flugfréttir
Boeing 737 þota fór í sjóinn við eyju í Kyrrahafi
- Fór í sjóinn í aðflugi að flugvellinum á Weno-eyju í Míkrónesíu
Flugvélin fór í sjóinn skömmu eftir miðnætti í gær að íslenskum tíma þegar hún var í aðflugi að flugvellinum á eyjunni Weno í Kyrrahafi
Allir komust lífs af er farþegaþota af gerðinni Boeing 737-800 frá flugfélaginu Air Niugini brotlenti í sjónum við Chuuk-alþjóðaflugvöllinn á Weno-eyju í Míkrónesíu í Kyrrahafi um miðnætti í gær að íslenskum tíma.
Vélin var í áætlunarflugi frá Pohnpei í Míkrónesíu til Port Moresby á Papúa-Nýju Gíneu með viðkomu á eyjunni Weno með 35 farþega og tólf manna áhöfn innanborðs þegar slysið gerðist
en vélin var á lokastefnu að flugbrautinni í mikilli rigningu þegar hún fór í sjóinn í um 145 metra fjarlægð undan ströndinni fyrir framan brautarendann.
Flugvélin var rýmd í sjónum og náðu farþegar að koma sér frá borði en margir tók sundsprett og syntu í land á meðan aðrir
fóru í báta og björgunarbáta.
Um borð í vélinni voru 36 farþegar og tólf manna áhöfn og komust allir lífs af
Mörgum ljósmyndum af atvikinu hefur verið dreift á samfélagsmiðla og víðar á Netið sem sýna flugvélina marra í
hálfu kafi en vélin var síðar komin öll ofan í sjóinn.
Veður á flugvellinum var slæmt, úrhellisrigning eins og áður kom fram með skúraskýjum sem voru að færast
yfir eyjuna og var skyggni lélegt.
Boeing 737-800 þotan var á leigu frá Loftleiðir-Icelandair sem hafði framleigt vélinna frá flugvélaleigunni Avolon
Flugvélin, sem bar skráningarnúmerið P2-PXE, var á leigu hjá Loftleiðir-Icelandic, dótturfélagi Icelandair Group en vélin
var framleigð til Air Niugini frá flugvélaleigunni Avolon.
„Hugur okkar er hjá farþegum og áhafnarmeðlimum vélarinnar á þessari stundu ásamt fjölskyldumeðlimum þeirra. Loftleiðir-Icelandic munu veita alla aðstoð sem Air Niugini þarf á að halda vegna atviksins. Þrátt fyrir að um alvarlegan atburð sé að ræða gerir félagið ekki ráð fyrir að Loftleiðir-Icelandic
muni verða fyrir verulegu fjárhagslegu tjóni vegna atviksins“, segir í tilkynningu frá Icelandair Group.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.