flugfréttir
Nýir gallar koma í ljós á Brandenburg-flugvelli
- Kostnaðurinn nálgast 1.000 milljarða króna - Hæpið að hann opni árið 2021
Upphaflega stóð til að opna Brandenburg-flugvöllinn árið 2010
Allt bendir til þess að opnun nýja Brandenburg-flugvallarins í Berlín verði slegið á frest enn einu sinni en sennilega hefur opnun nýs flugvallar aldrei verið frestað eins oft og þessum sem ber IATA kóðann BER.
Fyrr á þessu ári var staðfest að Brandenburg-flugvöllur myndi opna loksins árið 2021 en samkvæmt gögnum
sem þýska dagblaðið Der Spiegel hefur undir höndum þá kemur fram að ólíklegt sé að hægt verði að opna flugvöllinn
eftir þrjú ár.
Í nýrri skýrslu um stöðu framkvæmdanna, sem stjórn flugvallarins hefur sent til byggingaryfirvalda, kemur
fram að nýir gallar hafi komið í ljós sem ekki hefur verið vitað um áður og bætist það ofan á langan lista af atriðum
sem þarf að laga áður en hægt er að taka flugvöllinn í notkun.
Fram kemur að um mjög alvarlega galla sé að ræða en flestir þeirra snúa að brunakerfi
flugstöðvarinnar en eins og stendur þá er eldvarnarkerfi, viðvörunarkerfi og vatnsúðunarkerfið í flugstöðinni
mjög ábótavant.
Enn fleiri gallar hafa komið í ljós á Brandenburg-flugvellinum sem átti að opna árið 2010
Lütke Daldrup, framkvæmdarstjóri flugvallarins, segir að nýju gallarnir sem hafa komið í ljós séu það
stórir að það verður krefjandi að halda áætlun um að opna flugvöllinn árið 2021 eins og nýjasta
opnunardagsetning segir til um.
Kostnaður við Brandenburg hefur aukist um 4,1 milljarða evra sem samsvarar 575 milljörðum króna
og er talið að heildarkostnaður við framkvæmdirnar sé að nálgast 930 milljarða og gæti hann hæglega
farið í 1.000 milljarða þegar upp er staðið.
Þess má get að sex sinnum er búið að fresta opnun flugvallarins sem upphaflega átti að opna árið 2010 og þá
er séð fram á að nauðsynlegt verður að stækka flugvöllinn enn frekar þar sem hann verður of lítill þegar hann
opnar þar sem flugumferð hefur aukist til muna þann tíma sem hann hefur verið ónothæfur.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.