flugfréttir
Farþegaþota fórst í Indónesíu í nótt
- Boeing 737 MAX frá Lion Air fórst skömmu eftir flugtak frá Jakarta
29. október 2018
|
Frétt skrifuð kl. 10:41
Björgunarbátar hafa fundið brak úr vélinni í sjónum skammt norðaustur af Jakarta
Farþegaþota af gerðinni Boeing 737 MAX fórst skömmu eftir flugtak í Indonesíu í nótt.
Þotan var frá flugfélaginu Lion Air og var hún nýfarin í loftið frá flugvellinum í Jakarta áleiðis til borgarinnar Pangkal Pinang þegar hún hvarf af ratsjá 13 mínútum eftir flugtak er hún var komin í 5.400 feta hæð.
Björgunarlið á bátum og skipum hafa fundið líkamsleifar í sjónum og brak úr vélinni skammt norðvestur af Jakarta og telja índónesísk stjórnvöld að enginn hafi komist lífs af.
Þotan, sem bar skráninguna PK-LQP, var afhent til Lion Air þann 15. ágúst í haust og nýskráð í sama mánuði og var hún því tæplega 2 mánaða gömul. Er þetta því fyrsta flugslysið í sögu Boeing 737 MAX sem kom á markað árið 2017.
Sjómaður á dráttarbáti, sem var á svæðinu skammt norður af Jövu, sagðist hafa séð er þotan hætti að klifra og féll til jarðar ofan í hafið.
Kafarar er nú að undirbúa neðansjávarleit en hafdýpið á svæðinu eru um 30 til 35 metrar.
Ekkert neyðarkall barst frá vélinni en flugmaðurinn óskaði eftir því að snúa við til Jakarta skömmu áður en sambandið rofnaði.
Fram kemur að bilun hafi komið upp í vélinni flugið áður og var vélin í viðgerð seinustu nótt. Óstaðfestar heimildir herma að sú bilun hafi varðað óáreiðanlegan flughraða sem kom upp og bar stjórntækjum ekki saman um upplýsingar með hraðann.
Um borð í vélinni voru 181 farþegi, tveir flugmenn og fimm flugfreyjur og flugþjónar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
