flugfréttir

Aldrei fleiri konur í atvinnuflugnámi Keilis

- 20% flugnema í atvinnuflugmannsnámi hjá Keili eru konur

4. nóvember 2018

|

Frétt skrifuð kl. 17:26

20% nema í atvinnuflugnámi Keilis eru nú konur en konur eru einungis um 7% starfandi flugmanna á landinu í dag.

Aldrei áður hafa eins margar konur stundað atvinnuflugmannsnám við Flugakademíu Keilis líkt og nú en einn af hverjum fimm, sem stunda flugnám hjá Keili í dag, eru kvenmenn.

Á undanförnum árum hefur kvenkyns nemendum í atvinnuflugi fjölgað ört og eru þær nú um fimmtungur heildarfjölda flugnema hjá Keili. Hlutdeild útskrifaðra kvenna úr atvinnuflugmannsnámi Flugakademíu Keilis er hinsvegar einungis um 12% frá því að skólinn hóf starfsemi fyrir um tíu árum síðan og var hægt að telja fjölda þeirra í skólanum á fingrum annarrar handar fyrstu árin.

Svo virðist sem aukinn áhugi sé á flugnámi meðal kvenna en í haust lögðu samtals 37 konur stund á atvinnuflugnám í Keili og hefur hlutfall þeirra aldrei verið hærra. Má segja að um vitundarvakningu sé að ræða þar sem ungar konur sækja meira í hin hefðbundnu karllægu störf en áður.

Einungis um 5% atvinnuflugmanna á heimsvísu eru konur og er því langt í land með að jafna hlutfall þeirra í stjórnklefanum. „Skortur á kvenkyns flugmönnum í atvinnuflugi leiðir af sér að ungar stelpur halda að það sé eitthvað sem aftrar þeim frá því verða atvinnuflugmenn. Mig langar til að breyta því“, sagði Telma Rut Frímannsdóttir í ræðu sinni við útskrift atvinnuflugnema Keilis þann 8. júní síðastliðinn.

Hvetur ungar konur til að verða atvinnuflugmenn

Skortur á hlutdeild kvenna í atvinnuflugi gefur ungum konum þá mynd að það sé eitthvað sem stríði gegn því að þær geti orðið atvinnuflugmenn í framtíðinni. „Ég vil breyta því. Ég er stolt af því að verða atvinnuflugmaður og ég vil hvetja ungar konur að verða atvinnuflugmenn einnig. Því þær geta það svo sannarlega“, sagði Thelma Rut.

Rut Sigurðardóttir, ljósmyndari, tók þessar myndir af kvenkyns nemendum Flugakademíu Keilis í byrjun nóvember.

Sá tími er sem betur fer liðinn þegar staðalímyndin sýndi konur í þjónustustörfum meðal farþega á meðan karlmenn sátu í stjórnklefanum. En betur má ef duga skal. Í dag eru samanlagt 807 flugmenn og flugstjórar starfandi í flugfélögum á Íslandi, þar af aðeins 57 konur eða um 7%.

Keilir fagnar aukinni hlutdeild kvenna í flugnámi

„Við hlökkum til að sjá kvenkyns flugnema Keilis breyta þessu hlutfalli í framtíðinni og erum þakklát að fá að leggja okkar af mörkum. Samfélagsleg kynhlutverk eiga ekki að halda aftur af draumum ungs fólks. Við í Keili tökum undir með Thelmu Rut og hvetjum konur til að kynna sér atvinnuflug sem framtíðar starfsvettvang“

Telma Rut Frímannsdóttir í yfirlandsflugi á Diamond DA20 kennsluvél Keilis

Einnig hefur orðið fjölgun meðal kvenfólks í atvinnuflugmannsnámi í öðrum löndum en fjölgunin er þó misjöfn eftir löndum. Mörg flugfélög hvetja konur sérstaklega til þess að sækja um og þar á meðal easyJet sem stefnir á að hækka hlutfall kvenna í stjórnklefanum umtalsvert á næstu árum.

Um 4% atvinnuflugmanna í Bretlandi og Bandaríkjunum eru konur og er hlutfallið aðeins hærra á Íslandi en í fyrra voru 6.994 kvenkyns atvinnuflugmenn sem störfuðu hjá flugfélögum í Bandaríkjunum.

Hæst er þó hlutfallið á Indlandi en þess má geta að hjá flugfélaginu IndiGo eru tæp 14% flugmanna konur.

