flugfréttir
WOW air flýgur jómfrúarflugið til Nýju-Delí á Indlandi
- 10 tíma flug frá Keflavík til Indlands
Áhöfnin í jómfrúarfluginu til Nýju-Delí í dag á Keflavíkurflugvelli
WOW air flaug í dag sitt fyrsta áætlunarflug til Nýju-Delí á Indlandi en aldrei áður hefur íslenskt flugfélag flogið áætlunarflug til Asíu og þá er um að ræða lengsta farþegaflug í íslenskri flugsögu frá Keflavíkurflugvelli.
Jómfrúarflugið fór í loftið frá Keflavík klukkan 12:14 í hádeginu og er um að ræða 10 tíma langt
flug og var það Airbus A330 þotan TF-GAY sem lagði af stað í fyrsta Indlandsflugið.
Núna klukkan 16:32 var flugvélin stödd í 39.000 feta hæð í um 254 kílómetra fjarlægð norður af borginni Kazan í Rússlandi og var hún þá hálfnuð til Nýju-Delí en
5 klukkustunda flug er framundan til viðbótar til Indlands.
Áætluð lending á Indira Gandhi flugvellinum í Nýju-Delí er klukkan 21:20 í kvöld að íslenskum
tíma eða klukkan 2:50 að indverskum tíma.
TF-GAY á Flightradar24.com kl. 16:27
Það var þann 15. maí á þessu ári sem WOW air tilkynnti að félagið myndi hefja flug til Indlands en
undirbúningur vegna flugsins hafði þá staðið yfir í þónokkurn tíma með fundum með indverskum
stjórnvöldum.
Skúli Mogensen, forstjóri og stofnandi WOW air, var ekki með í jómfrúarfluginu í dag en
hann hefur haft í nógu að snúast varðandi fjárfestingar bandaríska fyrirtækisins Indigo Partners
sem eru staddir hér á landi vegna kaupa á WOW air.
Athöfn fór fram á Keflavíkurflugvelli í morgun fyrir jómfrúarflugið þar sem farþegar þáðu
veitingar á meðan Björn Óli Hauksson, forstjóri Isavia, klippti á borða ásamt Skúla Mogensen, stofnanda
WOW air.
WOW air mun fljúga þrisvar í viku frá Keflavíkurflugvelli til Nýju-Delí og geta bæði
Íslendingar því flogið beint til Indlands auk þess sem markaður opnast fyrir Indverja til að fljúga til
Norður-Ameríku með viðkomu á Íslandi og fyrir Bandaríkjamenn að ferðast til Indlands
með viðkomu í Keflavík.
„Það er söguleg stund þegar við í dag vígjum nýja flugleið flugfélagsins WOW air alla leið til Indlands,“ sagði Björn Óli. „Þetta er fyrsta áætlunarflug Íslendinga til Asíulanda og mikilvægur áfangi í ört vaxandi leiðakerfi félagsins, og einnig fyrir Keflavíkurflugvöll og okkur hjá Isavia.“, bætti Björn Óli við.
Farþegar ganga um borð í TF-GAY á leið til Indlands
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.