flugfréttir

Forstjóri JAL lækkar laun sín vegna ölvaðs flugmanns

- Japan Airlines setur á bann við neyslu áfengis innan 24 tíma fyrir vaktir

3. desember 2018

|

Frétt skrifuð kl. 11:36

Yuji Akasaka hefur ákveðið að lækka laun sín um 20 prósent næstu þrjá mánuðina

Yuji Akasaka, forstjóri Japan Airlines, hefur ákveðið að lækka laun sín um 20 prósent næstu þrjá mánuðina í þeim tilgangi til að afsaka fyrir atvik er flugstjóri einn hjá félaginu var stöðvaður rétt fyrir flug eftir að áfengi mældist í blóði hans sem reyndist langt yfir leyfilegum mörkum.

Atvikið átti sér stað í síðasta mánuði á Heathrow-flugvellinum í London þegar flugmaðurinn Katsutoshi Jitsukawa var látinn gangast undir áfengispróf 50 mínútum fyrir brottför til Tókýó eftir að rútubílstjóri, sem ók áhöfninni frá hótelinu til Heathrow-flugvallarins, fann sterka áfengislykt af flugmanninum.

Í ljós kom að vínandi í blóði flugmannsins, sem er 42 ára, var 10 sinnum meiri en það sem lög gera ráð fyrir í Bretlandi.

Jitsukawa var í seinustu viku dæmdur í 10 mánaða fangelsi í Bretlandi við réttarhöld í Isleworth Crown Court dómshúsinu en hann baðst afsökunar á því að hafa mætt ölvaður rétt fyrir flug og iðraðist þess að hafa orðið flugfélaginu fyrir vonbrigðum.

Katsutoshi Jitsukawa rétt áður en hann ætlaði að ganga um borð í
Boeing 787-9 þotu félagsins á Heathrow-flugvellinum

Jitsukawa sagði við réttarhöld í Bretlandi að hann væri undir miklu álagi í starfi og áfengi hefði oft hjálpað honum við að slappa af.

Japanir hafa lengi verið þekktir fyrir mikinn aga og stundvísi og ákvað forstjórinn flugfélagsins að bregðast við hneyksluninni með því að taka á sig 20% launalækkun næstu þrjá mánuðina og þá munu einnig nokkrir stjórnarmeðlimir Japan Airlines taka á sig 10% launalækkun.

Forstjóri Japan Airlines bað einnig alla afsökunar og sérstaklega þá farþega sem áttu bókað með vélinni en brottför seinkaði um 69 mínútur. Þá stóð til að hafa þrjá flugmenn um borð en þess í stað þurfti þotan að fara í loftið frá Heathrow með aðeins tvo flugmenn í stjórnklefanum.

Annar flugmaður innan Japan Airlines féll á áfengisprófi mánuði síðar

Japan Airlines hefur ákveðið að herða reglur varðandi áfengisneyslu meðal starfsmanna sinna og banna þeim að neyta áfengis innan 24 tíma áður en þeir eiga að mæta til vinnu en hingað til hefur bannið miðast við 12 klukkustundir.

Flugvélar Japan Airlines

Aðeins leið einn mánuður frá því Jitsukawa var stöðvaður á Heathrow-flugvelli þar til annar flugmaður í Japan, sem flaug fyrir Japan Air Commuter, féll á áfengisprófi þann 29. nóvember sl. skömmu áður en hann átti að fljúga ATR skrúfuflugvél í innanlandsflugi.

Sá flugmaður hafði setið að sumbli nóttina áður en var stöðvaður nokkrum mínútum fyrir brottför og þurfti að skipta þeim flugmanni út fyrir annan sem var á bakvakt.

