum heiminum í kvöld kl. 20:34 samkvæmt Flightradar24.com en kl. 20:50 hafði þeim fækkað niður í 18 þotur.

Bandaríkin kyrrsetja 737 MAX

13. mars 2019

|

Donald Trump, Bandaríkjaforseti, lýsti því yfir rétt í þessu að Hvíta Húsið hafi fari fram á að Boeing 737 MAX þotur í Bandaríkjunum verði líka kyrrsettar en bandarísk flugfélög á borð við Southwest

Íhuga að selja eða hætta rekstri Malaysian

13. mars 2019

|

Ríkisstjórn Malasíu leitar nú aftur leiða til þess að selja rikisflugfélagið Malaysian Airlines.

Slóu 34 ára gamalt hraðamet yfir Atlantshafið á Socata TBM 930

12. mars 2019

|

Tveir flugmenn settu sl. helgi nýtt heimsmet er kemur að flughraða er þeir flugu yfir Atlantshafið frá New York til Parísar á einshreyfils flugvél af gerðinni Socata TBM 930.

Hundraðasti Trent XWB hreyfillinn afhentur

12. mars 2019

|

Rolls-Royce afhenti á dögunum hundraðasta Trent XWB hreyfilinn frá hreyflaverksmiðjunum í Dahlewitz í Þýskalandi.