flugfréttir

Tvö stór flugfélög á suðurhveli jarðar berjast í bökkum

- South African og Aerolineas Argentinas þurfa milljarða í aukið rekstarfé

28. nóvember 2018

|

Frétt skrifuð kl. 18:06

South African Airways og Aeronlineas Argentinas eiga bæði í mjög miklum erfiðleikum í rekstri

Tvö stór flugfélög á suðurhveli jarðar berjast nú í bökkum við að geta haldið rekstri sínum gangandi, annað flugfélagið í Suður-Ameríku og hitt í Afríku.

Annars vegar er um að ræða South African Airways sem segir að félagið þurfi um 67 milljarða króna í lán til að gera haldið daglegum rekstri gangandi áfram fram til ársins 2019 sem er rétt handan við hornið.

Fáir bankar í Suður-Afríku hafa sýnt áhuga á því að lána félaginu án þess að lánið sé tryggt frá suður-afrísku ríkisstjórninni sem segist ekki vilja setja meira fé í reksturinn.

South African, sem er 84 ára gamalt flugfélag, stofnað árið 1934, hefur ekki skilað inn hagnaði frá árinu 2011 og hefur félagið komist af með því að þiggja fjárveitingar frá ríkisstjórninni.

Félagið er fimmta stærsta flugfélag Afríku á eftir Air Algerie, Royal Air Maroc, EgyptAir og Ethiopian Airlines sem er það stærsta í álfunni.

Stjórn flugfélagsins hafði endurgert fjárhagsáætlun South African með áætlunum um að fækka starfsmönnum og segir að með þeirri áætlun geti félagið náð fram hagnaði árið 2021 en þrátt fyrir það vilja lánadrottnar ekki semja um skuldir og veita félaginu aftur aðgang að lánalínum svo félagið geti haldið áfram rekstri í desember.

Þá þyrfti South African fé upp á 35 milljarða króna til viðbótar í mars á næsta ári til að geta haldið rekstrinum gangandi áfram fram á sumar.

Þarf 124 millarða króna til að geta haldið áfram rekstri

Hitt flugfélagið sem um ræðir er Aerolineas Argentinas sem er einnig 5. stærsta flugfélagið í sinni heimsálfu á eftir Azul Linhas Aereas, Avianca, GOL og LATAM.

Framkvæmdarstjóri Aerolineas Argentinas hefur lýst því yfir að flugfélagið sé „tæknilega gjaldþrota“ en félagið hefur verið starfandi í 69 ár en það var stofnað árið 1949.

Félagið þarf á 124 milljörðum króna á að halda til að geta haldið áfram rekstri en ný stjórn félagsins segir að félaginu hafi verið illa stjórnað af fyrri stjórnendum og engin, skýr viðskiptaáætlun hafi verið í gangi.

Rekstur Aerolineas Argentinas var ríkisvæddur árið 2008 en verkalýðsfélög og farþegar hafa óttast framtíð félagsins og starfsmenn hafa óttast uppsagnir að undanförnu.

Félagið segir hinsvegar að nú sé aðaláherslan lögð á að halda uppi flugi til þeirra áfangastaða sem skila félaginu hagnaði og sé flugið frá Buenos Aires til New York loksins orðið arðbært en ekki er það sama að segja um margra áfangstaði í innanlandsflugi í Argentínu og til áfangastaða í öðrum löndum í Suður-Ameríku.

Iseal Costantini, framkvæmdarstjóri félagsins, segir að búið sé að gera nýja rekstaráætlun sem muni veita flugfélaginu aðgang að lánum á ný auk þess sem ímynd Argentínu sé mjög góð sem styrki traust landsins í augum annarra landa sem vita að landið greiðir alltaf skuldir sínar.







  fréttir af handahófi

Ætla að taka 737 MAX 10 og Dreamliner í stað 737 MAX 8

30. apríl 2019

|

Indónesíska flugfélagið Garuda Indonesia segist ætla að skipta út þeim Boeing 737 MAX 8 þotum, sem félagið hafði pantað, fyrir aðrar tegundir af farþegaþotum frá Boeing.

