flugfréttir

Þotan ein af þeim 240 þotum sem Lion Air pantaði

- Félagið átti eitt sinn heimsmetið „stærsta flugvélapöntun sögunnar“

29. október 2018

|

Frétt skrifuð kl. 13:51

Boeing 737 MAX 8 þotan sem fórst, PK-LQP, sést hér á athafnasvæði Boeing fyrir afhendingu í sumar

Boeing 737 MAX 8 þotan sem fórst í Jövuhaf skömmu eftir flugtak frá Soekarno-Hatta flugvellinum í Jakarta í nótt var ein af þeim 240 þotum sem indónesíska lágfargaldafélagið pantaði fyrir sjö árum síðan.

Ekkert flugfélag í heiminum hefur pantað eins margar Boeing 737 MAX þotur á einu bretti líkt og Lion Air sem lagði inn pöntun í 230 eintök árið 2011 með pöntun í tíu þotur til viðbótar en Southwest hefur lagt inn nokkrar pantanir í Boeing 737 MAX upp á samtals 250 eintök sem gerir það félag stærsta viðskiptavininn er kemur að Boeing 737 MAX.

Lion Air á von á að fá 230 eintök af Boeing 737 MAX til viðbótar á næstu árum sem skiptist niður í 190 þotur af gerðinni Boeing 737 MAX 8 og MAX 9 og fimmtíu þotum af gerðinni Boeing 737 MAX 10 en félagið hefur í dag fengið 10 Boeing 737 MAX 8 afhentar en er nú með níu þotur eftir slysið í nótt.

Pöntun Lion Air árið 2011 var sú næststærsta í sögu flugsins er kemur að fjölda flugvéla sem pantaðar eru á einu bretti og var pöntunin þá metin á tvö þúsund sjöhundruð sextíu og fimm milljarða króna.

Lion Air átti heimsmetið „stærsta flugvélapöntun sögunnar“ í sex ár eða þar til fyrirtækið Indigo Partners lagði inn pöntun í fyrra í 430 þotur á einu bretti til Airbus í 273 Airbus A320neo þotur og 157 Airbus A321neo þotur.

Lion Air var lengi á bannlista í Evrópu og mátti félagið ekki fljúga til neins Evrópulands vegna flugslysasögu sinnar en banninu var aflétt í júní árið 2016.

Talið að enginn hafi komist lífs af

Talið er að enginn hafi komist lífs af úr flugslysinu í nótt en 189 manns voru um borð í vélinni og þar af átta manna áhöfn en nú þegar er búið að finna sjö lík í sjónum auk braks.

Björgunarskip skammt undan ströndum Jövu í dag við leit að flakinu



Umfangsmikil leit stendur yfir að flaki vélarinnar sem liggur á um 35 metra dýpi í hafinu og er það nægilega grunnt fyrir kafara til að komast að því.

Þotan fór í loftið frá Jakarta klukkan 23:20 í gærkvöldi að íslenskum tíma en flugumferðarstjórar misstu samband við flugvélina klukkan 23:33 skömmu eftir að flugmennirnir höfðu beðið um að fá að snúa við flugvallarins.

Flugstjórinn með 6.000 flugtíma að baki

Flugstjóri vélarinnar hét Bhavye Suneja og hafði hann 6.000 flugtíma að baki en fram kemur að hann hafi verið mjög mikill áhugamaður um allt sem tengdist flugi og elskaði starfið sitt.

Suneja hafði unnið hjá Lion Air í sjö ár en hann gekkst til liðs við flugfélagið árið 2011 en þar á undan hafði hann flogið fyrir Emirates.

Flugstjóri vélarinnar, Bhavye Suneja, hafði starfað hjá Lion Air frá árinu 2011

Aðstoðarflugmaðurinn, Harvino, hafði 5.000 flugtíma að baki en flugfreyjur og flugþjónar um borð hétu Shintia Melina, Citra Noivita Anggelia, Alviani Hidayatul Solikha, Damayanti Simarmata, Mery Yulianda, og Deny Maula.

Meðal farþega voru tuttugu starfsmenn á vegum fjármálaráðuneytis Indónesíu, þrír hæstaréttadómarar auk eins flugmanns frá Indlandi og einn ítalskur ferðamaður.

Flugslys hjá Lion Air hafa verið frekar tíð og hefur að meðaltali átt sér stað um eitt atvik eða flugslys á ári hjá félaginu og í sex af þeim hefur Boeing 737-800 og Boeing 737-900 átt hlut að máli en nokkrar af þeim hafa eyðilagst í þeim slysum og óhöppum.