Japan Air Commuter er dótturfélag Japan Airlines og í eigu Japan Airlines Group.







  fréttir af handahófi

Breytingar á flugáætlun Icelandair

10. apríl 2019

|

Icelandair hefur tilkynnt um breytingar á leiðarkerfi félagsins sem meðal annars má rekja til kyrrsetningar á Boeing 737 MAX þotum félagsins en á föstudag verður kominn einn mánuður frá því Boeing 73

Samfélagssjóður Isavia styrkir 23 verkefni

5. febrúar 2019

|

Trúðaheimsóknir á Barnaspítala Hringsins, flugsýning á Reykjavíkurflugvelli og forvarnarstarf gegn fíkniefnum og Evrópumót í keltneskum fangbrögðum í Reykjanesbæ voru meðal þess sem hlaut styrk úr sam

Einkafyrirtæki styrkir nýja flugbraut á eyjunni Catalina

19. febrúar 2019

|

Hafist hefur verið handa við að lagfæra og koma flugbrautinni á eyjunni Catalina við strendur Los Angeles í nothæft ástand á ný.

  Nýjustu flugfréttirnar

United Airlines kynnir nýtt útlit

24. apríl 2019

|

Bandaríska flugfélagið United Airlines kynnti í dag nýtt útlit og var fyrsta flugvélin, sem máluð hefur verið í nýjum búningi, frumsýnd við hátíðlega athöfn á flugvellinum í Chicago.

EasyJet bannar hnetur um borð

24. apríl 2019

|

Breska lágfargjaldafélagið easyJet ætlar að hætta að selja hnetur um borð í flugvélum sínum auk þess sem félagið ætlar einnig að banna farþegum að taka með sér hnetur um borð til að borða í flugi.

Tveir flugmenn hjá Cathay Pacific hlutu sjóntruflanir í flugi

24. apríl 2019

|

Flugmálayfirvöld í Hong Kong rannsaka nú tvö atvik sem áttu sér stað fyrr á þessu ári þar sem tveir flugmenn hjá Cathay Pacific, í sitthvoru fluginu, hlutu sjóntruflanir í miðju flugi með mánaðar mil

Nefnd skipuð til að rannsaka vottunarferli Boeing 737 MAX

23. apríl 2019

|

Samgönguráðuneyti Bandaríkjanna hefur skipað saman sex manna nefnd sem er ætlað að fara yfir það vottunarferli sem átti sér stað á sínum tíma í kjölfar smíði Boeing 737 MAX þotunnar og hafa auga með

Icelandair til Bergen tímabundið með Bombardier Q400

22. apríl 2019

|

Icelandair mun nota Bombardier Dash 8 Q400 flugvél fyrir áætlunarflug til Bergen Í Noregi tímabundið í næsta mánuði.

Cirrus SF50 Vision einkaþotan kyrrsett af FAA

19. apríl 2019

|

Bandarísk flugmálayfirvöld (FAA) hafa farið fram á að allar þotur af gerðinni Cirrus SF50 Vision verði kyrrsettar en lofthæfisreglugerð og fyrirmæli þess efnis voru gefin út í dag af stofnuninni.

Ætla að hætta við A350 og taka A330neo í staðinn

16. apríl 2019

|

SriLankan Airlines ætlar sér að hætta við Airbus A350 þoturnar sem félagið pantaði árið 20143 og er félagið að íhuga að breyta pöntuninni yfir í Airbus A330neo breiðþoturnar.

Einkaþota þýska ríkisins í hremmingum í lendingu í Berlín

16. apríl 2019

|

Röskun varð á flugumferð um Schöenefeld-flugvöllinn í Berlín í morgun og beina þurfti komuflugvélum til annarra flugvalla eftir að einkaþota á vegum þýska ríkisins lenti í hremmingum skömmu eftir fl

Ný alþjóðleg nefnd rannsakar og fylgist grannt með 737 MAX

15. apríl 2019

|

Stofnuð hefur verið alþjóðleg nefnd meðal flugmálayfirvalda víðsvegar um heim sem ætla í sameiningu að fara yfir þær breytingar sem Boeing hefur gert á búnaði á Boeing 737 MAX með tilliti til vottuna

Flugvélaleiga tekur níu þotur af Avianca Brasil

15. apríl 2019

|

Brasilíska flugfélagið Avianca Brasil, dótturfélag kólumbíska flugfélagsins Avianca, er nú komið í mikla fjárhagserfiðleika og og þurfti félagið sl. föstudag að fella niður 179 flugferðir á næstu fimm

 síðustu atvik

  2019-01-01 20:20:00