Fleiri myndir:













  fréttir af handahófi

Icelandair kaupir WOW air

5. nóvember 2018

|

Stjórn Icelandair Group hefur gert kaupsamning um kaup á öllu hlutafé í flugfélaginu WOW air og eru kaupin m.a. gerð með fyrirvara um samþykki hluthafafundar Icelandair Group, samþykki Samkeppniseftir

Elsta Boeing 747-400 þota heims úr umferð í haust

23. ágúst 2018

|

Hollenska flugfélagið KLM Royal Dutch Airlines mun í nóvember taka úr umferð elstu núverandi Boeing 747-400 þotu heims en þotan, sem ber skráninguna PH-BFB, hefur verið í notkun í 29 ár.

Boeing 737 rann út af braut í Sochi í Rússlandi

1. september 2018

|

Að minnsta kosti 18 slösuðust er rússnesk farþegaþota af gerðinni Boeing 737-800 frá flugfélaginu UTAir rann út af braut í lendingu á flugvellinum í borginni Sochi í gærkvöldi.

  Nýjustu flugfréttirnar

KLM íhugar að kaupa Cessnur til að ferja varahluti og flugvirkja

12. nóvember 2018

|

Hollenska flugfélagið KLM Cityhopper skoðar nú möguleika á því að festa kaup á litlum flugvélum af gerðinni Cessna.

Alvarlegt atvik rannsakað þar sem flugmenn misstu alla stjórn

12. nóvember 2018

|

Verið er að rannsaka alvarlegt atvik sem átti sér stað í gær er flugmenn á Embraer E190 farþegaþotu frá Air Astana misstu stjórn á vélinni skömmu eftir flugtak frá flugvellinum í Lissabon.

Þróaði með sér flughræðslu við að fara af Q400 yfir á þotu

11. nóvember 2018

|

Dómstóll í Bretlandi hefur komist að þeirri niðurstöðu að flugfélagið Flybe fór ekki heiðarlega að máli eins flugmanns sem var rekinn frá félaginu eftir að hann þróaði með sér flughræðslu eftir að ha

Misstu stjórn á Embraer-þotu rétt eftir flugtak í Lissabon

11. nóvember 2018

|

Farþegaþota frá flugfélaginu Air Astana lýsti yfir neyðarástandi (7700) á fjórða tímanum í dag, rétt eftir flugtak frá flugvellinum í Lissabon í Portúgal, en flugmennirnir sögðu að þeir hefðu litla s

Air New Zealand og ATR í tæknisamstarf um nýjan aflgjafa

10. nóvember 2018

|

Flugvélaframleiðandinn ATR og Air New Zealand hafa gert með sér samning um samstarf um þróun á að nota blandaðan orkugjafa fyrir skrúfuflugvélar í farþegaflugi.

Flugstjóri hjá Air India féll í annað skipti á áfengisprófi

9. nóvember 2018

|

Air India hefur rekið yfirflugstjóra félagsins, sem er einnig yfirmaður yfir rekstrardeildinni, þar sem hann féll á áfengisprófi í annað sinn á einu ári rétt áður en hann átti að fljúga farþegaþotu f

Sigrún Björk Jakobsdóttir tekur við flugvallarsviði Isavia

8. nóvember 2018

|

Sigrún Björk Jakobsdóttir hefur verið ráðin framkvæmdastjóri flugvallasviðs Isavia og hefur hún störf 4. desember næstkomandi.

Tuttugu kyrrsettar þotur hjá Air India munu fljúga á ný

8. nóvember 2018

|

Tæplega tuttugu þotur af gerðinni Airbus A320, Airbus A319 og Airbus A321 í flota Air India munu hefja sig á næstunni til flugs eftir að hafa verið kyrrsettar vegna fjárhagserfiðleika félagsins.

Norwegian selur fimm nýjar Airbus A320neo þotur

7. nóvember 2018

|

Norwegian hefur ákveðið að selja fimm Airbus A320neo þotur og segir félagið að salan sé liður í að auka lausafjárstöðu félagsins og styrkja rekstur þess.

Áhöfn Ryanair sem svaf á gólfinu sagt upp störfum

7. nóvember 2018

|

Ryanair hefur rekið tvo flugmenn og fjórar flugfreyjur og flugþjóna vegna ljósmyndar sem birtist af þeim sofandi á gólfinu í starfsmannaherbergi á flugvellinum í Málaga í október en lágfargjaldafélag