Ekki er enn vitað hvað olli slysinu í nótt en þetta er í fyrsta sinn sem Boeing 737 MAX þotan lendir í flugslysi en aðeins eru 17 mánuðir frá því Boeing afhenti fyrsta eintakið sem fór til Malindo Air í Indónesíu.







  fréttir af handahófi

Korean Air stefnir á aukið millilandaflug á ný

11. maí 2020

|

Korean Air hefur tilkynnt að félagið mun hægt og rólega hefja aftur millilandaflug frá og með 1. júní næstkomandi þar sem einhver lönd eru að byrja að opna aftur landamæri sín með afléttingu á ferða

Þyrla brotlenti eftir að farþegi fékk að prófa að stýra

20. mars 2020

|

Samgönguöryggisnefnd Bandaríkjanna (NTSB) hefur gefið frá sér lokaskýrslu varðandi þyrluslys sem átti sér stað árið 2018 er flugmaður þyrlu af gerðinni Hughes 269 leyfði farþega að spreyta sig á því

Rekstrarfé Norwegian verður á þrotum um miðjan maí

27. apríl 2020

|

Stjórn norska flugfélagsins varar við því að ef félagið fær ekki aðstoð í formi fjármagns á næstunni verður rekstarfé félagsins á þrotum um miðjan næsta mánuð.

  Nýjustu flugfréttirnar

Emirates SkyCargo flýgur með frakt til 30 nýrra áfangastaða

2. júní 2020

|

Emirates SkyCargo, fraktflugfélag Emirates, hefur aukið umsvif sín til muna frá því í mars í kjölfar kórónaveirufaraldursins og hefur áfangastöðum félagsins fjölgað töluvert.

Lækka skatta fyrir flugfélög á Grikklandi

1. júní 2020

|

Ríkisstjórnin á Grikklandi hefur ákveðið að verja 115 milljónum evra í obinbera aðstoð og björgunaraðgerða til flugiðnaðarins í landinu sem samsvarar 17 milljörðum króna.

Stefna á að bjarga South African í stað stofnun nýs flugfélags

1. júní 2020

|

Svo gæti farið að rekstri South African Airways sé mögulega bjargað fyrir horn en erlendir fréttamiðlar hafa birt gögnum sem lekið var í morgun sem sýna björgunaráætlun suður-afrísku ríkisstjórnarin

Láta af hendi 48 lendingarpláss í Frankfurt og Munchen

1. júní 2020

|

Stjórn Lufthansa hefur samþykkt að uppfylla kröfur þýska ríkisins og láta af hendi lendingar- og afgreiðslupláss á flugvöllunum í Frankfurt og í Munchen í skiptum fyrir fjárhagsaðstoð upp á 9 milljar

Um 60.000 störf í hættu ef SmartWings fer í gjaldþrot

29. maí 2020

|

Óttast er að það gæti haft áhrif á allt að 60.000 störf sem eru í hættu ef tékkneska fyrirtækið SmartWings Group verður gjaldþrota en fyrirtækið á meðal annars flugfélagið Czech Airlines.

Kínversk flugfélög fljúga fleiri flugferðir en þau bandarísku

29. maí 2020

|

Fleiri flugferðir áttu sér stað í farþegaflugi í Kína í maí heldur en í Bandaríkjunum og er þetta í fyrsta sinn sem farþegaflugið í Kína nær farþegafluginu í Bandaríkjunum er kemur að fjölda flugferð

Lenti á lokaðri flugbraut til þess að komast á ströndina

29. maí 2020

|

Slökkvilið á herflugvelli í Wales í Bretlandi þurfti að hafa afskipti af flugmann einum sl. mánudag eftir að hann lenti flugvél sinni þrátt fyrir að flugvöllurinn var lokaður.

Umhverfisvænni aðferð prófuð til að aka flugvélum á Schiphol

28. maí 2020

|

Hollenska flugfélagið KLM Royal Dutch Airlines hefur hafið tilraunir með sjálfbæra tækni við akstur flugvéla á Schiphol-flugvellinum í Amsterdam.

EasyJet stefnir á að segja upp um þriðjung starfsfólks

28. maí 2020

|

Breska lágfargjaldafélagið easyJet segir að til standi að segja upp um 30 prósent af öllu starfsfólki á næstunni sem samsvarar 4.500 starfsmönnum og þá stendur einnig til að fækka flugvélunum í flot

American hætt við að sækja um gjaldþrotavernd

27. maí 2020

|

American Airlines er hætt við áform um að sækja um gjaldþrotavernd og greiðslustöðvun en Doug Parker, framkvæmdarstjóri félagsins, segir að eftirspurnin hafi verið að aukast sl. daga.

 síðustu atvik

  2019-01-01 20:20:00