Qantas pantar 36 Airbus A321XLR þotur

19. júní 2019

|

Airbus fékk í morgun pöntun frá Qantas Group í Airbus A321XLR þotuna en félagið hefur ákveðið að breyta eldri pöntun í 26 Airbus A320neo þotur yfir í A321XLR auk þess sem félagið ætlar að panta 10 s

Fyrsta P-8A herflugvélin fyrir Bretland flýgur fyrsta flugið

16. júlí 2019

|

Fyrsta Boeing P-8A Poseidon herflugvélin fyrir breska flugherinn flaug sitt fyrsta flug á dögunum frá flugvellinum í Renton nálægt Seattle og markar þetta upphafið af flugprófunum með P-8A flugvélarn

  Nýjustu flugfréttirnar

Ryanair í stórt samstarf við flugskóla í Póllandi

22. júlí 2019

|

Ryanair hefur tilkynnt um samning um umfangsmikið flugnámsverkefni í Mið-Evrópu þar sem til stendur að þjálfa upp nýja flugmenn fyrir félagið í samstarfi við flugskólann Bartolini Air í Póllandi.

Fjölbreytt flóra á Flightradar24 í morgun

22. júlí 2019

|

Segja má að margar tegundir af flugi og flugvélar af flestum stærðum og gerðum hafi verið í loftinu á Flightradar24.com á ellefta tímanum morgun í kringum og við Ísland enda viðrar bæði vel til flugs

SAS sendir „ljóta andarungann“ í niðurrif

22. júlí 2019

|

SAS (Scandinavian Airlines) hefur sent fyrstu Airbus A340 breiðþotuna í brotajárn en þotan sem félagið hefur losað sig við er LN-RKP sem flogið hefur undir nafninu „Torfinn Viking“.

Kyrrsettar í kjölfar flugslyss í Svíðþjóð

22. júlí 2019

|

Flugmálayfirvöld nokkurra ríkja og landa hafa farið fram á kyrrsetningu á flugvélartegund af gerðinni GippsAero GA8 Skyvan, sömu gerðar og sú sem fórst í Svíðþjóð þann
14. júlí sl. með þeim afle

Airbus á von á pöntun í yfir 100 þotur frá Air France

21. júlí 2019

|

Airbus er sagt vera á lokasprettinum með að ná samningi við Air France um stóra pöntun í allt að sjötíu Airbus A220 þotur (CSeries) auk tugi þotna af gerðinni Airbus A320neo.

Disney stefnir á stofnun flugfélags

21. júlí 2019

|

Orðrómur er í gangi um að Walt Disney fyrirtækið ætli að stofna sitt eigið flugfélag en samkvæmt vefsíðunni Justdisney.com þá segir að Disney ætli að festa kaup á nokkrum litlum farþegaflugvélum á n

Korean Air staðfestir pöntun í 20 Dreamliner-þotur

20. júlí 2019

|

Korean Air hefur staðfest pöntun í tuttugu Dreamliner-þotur; tíu af gerðinni Boeing 787-9 og tíu af gerðinni Boeing 787-10.

Tvö ókeypis námskeið hefjast í næstu viku hjá Keili

18. júlí 2019

|

Í næstu viku munu tvö námskeið hefjast á vegum Flugakademíu Keilis, annars vegar grunnnámskeið um einka- og atvinnuflugnám og hinsvegar námskeið fyrir ungt fólk um flugtengd störf en bæði námskeiðin

Fær reikning upp á 13 milljónir vegna dólgsláta um borð

18. júlí 2019

|

Annar flugdólgur hefur nú fengið himinháan reikning í bakið fyrir ósæmilega hegðun um borð í flugvél sem var í þetta skiptið á leið til Tyrklands frá Bretlandi en áhöfn vélarninar neyddist til þess

Aðeins 200 kíló eftir af eldsneyti í tönkunum við lendingu

18. júlí 2019

|

Farþegaþota á Indlandi var aðeins sex mínútum frá því að hafa klárað allt eldsneyti um borð áður en hún náði að lenda á flugvellinum í Delí fyrr í vikunni.

 síðustu atvik

  2019-01-01 20:20:00